Pɔ̀n Chɛ̀ Luu To-a La 9:2 - Ku̍o̍ Delee 1999

² Wɛ̀ ɔ̍ dbo̍ u̍h u̍h iě Nyɔsoa-a kmɔ̌ wlu̍ i̍ kɔn tìh bla̍, wɛ̀ u̍h iě wɛ̌ᵻ nyɔ̍ pǔh-i.

Pɔ̀n Chɛ̀ Luu To-a La 9:2 Iomraidhean Croise

Matio 10:5

Wlu̍ la bo Jusu dbo̍-e kòà-a pùè jɔ̌ sɔɔ̌n laa̍. Ɔ̍ la̍a̍, “Mɔ̀ bɔ̌ dě ùh se̍-a Juu nyɔ̍-ɛ nynɛ̌ we̍ mu̍-ɛ, nɛ̀ mɔ̀ bɔ̌ Sɛmewlea nyɔ̍-a wlɔ̀ᵻ di̍i̍-i mu̍-ɛ ke.

Matio 13:19

Nyɔ̍ ùh wɔ̌n-a Nyɔsoa-a kmɔ̌ wlu̍ i̍ kɔn-ɛa tu̍owli wɛ̀ u̍h se̍-a ɛ̍ i̍ wɔ̌n-ɛ, nɛ̀ Nyɔ̍ Sɔ̀n laa̍ bo ɔ̀ ji̍ wɛ̀ ɔ̍ sà ɛ̍ dǒ u̍h wlùh kɛ̍n. Ɛ̍ bo ɛ̀ nu̍-a dɛ̍ᵻ jɔ̌ ìh gbǎ-a dǒ wìè gblùh i̍ laa̍ na̍wɛ̍ᵻ sà-o.

Matio 24:14

Nɛ̀ Nyɔsoa-a kmɔ̌ wlu̍ i̍ kɔn-ɛa pɔ̀n chɛ̀ la ɛ̍ tìh-a mu̍ bla̍-ɛ dě kmɔ̌ gbàǐ la we̍, nyɔ̍ kli̍hgbɛ̍ iě i̍h wɔ̌n. Wɛ̀ ti̍-a chlà-a iě ji̍-ɛ dǔ.

Matio 3:2

Ɔ̍ la̍a̍, “Mɔ̀ bǐi i̍, mɔ̀ iě gblɛ̍n sɔ̀ɛ̀n kɛ̍n i̍ poe. Dɛ̍nu̍ɛ, Nyɔsoa-a kmɔ̌ wlu̍ i̍ kɔn ti̍ kɔǎn we̍ wɛ̀.”

Pɔ̀n Chɛ̀ Maɛ To-a La 16:15

Wɛ̀ ɔ̍ la̍a̍ dě u̍h we̍, “Mɔ̀ mu̍, mɔ̀ ple̍ kmɔ̌ la we̍, mɔ̀ iě pɔ̀n chɛ̀ la ɛ̍ tìh we̍i̍ bla̍ dě nyɔ̍ kli̍hgbɛ̍ we̍.

Pɔ̀n Chɛ̀ Maɛ To-a La 6:12

Wɛ̀ u̍h mu̍ iě u̍h bla̍ Nyɔsoa tìh nyɔ̍gbei iě gblɛ̍n sɔ̀ɛ̀n nu̍-ɛ i̍ tǎli.

Pɔ̀n Chɛ̀ Luu To-a La 10:1

Ɛ̀ la ɛ̍ wɔ̀-a nɛ-ɛɛ, wɛ̀ Joi tba̍ nyɔ̍-a kwela mɛ̀sɔɔ̌n jɔ̌ sɔɔ̌n (72) duuh chèɛ̀. Wlɔ̀ᵻ kɔn di̍i̍ i̍ ke tà kli̍hgbɛ̍ ɔ̍ chɛ̀-a mu̍-a i̍ mu̍-ɛ, wɛ̀ ɔ̍ dbo̍ u̍h-a sɔɔ̌n sɔɔ̌n nya̍.

Pɔ̀n Chɛ̀ Luu To-a La 10:11

‘Mɔ̀-a wlɔ̀-a blǔh-a chɛ̀ nɛ-a à bu̍hᵻ i̍-ɛ bo à gbàbo-a, wɛ̀ mɔ̀ iě ɛ̍ i̍ jě. Jɛ mɔ̀ bɔ̌ mǎle-ɛ ka Nyɔsoa-a kmɔ̌ wlu̍ i̍ kɔn-ɛ nɛ-a mɔ̀ i̍ wɛ̀-ɛ.’

Pɔ̀n Chɛ̀ Luu To-a La 10:9

Nɛ̀ mɔ̀ pǔh-i poa-nyɔ̍ nɛ-a dǒ wlɔ̀ laa̍ di̍i̍-ɛ. Nɛ̀ mɔ̀ la̍a̍ dě wlɔ̀ nyɔ̍ kli̍hgbɛ̍ we̍, ‘Nyɔsoa-a kmɔ̌ wlu̍ i̍ kɔn-ɛ nɛ mɔ̀ i̍ wɛ̀.’

Pɔ̀n Chɛ̀ Luu To-a La 16:16

“Mose-a telě ke Nyɔsoa-a tu̍owli po̍ nyɔ̍-a chlǐh-dɛ̍ᵻ nɛ-ɛ se̍e̍, wɛ̀ Chɔɔn ɔ̀ po̍-a nyɔ̍ nǐ dlǔ-ɛ dǔ wlǔh-ɛ. Sɔ dǒ ti̍ laa̍ di̍i̍-ɛ, pɔ̀n chɛ̀ ɛ̀ kɔn-a dǒ Nyɔsoa-a kmɔ̌ wlu̍ i̍ kɔn-ɛ we̍-ɛ, ɛ̍ dǔ-a bla̍-ɛɛ bo ɛ̍ blě-a. Wɛ̀ nyɔ̍ kli̍hgbɛ̍-a fɔ̀n dɛ̍ we̍ u̍h iě dě ɛ̍ di̍i̍ gbǎ.

Pɔ̀n Chɛ̀ Luu To-a La 9:11

Nyɔ̍ tlùgbei̍ juo-ao dɛ̍ i̍-ɛ, iě u̍h mu̍ ɔ̍ kɛ̍n i̍. Wɛ̀ ɔ̍ gbɛ̍n u̍h i̍, iě ɔ̍ bla̍ Nyɔsoa-a kmɔ̌ wlu̍ i̍ kɔn tìh dě u̍h we̍. Wɛ̀ ɔ̍ pǔh-i nyɔ̍ ùh-a poa-ɛ.