Matio 1:16 - Ku̍o̍ Delee 1999

¹⁶ Jekɔ wlǔh-i Josɛ ɔ̀ nu̍-a Mɛle-a kɔan-ɛ. Mɛle bo ɔ̀ wlǔh-ia Jusu, ɔ̀ nu̍-a Nyɔsoa-a Chèɛ̀ Tba̍ju.

Matio 1:16 Iomraidhean Croise

Matio 1:15

Ɛlaiu wlǔh-i Ɛlieisa, Ɛlieisa wlǔh-i Matɔn, Matɔn wlǔh-i Jekɔ,

Matio 16:16

Wɛ̀ Samo Pitɛ la̍a̍, “Mɔ̀ Chèɛ̀ Tba̍ju, ɔ̀ nu̍-a kmɔ̌ nɛ Nyɔsoa-a Jǔ-ɛ.”

Matio 16:20

Wɛ̀ ɔ̍ nɛ̌ɛ ɔ̍ kòà wlu̍ dounᵻ i̍, u̍h-u je̍e nyɔ̍ dɔɔ wlùh sèàɛ̍ ka ɔ̍ nu̍-a Nyɔsoa-a Chèɛ̀ Tba̍ju-ɛ.

Matio 2:13

Ti̍ dɛ̍ jlǐhɛ̍ tù-i nyɔ̍ mu̍-a wɛ̀-ɛ, wɛ̀ Joi-a ǐnchɔ̀ jii Josɛ dlǔ we̍, ɛ̍ la̍a̍, “Sɔ-ɔ, dǔ jǔ la ke ɔ̍ de̍-e. Mɔ̀ ple̍, mɔ̀ iě Iche bloa̍ kɛ̍n mu̍. Dě mɔ̀ iě nɛ te̍e̍ wɛ̀ iě mɔ̀ wlùh sèàɛ̍ wɛ̀ mɔ̀ iě-e sɔ-ɛ dǔ. Dɛ̍nu̍ɛ, Ɛlo-a mu̍ jǔ la i̍ pɔ̀n ɔ̍ iě ɔ̍-ɔ gbɔ̀lɔ bu̍ɛ̍i̍.”

Matio 27:17

Ti̍ nyɔ̍ tlùgbei̍ gbǎ-a tàdùè dǒ Pale jǔ-ɛ, wɛ̀ ɔ̍ tèle u̍h i̍, ɔ̍ la̍a̍, “Jɔwe̍ bo mɔ̀-a pɔ̀n iě sèìe dǒ mɔ̀ we̍ ɛ? Bawlaba ɛɛ, àe̍e̍ Jusu u̍h-a dǎɛ Nyɔsoa-a Chèɛ̀ Tba̍ju-ɛ ae?”

Matio 27:22

Wɛ̀ Pale tèle u̍h i̍, ɔ̍ la̍a̍, “Jusu u̍h-a dǎɛ-a Chèɛ̀ Tba̍ju-ɛ, nɛ̀ ka iě ɔ̍ nɔ̀ɔ̍ ɔ̍ tìh nu̍ ɛ?” Iě u̍h kli̍hgbɛ̍ la̍a̍, “Kɔ̍ ɔ̍ dǒ gbàɛ̍ kɛ̍n i̍ tu̍ wlì.”

Pɔ̀n Chɛ̀ Maɛ To-a La 6:3

Ɛ̍ se̍ Mɛle-a jǔ ɔ̀ nu̍-a kɔ̍-nyɔ̍, ɔ̀ kɔn de̍di̍i̍ᵻ nu̍-a Chiin ke, Josɛ ke, Juda ke Samo-ɛ ae? Ɔ̀ kɔn de̍di̍i̍ᵻ nynɔ̌gbaɔᵻ tǐn-a da̍a à we̍-ɛ, ɛ̍ se̍ ɔ̍ mɔ ae?” Sɔ u̍h se̍ ɔ̍ jě-ɛ jbǎ.

Pɔ̀n Chɛ̀ Luu To-a La 1:27

Wɛ̀ ɛ̍ mu̍ dě jǔ nynɔ̌nyaa ɔ̀ se̍-a dɛ̍ i̍ juo-ɛ we̍, ɔ̍ nynɛ̌ bo Mɛle. Ɔ̍-ɔ laa̍, nɛ̀ Depe-a tloemlai Josɛ bo ɔ̀ tù ɔ̍ sɛ̌ dlǔ.

Pɔ̀n Chɛ̀ Luu To-a La 2:48

U̍h jě-a ɔ̍-ɛ, sɔ ɛ̍ flɔn-ɛ u̍h wɔ̍n. Iě ɔ̍ de̍ la̍a̍ dě ɔ̍ we̍, “Ǎn jǔ, dɛ̍nu̍ ìn nu̍ àɔ̀ dɛ̍ kaɛn la pùn ɛ? Ìn baa ke ǐn ke àn sèò-a nu̍ àɔ̀, à dǔ-a ìn i̍ pɔ̀n-ɛɛ à blě-a.”

Pɔ̀n Chɛ̀ Luu To-a La 2:7

Iě ɔ̍ sà ɔ̍ sàǐtòò gbàɔ̀n, ɔ̍ wlǔh-i jɔ̍gbau jǔ, wɛ̀ ɔ̍ pìàɛ̍n ɔ̍ jliɛ̍ i̍, iě ɔ̍ pɛ̌n-ɛ ɔ̍ i̍ dě bliᵻá di̍i̍ di̍-i gblòùn gbà di̍i̍. Dɛ̍nu̍ɛ, u̍h se̍ pɛ̌n la̍ jě dě dihwi̍h gbò di̍i̍.

Pɔ̀n Chɛ̀ Luu To-a La 3:23

Ti̍ Jusu tè-a ɔ̍ dbo̍ nu̍-ɛ gbɔ̀-ɛ, nɛ̀ ɔ̍ sɔ̀nᵻ bɛ̌ɛ kwela ta̍a̍n nu̍-ɛ wɛ̀. Ɔ̍ nyɔ̍-a jǔ dɛ laa̍, nɛ̀ Josɛ bo nyɔ̍ɔ ju̍o̍e ɔ̍. Wɛ̀ Josɛ nu̍ Ɛli-a jǔ.

Pɔ̀n Chɛ̀ Luu To-a La 4:22

Wlu̍ sɔ-a dě ɔ̍ wɔ̍ɔ̍n-ɛ, ka ɛ̍ nu̍-a wɔ̍n nmɔ-ɛ, sɔ ɛ̍ wlǔh i̍ u̍h de̍e̍. Iě u̍h po̍ ɔ̍ wlu̍ tìh chɛ̀-ɛ. Wɛ̀ u̍h la̍a̍, “Na̍ ɔ̀ la ɔ̍ se̍ Josɛ-a jǔ ae?”

Chɔɔn 4:25

Iě nynɔ̌ la̍a̍ dě ɔ̍ we̍, “Ǐn juo i̍h Nyɔsoa-a Chèɛ̀ Tba̍ju u̍h-a dǎɛ-a Klai-ɛ, ɔ̍ mu̍ ji̍. Ti̍ ɔ̍ mu̍-a ji̍-ɛ, ɔ̍ mu̍ à dɛ̍ᵻ kli̍hgbɛ̍ wlùh sèàɛ̍.”