Matio 1:1 - Ku̍o̍ Delee 1999

¹ Jusu Klai baa-a baaᵻá nynɛ̌ la. Depe nu̍ Eblaɛɛn-a tloemlai, wɛ̀ Jusu nu̍ Depe naɛ tloemlai.

Matio 1:1 Iomraidhean Croise

Matio 1:18

Kǎ Jusu Klai-a wlǔh-ɛ nu̍ ka nɛ-ɛ. Mɛle ɔ̀ wlǔh-ia Jusu-ɛ, Josɛ bo ɔ̀ tù ɔ̍ sɛ̌ dlǔ. Jɛ ɔ̍ se̍ jla̍ mu̍ sǔh, wɛ̀ ɔ̍ juo-o dɛ̍ i̍ ka Nyɔsoa-a Sùù-a gbǐh-a mu̍-a ɛ̍ nu̍ wɛ̀ ɔ̍ iě-a jǔ wlǔh-iɛ. Iě ɔ̍ nɛ kwlǐ.

Matio 1:2

Eblaɛɛn wlǔh-i Ase, Ase wlǔh-i Jekɔ, Jekɔ wlǔh-i Juda ke ɔ̍ de̍di̍i̍ᵻ,

Matio 15:22

Dǒ-o bo Kɛna nynɔ̌ ɔ̀ tǐn-a dě fɔ̌ laa̍ we̍-ɛ ji̍ dǒ ɔ̍ we̍. Wɛ̀ ɔ̍ wǐ, ɔ̍ la̍a̍, “Nyɔ̍ klaa, Depe-a Jǔ, jě ǐn wɔɛ lě. Ǎn jǔ nynɔ̌gbaɔ jeědih nɛ-a dǒ de̍e̍-ɛ, ɔ̍ sàɛ̀-a jua̍i̍ sǔh-ɛ ɛ̍ se̍ dɛ̍ka nɛ wa.”

Matio 3:16

Ti̍ Chɔɔn wɔ̀-a Jusu nǐ dlǔ po̍-ɛɛ, Jusu naɛ àn jǎ dǒ tlu̍h kɛ̍n ka-a, sɔ ja̍u̍n pɔ̀ni wɔ̍i̍n dǒ ɔ̍ we̍ sǔh, iě ɔ̍ jě Nyɔsoa-a Sùù-a ji̍ wlù dǒ ɔ̍ we̍ ka gbɔ̀lǐh-a ji̍ gbǎ la̍-ɛ.

Matio 9:27

Ti̍ Jusu-a sɔ-a la̍ dǒ tà-a chɛ̀-ɛ, wɛ̀ dɔ̌-nyɔ̍ sɔɔ̌n wɔ̀ dǒ ɔ̍ de̍e̍, u̍h-a we̍le. U̍h la̍a̍, “Depe-a Jǔ, jě à wɔɛ lě.”

Pɔ̀n Chɛ̀ Luu To-a La 1:33

Nɛ̀ ɔ̍ mu̍ blǔh baa nu̍ dǒ Eslɔɛ nyɔ̍ we̍ nɔ̌ kmɔ̌-a kmɔ̌. Ɔ̍ kmɔ̌ wlu̍ i̍ kɔn-ɛ se̍ siee la̍ kɔn mu̍.”

Chɔɔn 7:42

Nyɔsoa-a wlu̍ se̍ la̍ Chèɛ̀ Tba̍ju ɔ̀ mu̍-a Depe-a tloemlai nu̍-ɛ, Bɛfleɛɛn ɛ̀ nu̍-a Depe-a wlɔ̀-ɛ, dǒ ɛ̍ di̍i̍ ɔ̍ se̍-e sɔ mu̍ ae?”

Nu̍-dɛ̍ᵻ 2:30

Jɛ ɔ̍ nu̍ Nyɔsoa-a tu̍owli po̍ nyɔ̍, sɔ ɔ̍ juo Nyɔsoa-a tɔ̀ma̍a̍ wlu̍. Ɔ̍ po̍ wlu̍ tɔ̀ma̍a̍ ka ɔ̍ mu̍-a Depe-a tloemlai-a due blǔh baa we̍i̍ nu̍ dǒ Depe wɔ̀ɔ̀-ɛ.

Wloma 1:3

Ɛ̍ tba̍ dǒ ɔ̍ Jǔ ɔ̀ nu̍-a à Joi Jusu Klai-ɛ pùn i̍, ɔ̀ nu̍-a Depe-a tloemlai dě nyi̍ɔ̍ku di̍i̍-ɛ.

Wloma 4:13

Eblaɛɛn slè-ɛ i̍ slɛ̌-nyɔ̍ dě ɔ̍ wlùh gbaɛ blě-ɛ di̍i̍. Ɛ̍ kɔn Nyɔsoa po̍ wlu̍ tɔ̀ma̍a̍ dǒ ɔ̍ ke ɔ̍ tloemlai we̍ u̍h iě kmɔ̌ la wlu̍ i̍ kɔn. Jɛ ɛ̍ se̍ ɔ̍ Nyɔsoa-a telě dɛ̍ɛ̍ jě tìh.

Wloma 9:5

U̍h bo ùh nu̍ à blǔh baaᵻá nynuu̍, wɛ̀ Klai nu̍ u̍h blǐ jǔ dě nyi̍ɔ̍tu di̍i̍. Nɛ̀ Nyɔsoa ɔ̀ kɔn-a dɛ̍ᵻ kli̍hgbɛ̍ wlu̍ i̍-ɛ, ɔ̍ bo ɔ̀ iě nǐ wɔ̍n sà-ɛɛ nɔ̌ kmɔ̌-a kmɔ̌. Kǎ ɛ̍-ɛ nɛ.

Kelesea 3:16

Nyɔsoa po̍ wlu̍ tɔ̀ma̍a̍ dě Eblaɛɛn ke ɔ̍ tloemlai we̍. Nyɔsoa-a wlu̍ se̍ ka nu̍ Eblaɛɛn-a tloemlai dɔu. Jɛ ɛ̍ la̍ tloemlai due, nɛ̀ nyɔ̍ due bo ɛ̍ dǎ. Ɛ̍-ɛ bo ɛ̀ nu̍-a Klai.

1 Timote 2:5

Dɛ̍nu̍ɛ, Nyɔsoa nɛ due, iě wlu̍ tàdùè po̍ nyɔ̍ nɛ due dǒ wlɔ̀ nyi̍ɔ̍ ke Nyɔsoa nynɛ̌. Jɔ̍gbau ɔ̀ nu̍-a Jusu Klai-ɛ bo.

2 Timote 2:8

Nu̍ Jusu Klai wlùh we̍. Depe-a tloemlai bo, iě ɔ̍ wlǔh-e. Ɛ̍-ɛ bo ɛ̀ nu̍ pɔ̀n chɛ̀ ǎn bla̍.

Wlɛfeleseɔn 22:16

“Mɔ̍ Jusu, mɔ̍ bo ɔ̀ dbo̍ ǎn ǐnchɔ̀ dě mɔ̀ we̍ ɛ̍ iě wlu̍ la bla̍ dě chɔchi̍h nyɔ̍ we̍. Mɔ̍ Depe-a jǔ, ǐn sɔ dě ɔ̍ chɛǐ, iě ǐn wɔ̀ chǔhtlɛ̀n ɛ̀ fa̍n-a chàa̍n klàɛ̍we̍-ɛ.”