Matio 10:1 - Ku̍o̍ Delee 1999

¹ Wɛ̀ Jusu dǎ ɔ̍ kòà-a pùè jɔ̌ sɔɔ̌n dǒ ɔ̍ we̍. Iě ɔ̍ nyǐ u̍h gbǐh u̍h iě nyɔ̍ jeědih de̍e̍ i̍ sà. Wɛ̀ u̍h iě nyɔ̍gbei-a poa dɛ̍ᵻ ke wɛ̌ᵻ kli̍hgbɛ̍ bɔ̌ɛ.

Matio 10:1 Iomraidhean Croise

Matio 19:28

Wɛ̀ Jusu la̍a̍ dě u̍h we̍, “Tìh-a taǐn àn sèàɛ̍ mɔ̀ wlùh, ti̍ dɛ̍ᵻ kli̍hgbɛ̍-a mu̍-a delee i̍ gbǎ-ɛ, nɛ̀ Nyi̍ɔ̍-a Jǔ-a mu̍ i̍ tè dǒ ɔ̍ nynɛ̌ gbalǎ kɛ̍n dě ɔ̍ tìh-a i̍ bɛ̌-ɛ di̍i̍. Nɛ̀ mɔ̀ɔ̍ ùh gbǎ-a dǒ ǐn de̍e̍-ɛ, wɛ̀ mɔ̀ iě dǒ nynɛ̌ gbalǎᵻá pùè jɔ̌ sɔɔ̌n kɛ̍n i̍ tìèe̍ ke, wɛ̀ mɔ̀ iě Eslɔɛ nyɔ̍-a chɛ̌tu-a pùè jɔ̌ sɔɔ̌n wlu̍ i̍ kɔn.

Matio 26:20

Ti̍ ɛ̍ nu̍-a flìwe̍-ɛ, wɛ̀ Jusu ke ɔ̍ kòà-a pùè jɔ̌ sɔɔ̌n tìèe̍ i̍ u̍h iě dɛ̍ di̍.

Matio 26:47

Jusu nɛ dǒ wlu la̍ sǔh, wɛ̀ Juda ji̍. Ɔ̍ kòà-a pùè jɔ̌ sɔɔ̌n laa̍ u̍h-a due bo. Nɛ̀ ɔ̍ ke nyɔ̍ tlùgbei̍ na. U̍h blě plàn chlɛ̀nᵻ ke gbòmina̍ᵻ kwa̍ i̍. Nɛ̀ Nyɔsoa-a slaǎ sà nyɔ̍ klaaᵻ ke nyɔ̍ klaaᵻ bo ùh dbo̍ u̍h.

Matio 4:23

Wɛ̀ Jusu na Kaladii bloa̍ kli̍hgbɛ̍ we̍, ɔ̍ po̍ nyɔ̍ nǎ dě Juu nyɔ̍-a wɛɛ sà gbòᵻ sɔ̀n-i. Iě ɔ̍ bla̍ pɔ̀n chɛ̀-a tìh dǒ Nyɔsoa-a kmɔ̌ wlu̍ i̍ kɔn dɛ we̍. Wɛ̀ ɔ̍ bɔ̌-ɛ nyɔ̍gbei-a poa-dɛ̍ᵻ ke wɛ̌ᵻ kli̍hgbɛ̍.

Matio 6:13

Bɔ̌ à blu̍ja̍a̍ gbǎ tìh i̍ wɔ̌ɛn, jɛ sèìe àɔ̀ dě Nyɔ̍ Sɔ̀n laa̍ kwa̍a̍. [Nɛ̀ɛ̍, àn kmɔ̌, ɛ̍ ke àn gbǐh, àn tìh-a i̍ bɛ̌-ɛ, mɔ̀ kɔn i̍h nɔ̌ kmɔ̌-a kmɔ̌. Kǎ ɛ̍-ɛ nɛ.]’

Matio 9:35

Jusu na wlɔ̀ᵻ klaaᵻ ke wlɔ̀ᵻ plìh kli̍hgbɛ̍ di̍i̍ i̍. Wɛ̀ ɔ̍ po̍ nyɔ̍ nǎ dě Juu nyɔ̍-a wɛɛ sà gbòᵻ sɔ̀n i̍. Iě ɔ̍ bla̍ pɔ̀n chɛ̀-a tìh dǒ Nyɔsoa-a kmɔ̌ wlu̍ i̍ kɔn dɛ we̍. Wɛ̀ ɔ̍ bɔ̌ɛ nyɔ̍gbei-a poa dɛ̍ᵻ ke wɛ̌ᵻ kli̍hgbɛ̍.

Matio 9:38

Ɛ̍ tìh-ɛ, mɔ̀ wlu dě klè joi we̍ ɔ̍ iě kɔɔ chɛ̍n-nyɔ̍ dɔu nɔ̌ klè la dbo̍.”

Pɔ̀n Chɛ̀ Luu To-a La 10:19

Gbɛ̀n-e, ǐn nyǐ mɔ̀ gbǐh mɔ̀ iě sɛ̍ᵻ ke kèǎnkèànᵻ kɛ̍n i̍ na, wɛ̀ mɔ̀ iě Setɔn-a gbǐh kli̍hgbɛ̍ wɔ̍n sìì, nɛ̀ dɛ̍ se̍ mɔ̀ nu̍ mu̍.

Pɔ̀n Chɛ̀ Luu To-a La 21:15

Dɛ̍nu̍ɛ, ǎn mu̍ mɔ̀ wlu̍ wɔ̍ɔ̍n po̍, wɛ̀ iě mɔ̀ flɔ̍nwlùh nyǐ. Nɛ̀ mɔ̀-a nyɛ̌-nyɔ̍ se̍ ɛ̍ i̍ nyna-a bɛ̌ɛ mu̍ u̍h iě ɛ̍ dǒ wìè-i sà.

Pɔ̀n Chɛ̀ Luu To-a La 24:49

Nɛ̀ɛ̍, ǎn mu̍ ɛ̀ kɔn wlu̍ ǐn Baa po̍-a tɔ̀ma̍a̍-ɛ mɔ̀ we̍ dbo̍. Jɛ mɔ̀ nɛ da̍a wlɔ̀ te̍e̍ wɛ̀ gbǐh sɔ-a dě ja̍i̍wlɔ̀-ɛ, ɛ̍ iě mɔ̀-ɔ gbǎ.”

Pɔ̀n Chɛ̀ Luu To-a La 6:13

Sɔ̀n sɛ̀n-aɛ, wɛ̀ ɔ̍ dǎ ɔ̍ kòà. Iě ɔ̍ tba̍ nyɔ̍-a pùè jɔ̌ sɔɔ̌n chèɛ̀ dě u̍h nynɛ̌, u̍h bo ɔ̍ dǎɛ gba̍tòà.

Chɔɔn 17:2

Dɛ̍nu̍ɛ, ìn nyǐ ɔ̍ gbǐh ɔ̍ iě nyɔ̍ kli̍hgbɛ̍ wlu̍ i̍ kɔn, ɔ̍ iě nyɔ̍ kli̍hgbɛ̍ ìn nyǐ-a ɔ̍-ɛ kmɔ̌ sie feɛ nyǐ.

Chɔɔn 3:27

Chɔɔn la̍a̍, “Nyɔsoa-a se̍ nyɔ̍ dɛ̍ nyǐ wɛ̀ ɔ̍-ɔ blě ɛ̍.

Chɔɔn 3:35

Baa Nyɔsoa jbɛɛ ɔ̍ Jǔ-u, iě ɔ̍ tèè ɔ̍ dɛ̍ᵻ kli̍hgbɛ̍ kwa̍.

Chɔɔn 6:70

Iě Jusu la̍a̍ dě u̍h we̍, “Mɔ̀ɔ̍ nu̍-a pùè jɔ̌ sɔɔ̌n-ɛ, ɛ̍ se̍ mɔ̍ ɔ̀ se̍ mɔ̀ chèɛ̀ tba̍ ae? Jɛ Kǔ kɔn mɔ̀-a nyɔ̍ due wlu̍ i̍.”

Nu̍-dɛ̍ᵻ 1:8

Jɛ ti̍ Nyɔsoa-a Sùù-a mu̍-a mɔ̀ kɛ̍n gbǎ-ɛ, nɛ̀ mɔ̀-a mu̍ gbǐh blě, wɛ̀ mɔ̀ iě ǎn sàànsi̍i̍h nu̍ dǒ Juluslɛn, ɛ̍ ke Judia ke Sɛmewlea bloa̍ kli̍hgbɛ̍ kɛ̍n i̍. Ɛ̍ ke dě bloa̍-a siee la̍ ke.”

Nu̍-dɛ̍ᵻ 19:15

Jɛ nɛ̀ jeědih la̍a̍ dě u̍h we̍, “Ǐn juo Jusu, iě ǐn juo Pɔɔ. Jɛ mɔ̀ɔ̍ nɔ̀ɔ̍, mɔ̀-a nynɛ̌-ɛ ke ɛ?”

Wlɛfeleseɔn 12:1

Wɛ̀ nyɔ̍ wɔ̍n flɔn-ɛ dɛ̍ klaa wlǔh-i dě ja̍u̍n wlì. Nynɔ̌ due nɛ-a deě-ɛ, jlǔh nu̍ ɔ̍ gbà-a jliɛ̍. Wɛ̀ chǔh nu̍ ɔ̍ bu̍hᵻ kɛ̍n i̍ tba̍ dɛ̍. Iě chǔhtlɛ̀n-a pùè jɔ̌ sɔɔ̌n nu̍ blawɛ̌ ɔ̍ tèè.