21 Ɔ̍ mu̍ jɔ̍gbau jǔ wlǔh-i, nɛ̀ ìn dǎɛ ɔ̍ Jusu, ɛ̍ gbɔ̀ nu̍ Nyɔsoa sèìe àɔ̀. Dɛ̍nu̍ɛ, ɔ̍ mu̍ ɔ̍ nyɔ̍ sèìe dě u̍h-a gblɛ̍n sɔ̀ɛ̀n di̍i̍.”
Jɛ ɔ̍ ke ɔ̍ se̍ dlǔ tàdùè i̍ po̍ te̍e̍ wɛ̀ ɔ̍ sà jǔ laa̍ ɔ̍ gbàɔ̀n. Iě Josɛ tùi ɔ̍ Jusu nynɛ̌.
Jɛ Joi-a ǐnchɔ̀ la̍a̍ dě ɔ̍ we̍, “Sɛɛkewlaɛɔ, bɔ̌ faɔn ple̍-ɛ. Nyɔsoa wɔ̌n àn ba̍le wlu̍ wɛ̀. Àn nynɔ̌ Ilesebɛ-a mu̍ jɔ̍gbau jǔ wlǔh-i dǒ ìn we̍, nɛ̀ ìn dǎɛ ɔ̍ Chɔɔn.
Àn mu̍ sùù kɛ̍n nɛ, wɛ̀ ìè jɔ̍gbau jǔ wlǔh-i. Nɛ̀ ìn dǎɛ ɔ̍ Jusu.
Mɔ̀-a Sèìe Nyɔ̍ Klai ɔ̀ nu̍-a Joi-ɛ, ɔ̍-ɔ bo ɔ̀ wlǔh sèàn dǒ Depe blǐ wlɔ̀.
Ɔ̍ wlǔh-aɛ, ɛ̍ nu̍ wǐh mɛ̀ta̍a̍n iě ɔ̍ poe-ɛ plɔ̀n. Wɛ̀ u̍h tùi ɔ̍ Jusu nynɛ̌. Nynɛ̌ laa̍ bo Nyɔsoa-a ǐnchɔ̀ tùi ɔ̍ wɛ̀ Mɛle dǔ ɔ̍ kwlǐ nɛ-ɛ.
Sɔ̀n dɛɛ sɛ̀n-aɛ, wɛ̀ Chɔɔn jě Jusu nɛ̀ ɔ̍ ji̍ ɔ̍ wlì. Iě ɔ̍ la̍a̍, “Gbɛ̀n-e, Nyɔsoa-a Blawɛ̌ Jǔ ɔ̀ sà-a gblɛ̍n sɔ̀ɛ̀n i̍ da̍a kmɔ̌ we̍-ɛ la.
Iě u̍h la̍a̍ dě nynɔ̌ laa̍ we̍, “Ɛ̍ se̍ àn wlu̍-a tìh à se̍ wlùh gbaɛ-ɛ blě dɛ o, jɛ à chɛ̀ wɔ̌n ɔ̍ wlu̍ wɛ̀, iě à juo dɛ̍ i̍ ka ɔ̍ nu̍-a kmɔ̌ la ɛ̍ Sèìe Nyɔ̍ chɛ̀ɛ̌chɛ̀-ɛ.”
Nyɔ̍ Sèìe Nyɔ̍ kɔn wlu̍ Nyɔsoa po̍-a tɔ̀ma̍a̍-a, dě jɔ̍gbau la ɔ̍ tloemlai nynɛ̌ bo ɔ̍ sà ɔ̍, iě ɔ̍ ja ɔ̍ Eslɔɛ nyɔ̍. Ɔ̍ bo ɔ̀ nu̍-a Jusu.
Ɛ̍ kɔn Nyɔsoa dǔ-a ɔ̍ pòi̍ju ja̍i̍-ɛ, iě ɔ̍ dbo̍ ɔ̍ nɔ̌ mɔ̀ we̍ sàǐtòò ɛ̍ iě mɔ̀-a pɔ̀ìě nu̍, ɔ̍ iě mɔ̀ fèàɛ̀, mɔ̀ iě kà kɔn gblɛ̍n i̍ tǎli.”
Pǔh-ɛ se̍ dě nyɔ̍ dɔɔ ja̍a̍ nɛ. Nynɛ̌ dɛɛ se̍ nɔ̌ ja̍u̍n la sɔ̀n nɛ nyɔ̍ iě tù wɛ̀ à iě i̍ pǔh-i.”
Iě Nyɔsoa dǔ ɔ̍ ja̍i̍ dǒ ɔ̍ di̍na̍ we̍, ɔ̍ iě Dlǔtu ke nyɔ̍ Sèìe Nyɔ̍ nu̍. Wɛ̀ ɔ̍ iě Eslɔɛ nyɔ̍ flɔna̍ nyǐ u̍h iě i̍ bǐi wɛ̀ u̍h-a gblɛ̍n sɔ̀ɛ̀n-a tìh iě i̍ tǎli-ɛ.
Jusu sà ɔ̍ chɛ̀ kwlǎ à tìh, ɔ̍ iě àɔ̀ kɛ̍ɛ̍n pùhbɔ dě kà gblɛ̍n kli̍hgbɛ̍ di̍i̍. Wɛ̀ ɔ̍ nu̍ à wlaǎwla à iě dǒ ɔ̍ chɛ̀ we̍ kɔn kleǐn. Wɛ̀ à wlùh iě jàjà nu̍ dǒ dɛ̍ chɛ̀ nu̍-ɛ we̍.
Ɛ̍ tìh-ɛ, nyɔ̍ ùh-a ji̍-a Nyɔsoa we̍ dě ɔ̍ ja̍a̍-ɛ, ɔ̍ bɛ̌ɛ u̍h pǔh-iɛ kaka ke ti̍ kli̍hgbɛ̍ we̍. Dɛ̍nu̍ɛ, ɔ̍ nɛ kmɔ̌ kleǐnklein ɔ̍ iě Nyɔsoa gbòɛ̀ i̍ bla̍-ɛ dǒ u̍h-a tàà.
Jɛ ka ɔ̍ nu̍-a dě sɔ̀npli di̍i̍ nɛ-ɛ, pò à nu̍ la̍a̍n dě sɔ̀npli di̍i̍ nɛ-ɛ ke-ɛ, nɛ̀ ɔ̍ ke à nɛ̍aɛ la̍ we̍. Nɛ̀ ɔ̍ Jǔ Jusu Klai-a nymɔ̍-a wɔ̍lɔ à gblɛ̍n sɔ̀ɛ̀n kli̍hgbɛ̍ pihpǐh.
Mɔ̀-a chɛ̀ juo ɛ̍-ɛ Klai ji̍-i ɔ̍ iě à gblɛ̍n sɔ̀ɛ̀n i̍ sà. Dě ɔ̍ ja̍a̍ bo gblɛ̍n sɔ̀ɛ̀n se̍ nɛ.
Wɛ̀ na̍a̍, “Nyɔ̍ klaa, ǐn se̍ u̍h-a dɛ̍ i̍ juo. Mɔ̀ bo ɔ̀ juo u̍h.” Iě ɔ̍ la̍a̍ dě ǐn we̍, “Nyɔ̍ la ùh jii-a dě jua̍i̍ sàɛ̀ klaa di̍i̍-ɛ u̍hɔ̍ɔ̍ bo. U̍h wɔ̍lɔ u̍h-a plɛ̀i̍ᵻ wɛ̀, iě u̍h plǔ i̍ i̍h dǒ Blawɛ̌ Jǔ-a nymɔ̍ we̍.