Pɔ̀n Chɛ̀ Luu To-a La 9:51 - Ku̍o̍ Delee 1999

⁵¹ Ti̍-a kɔǎn-ɛa la̍ i̍ Jusu iě-a dě ja̍i̍wlɔ̀ gba̍-ɛɛ, iě ɔ̍ dǔ wìè-e ɔ̍ iě Juluslɛn mu̍.

Pɔ̀n Chɛ̀ Luu To-a La 9:51 Iomraidhean Croise

Pɔ̀n Chɛ̀ Maɛ To-a La 16:19

Ti̍ Joi Jusu wɔ̀-a ɔ̍ kòà we̍ wlu-ɛɛ, wɛ̀ ɔ̍ gba̍-ɛ dě ja̍i̍wlɔ̀. Iě ɔ̍ tè i̍ dǒ Nyɔsoa-a di̍na̍ we̍.

Pɔ̀n Chɛ̀ Luu To-a La 12:50

Klě jě nǐ ǎn mu̍-a dlǔ po̍-ɛ, ǎn wlùh-a nu̍ wàànwààn te̍e̍ wɛ̀ ɛ̍ iě dlǔ i̍ chlà-a dǔ.

Pɔ̀n Chɛ̀ Luu To-a La 13:22

Jusu blě nǎ po̍-ɛ iě ɔ̍ jii wlɔ̀ᵻ klaaᵻ ke plìh di̍i̍ i̍, iě ɔ̍ mu̍ Juluslɛn.

Pɔ̀n Chɛ̀ Luu To-a La 17:11

Jusu-a mu̍-a Juluslɛn-ɛ, wɛ̀ ɔ̍ jii dǒ Sɛmewlea ke Kaladii bloa̍ nynɛ̌.

Pɔ̀n Chɛ̀ Luu To-a La 18:31

Jusu chɛn-ɛ ɔ̍ kòà-a pùè jɔ̌ sɔɔ̌n gbɔ̍i̍, iě ɔ̍ la̍a̍ dě u̍h we̍, “À mu̍ la̍ dǒ Juluslɛn wlɔ̀ di̍i̍. Dɛ̍ᵻ kli̍hgbɛ̍ ìh Nyɔsoa-a tu̍owli po̍ nyɔ̍ chlǐh-a dǒ Nyi̍ɔ̍-a Jǔ pùn-ɛ, i̍h-a mu̍ la̍ chɛ̀-ɛ gbǎ.

Pɔ̀n Chɛ̀ Luu To-a La 19:11

Ti̍ u̍h-a po̍-a dě Jusu we̍ dounᵻɛ́, dǒ ɔ̍ poe nɛnǎ dě u̍h we̍. Ɔ̍ kɔǎɛn-a Juluslɛn i̍-ɛ, sɔ nyɔ̍ɔ jajeɛ̍ Nyɔsoa-a kmɔ̌ wlu̍ i̍ kɔn-ɛa mu̍ la̍ ji̍ de.

Pɔ̀n Chɛ̀ Luu To-a La 19:28

Jusu wɔ̀-a ɛ̀ la bla̍-ɛ, iě ɔ̍ gbǎ dǒ u̍h jǔ ɔ̍ mu̍ Juluslɛn.

Pɔ̀n Chɛ̀ Luu To-a La 24:51

Ɔ̍ nɛ dǒ u̍h nǐ wɔ̍n sà-ɛ la̍ wɛ̀ ɔ̍ sɔ dǒ u̍h we̍. Iě ɔ̍ gba̍-ɛ dě ja̍i̍wlɔ̀.

Pɔ̀n Chɛ̀ Luu To-a La 9:57

Jusu ke ɔ̍ kòà-a na-a dǒ wìè-iɛ, iě jɔ̍gbau due la̍a̍ dě ɔ̍ we̍, “Ǎn mu̍ dǒ ìn de̍e̍ gbǎ. Nɛ̀ tà ìn pa̍-a, ǎn mu̍-o pa̍.”

Chɔɔn 13:1

Ɛ̍ si̍e̍-o weɛ̍ due wɛ̀ ɛ̍ iě Sììkɛ̍n Weɛ̍-a Peě nu̍. Dǒ Jusu juo-e dɛ̍ i̍ ka ti̍ nyni̍-a wɛ̀ ɔ̍ iě-a da̍a kmɔ̌ la we̍ sɔ ɔ̍ iě-a Baa we̍ mu̍-ɛ. Nyɔ̍ ùh kɔn-a dǒ ɔ̍ we̍ nɔ̌ kmɔ̌-ɛ, u̍h-a jbɛɛ ɔ̍ sà-a dě bloɔ̍ i̍-ɛ, ɛ̍ bo ɔ̍ chlà-ɛ ɛ̍ dlǔ i̍.

Chɔɔn 16:28

Ǐn sɔ dě ǐn Baa we̍ wɛ̀ ǐn ji̍ nɔ̌ kmɔ̌ we̍. Wɛ̀ ǎn sɔ la̍ da̍a kmɔ̌ we̍, iě ǎn mu̍ la̍ dě de̍ ǐn Baa we̍.”

Chɔɔn 16:5

Jɛ kaka la̍ nyɔ̍ ɔ̀ dbo̍-a m-ɛ, dě ɔ̍ we̍ bo ǎn mu̍ la̍. Jɛ mɔ̀-a nyɔ̍ se̍ ǐn i̍ tèle tà ǎn mu̍-aɛ tìh.

Chɔɔn 17:11

Ǐn se̍ nɔ̌ kmɔ̌ la we̍ nɛ mu̍ dɛ, ǎn mu̍ la̍ dě ìn we̍ ji̍. Jɛ u̍h nɔ̀ɔ̍, u̍h-a mu̍-ɔn nɛ. Baa Nyɔsoa, mɔ̀ ɔ̀ Wɛ̀-a Nɛi̍-ɛ, àn nynɛ̌ ìn nyǐ-a m-ɛ, dě ɛ̍ gbǐh blě-ɛ di̍i̍ bo ìè u̍h kɛ̍n kaɛn. Wɛ̀ ka ìn ke ǐn ke à nu̍-a due nɛ-ɛɛ, u̍h iě laǎn due nɛ-ɛ nu̍ ke.

Chɔɔn 6:62

Nɛ̀ pò mɔ̀ jě Nyi̍ɔ̍-a Jǔ wɛ̀ ɔ̍ iě dě de̍ ja̍i̍ tà ɔ̍ nɛ-a se̍e̍-ɛ mu̍-ɛ, nɛ̀ ka mɔ̀-a mu̍ nɛ ɛ?

Nu̍-dɛ̍ᵻ 1:9

Ɔ̍ wɔ̀-a dɛ̍ laa̍ bla̍-a dě u̍h we̍-ɛ, wɛ̀ ɔ̍ dǔ-iɛ ja̍i̍. U̍h nɛ dǒ ɔ̍ kɛ̍n i̍ gbɛ̀n la̍ sǔh iě nǐgban kaɛn ɔ̍ i̍, wɛ̀ ɔ̍ mǎ-ɛ u̍h jlǐh.

Ɛfɛsɔ 1:20

I̍h bo ɔ̍ nu̍ iě ɔ̍ sà-e Klai, iě ɔ̍ tè-e ɔ̍ i̍ dǒ ɔ̍ di̍na̍ we̍ dě ja̍i̍wlɔ̀.

Felepai 3:14

Ɛ̍ kɔn ǎn fɔ̀n dɛ̍ we̍ iě sìla̍ ɛ̀ nɛ-a dě ja̍i̍wlɔ̀ ɛ̀ kɔn tìh Nyɔsoa dǎ-a m dě Jusu Klai ja̍a̍-ɛ jɛɛ.

1 Timote 3:16

À Nyɔsoa dɛ-ɛ nɛ-ɛ la nyɔ̍ se̍-a juo-ɛ, ɛ̍ ku̍ wɔ̍n, nyɔ̍ se̍ ɛ̍-ɛ tòlo-ɛ bɛ̌ɛ. Ɔ̍ wlǔh-i dě nyi̍ɔ̍tu di̍i̍, iě Sùù to ɛ̍ ka ɔ̍ slɛ̌-a i̍-ɛ, wɛ̀ Nyɔsoa-a ǐnchɔ̀ jě ɔ̍. Wɛ̀ ɔ̍ tìh bla̍-ɛ dě bloa̍ we̍. Nyɔ̍ɔ gbaɛ ɔ̍ wlùh nɔ̌ kmɔ̌ we̍, iě ɔ̍ gba̍-ɛ dě ja̍i̍wlɔ̀.

Iblu 12:2

Jusu jɔ à wlùh gbaɛ tba̍-a gbɔ̀ i̍ iě ɛ̍ wɛ̀-a kwlǎ-ɛ, dě ɔ̍ we̍ bo à iě i̍ bǐi. Ɔ̍ tù i̍ nmɔ-ɛ nɛ-a dě nya̍-ɛ tìh wɛ̀ ɔ̍ ku̍-e klì i̍ dǒ gbaɛ kɛ̍n i̍ tu̍ wlì. Iě ɔ̍ se̍ tɛ̀n-ɛ i̍ gbǎ-a jǔ ple̍, wɛ̀ ɔ̍ tè ka i̍ dǒ Nyɔsoa-a nynɛ̌ gbalǎ-a di̍na̍ we̍.

Iblu 6:20

Jusu mu̍ à jǔ iě ɔ̍ pa̍ dě gbòju laa̍ di̍i̍ dǒ à tàà. Wɛ̀ ɔ̍ nu̍ ka slaǎ sà nyɔ̍-a dlǔtu nɔ̌ kmɔ̌-a kmɔ̌, ka slaǎ sà nyɔ̍ Mɛokeslɛ-ɛ.

1 Pitɛ 3:22

Jusu Klai ɔ̀ mu̍-a dě ja̍i̍wlɔ̀ dǒ Nyɔsoa-a di̍na̍ we̍-ɛ, Nyɔsoa-a ǐnchɔ̀ ke tùn blě-ɛ ke gbǐh kli̍hgbɛ̍ nɛ dǒ ɔ̍ sɔ̀n.