Pɔ̀n Chɛ̀ Luu To-a La 9:41 - Ku̍o̍ Delee 1999

⁴¹ Wɛ̀ Jusu la̍a̍, “Mɔ̀ɔ̍ ti̍laa nyɔ̍ la, mɔ̀ se̍ wlùh gbaɛ blě. Mɔ̀-a nu̍ tba̍ɛ kɛ̍n i̍. Ti̍ tìèwe̍ iě da̍a mɔ̀ we̍ nu̍ ke̍ gbɔ̀ɔ ɛ? Ka iě mɔ̀-a tìh nu̍ ɛ? Ja àn jǔ laa̍ nɔ̀ɔ̍.”

Pɔ̀n Chɛ̀ Luu To-a La 9:41 Iomraidhean Croise

Matio 11:28

“Nyɔ̍ ùh gbɛ̀-ɛ bla̍-a ke ùh kɔn gbǐh-a nu̍-a sɔɔn-ɛ, mɔ̀ ji̍ nɔ̌ ǐn we̍. Ǎn mu̍ ɛ̍ nu̍ mɔ̀ iě feɛ i̍ jě.

Matio 12:39

Iě ɔ̍ la̍a̍, “Ti̍laa nyɔ̍ la u̍h nyni gblɛ̍n-ɛ, iě u̍h-a blaɛ Nyɔsoa wɔ̍n. U̍h-a pɔ̀n jbaɛdih i̍, jɛ i̍h se̍ poe-ɛ mu̍. Jbaɛdih u̍h-a mu̍-a jě sǔh-ɛ, i̍h bo ìh nɛ-a Nyɔsoa-a tu̍owli po̍ nyɔ̍ Jona pùn.

Matio 12:45

Wɛ̀ ɛ̍ mu̍ iě ɛ̍ ja jeědih mɛ̀sɔɔ̌n diih ìh kɔn gblɛ̍n nyni-a jii̍ ìh sìì-a ɛ̍ chɛ̀-ɛ. Wɛ̀ i̍h mu̍ iě i̍h tǐn deě. Sɔ tu̍ jɔ̍gbau laa̍ ɔ̍ bɔ̌ɛ-a dě di̍i̍ nɛ-ɛɛ, ɛ̍ nyni jii̍ ɛ̍ sìì sàì naɛ. Kǎ ɛ̍ mu̍ nɛ ke dǒ ti̍laa nyɔ̍ la ùh kɔn gblɛ̍n nyni-a jii̍-ɛ we̍.”

Matio 16:4

Ti̍laa nyɔ̍ la u̍h nyni gblɛ̍n-ɛ, iě u̍h-a blaɛ Nyɔsoa wɔ̍n. U̍h-a pɔ̀n jbaɛdih i̍, jɛ i̍h se̍ poe-ɛ mu̍. Jbaɛdih u̍h-a mu̍-a jě sǔh-ɛ, i̍h bo ìh nɛ-a Jona pùn.” Wɛ̀ Jusu sɔ dǒ u̍h we̍, ɔ̍ mu̍ ɔ̍ dɛ̍.

Matio 17:17

Wɛ̀ Jusu la̍a̍, “Mɔ̀ɔ̍ ti̍laa nyɔ̍ la, mɔ̀ se̍ wlùh gbaɛ blě. Mɔ̀-a nu̍ tba̍ɛ kɛ̍n i̍. Ti̍ tìèwe̍ iě da̍a mɔ̀ we̍ nu̍ ke̍ gbɔ̀ɔ ɛ? Ka iě mɔ̀-a tìh nu̍ ɛ? Mɔ̀ ja jǔwɛ laa̍ nɔ̌ ǐn we̍.”

Matio 23:36

Bɔ̌ ǐn sèàɛ̍ mɔ̀ wlùh, nyɔ̍ gbe̍ja̍a̍ poe-ɛ la, ɛ̍ tìh-a mu̍ dǒ nyɔ̍ ùh tè-a ka kmɔ̌ i̍-ɛ dlǔ i̍ tè.”

Matio 3:7

Jɛ Chɔɔn jě Fɛlesii nyɔ̍ ke Sadiusii nyɔ̍ dɔu-a ji̍ dǒ ɔ̍ we̍ u̍h iě nǐ dlǔ po̍. Wɛ̀ ɔ̍ la̍a̍ dě u̍h we̍, “Mɔ̀ na̍a̍ mɔ̀ flɔn di̍i̍ i̍ kǎ mɔ̀ dǎ. Nyɔ̍ kàn gbɛ̍n-ɛ ɛ̀ Nyɔsoa-a mu̍-a dbo̍-ɛ, mɔ̀ jajeɛ̍ mɔ̀-a mu̍ ɛ̍ i̍ pǔh de ae?

Pɔ̀n Chɛ̀ Maɛ To-a La 10:14

Ti̍ Jusu juo-ao dɛ̍ i̍-ɛ, sɔ ɛ̍ se̍ ɔ̍ gbǐh po̍. Wɛ̀ ɔ̍ la̍a̍ dě u̍h we̍, “Mɔ̀ bɔ̌ nynuu̍plìh la u̍h iě nɔ̌ ǐn we̍ ji̍. Mɔ̀ bɔ̌ u̍h wìè-i sà-a. Dɛ̍nu̍ɛ, nyɔ̍ ùh nɛ-a ka-a, u̍h bo ùh kɔn dǒ Nyɔsoa-a kmɔ̌ wlu̍ i̍ kɔn-ɛ we̍.

Pɔ̀n Chɛ̀ Maɛ To-a La 10:49

Wɛ̀ Jusu nyna i̍, iě ɔ̍ la̍a̍, “Mɔ̀ dǎ ɔ̍.” Iě u̍h dǎ dɔ̌-nyɔ̍ laa̍, u̍h la̍a̍, “Dbǎ ku̍, ɔ̍ dǎ la̍ m̀, sɔ bloɔ̍.”

Pɔ̀n Chɛ̀ Maɛ To-a La 9:19

Wɛ̀ Jusu la̍a̍ dě u̍h we̍, “Mɔ̀ɔ̍ ti̍laa nyɔ̍ la, mɔ̀ se̍ wlùh gbaɛ blě. Ti̍ tìèwe̍ iě da̍a mɔ̀ we̍ nu̍ ke̍ gbɔ̀ɔ ɛ? Ka iě mɔ̀-a tìh nu̍ ɛ? Mɔ̀ ja jǔwɛ laa̍ nɔ̌ ǐn we̍.”

Pɔ̀n Chɛ̀ Luu To-a La 8:25

Wɛ̀ ɔ̍ la̍a̍ dě u̍h we̍, “Dɛ̍nu̍ mɔ̀ se̍ wlùh gbaɛ blě ɛ?” Sɔ ɛ̍ po̍ u̍h faɔn iě ɛ̍ wlǔh i̍ u̍h de̍e̍, wɛ̀ u̍h-a tèle-e we̍ i̍. U̍h la̍a̍, “Dɛ̍-ɛ jɔ̍gbau we̍ la ɛ? Ɔ̍ po̍ poɔ ke dǒ bei bɔ̌ i̍, wɛ̀ i̍h-a jě ɔ̍ dɛ̍ɛ̍ wa.”

Pɔ̀n Chɛ̀ Luu To-a La 9:40

Ǐn ba̍le àn kòà u̍h iě ɛ̍ dǒ ɔ̍ de̍e̍ sà, jɛ u̍h se̍ ɛ̍ bɛ̌ɛ.”

Pɔ̀n Chɛ̀ Luu To-a La 9:42

Ɔ̍ ji̍-a la̍-ɛ, iě jeědih sǐ ɔ̍-ɔ. Wɛ̀ ɔ̍ kà i̍ dǒ bloɔ̍, iě ɔ̍ slɛ̌ɛ tàɔn. Jɛ Jusu wlu-i jeědih laa̍ we̍, iě ɔ̍ pǔh-i jǔwɛ laa̍. Wɛ̀ ɔ̍ sà ɔ̍ kwlǎ dě ɔ̍ baa we̍.

Chɔɔn 14:9

Iě Jusu la̍a̍, “Felɔ, ǐn wlè nɔ̌ mɔ̀ nynɛ̌ wɛ̀ de gbɛɛ̍. Ìn se̍ ǐn juo ke̍ sǔh ae? Nyɔ̍ jɔ jě-a m-ɛ, nɛ̀ ɔ̍ wɔ̀ ǐn Baa jě-ɛ wɛ̀. Ka ɛ̍ nu̍ wɛ̀ nàa̍ iě mɔ̀ Baa toe ke̍ gbɔ̀ɔ ɛ?

Chɔɔn 20:27

Wɛ̀ ɔ̍ la̍a̍ dě Tɔmɔ we̍, “Gbɛ̀n dě ǐn kwa̍a̍ ìè-e i̍ tǔh, nɛ̀ ìn slɛ̌-ɛ sɔ̍n i̍ ìè dǒ ǐn gbèɛ̀n we̍ i̍ tǔh. Dě ìn di̍i̍ iě-e i̍ gbe-e tìh bɔ̌, ìè wlùh gbaɛ blě.”

Nu̍-dɛ̍ᵻ 13:18

Wɛ̀ ɔ̍ gbɛ̍n wlùh i̍ dǒ u̍h we̍ dǒ sɔ̀nᵻá kwela nyìɛ̍ di̍i̍ dě kwlǎslò we̍.

Nu̍-dɛ̍ᵻ 2:40

Wɛ̀ Pitɛ bla̍ gbòɛ̀ diih dě u̍h we̍, iě ɔ̍ tù u̍h slɛ̌n, ɔ̍ la̍a̍, “Ǐn gbɛ̍n mɔ̀-a bu̍hᵻ, mɔ̀ sèìe mɔ̀-a chɛ̀ dě ti̍laa nyɔ̍-a tba̍ɛ kɛ̍n i̍ la di̍i̍ lě.”

Wloma 2:4

Mɔ̀-a chɛ̀ la lee̍, ka Nyɔsoa nmɔ-a gblɛ̍n kaa̍ wɛ̀ ɔ̍ gbɛ̍n-a wlùh i̍ iě ɔ̍ po̍-a mɔ̀ blɛ we̍ i̍-ɛ, mɔ̀ mǎle-e ae? Mɔ̀ juo ɛ̍-ɛ te̍kle̍e̍, Nyɔsoa-a pɔ̀n mɔ̀ iě mɔ̀-a gblɛ̍n sɔ̀ɛ̀n kɛ̍n i̍ poe, ɛ̍ kɔn ɔ̍ nmɔ gblɛ̍n-ɛ dǒ mɔ̀ we̍.

Iblu 3:19

Ka u̍h se̍-a deě i̍ sǐ-ɛ bɛ̌ɛ-ɛ, à jě ɛ̍ wɛ̀, dɛ̍nu̍ɛ, u̍h se̍ wlùh gbaɛ blě.

Iblu 4:11

Ɛ̍ tìh-ɛ, mɔ̀ à po̍-e gbǐh à iě dě fɔla laa̍ i̍ sǐ, wɛ̀ à-a je̍e se̍ Nyɔsoa-a wlu̍ nu̍ nyɔ̍-a dɛ̍ nu̍, à-a je̍e dǒ Nyɔsoa-a wìè kɛ̍n sɔ.

Iblu 4:2

Ka à nu̍-a Nyɔsoa-a pɔ̀n chɛ̀ wɔ̌n-ɛɛ, kǎ à baaᵻ nu̍ ɛ̍ wɔ̌n-ɛ ke de. Jɛ ɛ̍ se̍ dɛ̍ chɛ̀ nu̍ dǒ u̍h we̍, dɛ̍nu̍ɛ, u̍h wɔ̌n-a tu̍owli la-ɛ, iě u̍h se̍ ɛ̍ wlùh gbaɛ i̍ gbɛ̍n-ɛ.

Iblu 7:25

Ɛ̍ tìh-ɛ, nyɔ̍ ùh-a ji̍-a Nyɔsoa we̍ dě ɔ̍ ja̍a̍-ɛ, ɔ̍ bɛ̌ɛ u̍h pǔh-iɛ kaka ke ti̍ kli̍hgbɛ̍ we̍. Dɛ̍nu̍ɛ, ɔ̍ nɛ kmɔ̌ kleǐnklein ɔ̍ iě Nyɔsoa gbòɛ̀ i̍ bla̍-ɛ dǒ u̍h-a tàà.