Pɔ̀n Chɛ̀ Luu To-a La 9:16 - Ku̍o̍ Delee 1999

¹⁶ Wɛ̀ Jusu dǔ blèe̍ gba̍nᵻ m̀m̌ ke smìi̍ sɔɔ̌n laa̍, iě ɔ̍ gbɛ̀n dě ja̍i̍, wɛ̀ ɔ̍ po̍ Nyɔsoa tlɔ̌. Wɛ̀ ɔ̍ chɛɛn blèe̍ ke smìi̍ laa̍ i̍. Iě ɔ̍ nyǐ i̍h ɔ̍ kòà u̍h iě i̍h nyɔ̍ laa̍ jii̍ gblè.

Pɔ̀n Chɛ̀ Luu To-a La 9:16 Iomraidhean Croise

Matio 14:19

Wɛ̀ ɔ̍ sèàɛ̍ nyɔ̍ laa̍ wlùh u̍h iě i̍ tìèe̍ dǒ pei kɛ̍n. Wɛ̀ ɔ̍ dǔ blèe̍ gba̍nᵻ m̀m̌ ke smìi̍ sɔɔ̌n laa̍, iě ɔ̍ gbɛ̀n dě ja̍i̍, wɛ̀ ɔ̍ po̍ Nyɔsoa tlɔ̌. Iě ɔ̍ chɛɛn blèe̍ laa̍ i̍, wɛ̀ ɔ̍ nyǐ i̍h ɔ̍ kòà. Iě u̍h gblè i̍h nyɔ̍ laa̍ jii̍.

Matio 15:36

Wɛ̀ ɔ̍ dǔ blèe̍ gba̍nᵻ mɛ̀sɔɔ̌n ke smìi̍ laa̍, iě ɔ̍ po̍ Nyɔsoa tlɔ̌. Wɛ̀ ɔ̍ chɛɛn i̍h i̍, iě ɔ̍ nyǐ i̍h ɔ̍ kòà. Wɛ̀ u̍h gblè i̍h nyɔ̍ laa̍ jii̍.

Pɔ̀n Chɛ̀ Maɛ To-a La 7:34

Wɛ̀ Jusu gbɛ̀n dě ja̍u̍n we̍, iě ɔ̍ wlǎ flɛ̀n i̍. Wɛ̀ ɔ̍ la̍a̍ dě jɔ̍gbau we̍, “Ɛfata,” ɛ̍ gbɔ̀ nu̍, pɔ̀ni.

Pɔ̀n Chɛ̀ Luu To-a La 22:19

Wɛ̀ ɔ̍ dǔ blèe̍ gba̍n-a, iě ɔ̍ po̍ Nyɔsoa tlɔ̌. Wɛ̀ ɔ̍ chɛɛn ɛ̍ i̍, iě ɔ̍ nyǐ ɛ̍ ɔ̍ kòà. Ɔ̍ la̍a̍, “Ɛ̀ la ǎn ku̍ bo [ɛ̍ sà-ɛ slaǎ dǒ mɔ̀ we̍. Mɔ̀ di̍ ɛ̀ la wɛ̀ ǎn tìh iě dǒ mɔ̀ wlì i̍ sǐ.”

Pɔ̀n Chɛ̀ Luu To-a La 24:30

Ɔ̍ ke u̍h tè-a i̍ u̍h iě-a dɛ̍ di̍-ɛ, iě ɔ̍ dǔ blèe̍-e, wɛ̀ ɔ̍ po̍ Nyɔsoa tlɔ̌. Iě ɔ̍ chɛɛn ɛ̍ i̍, wɛ̀ ɔ̍ nyǐ ɛ̍ u̍h.

Pɔ̀n Chɛ̀ Luu To-a La 9:15

Wɛ̀ u̍h nu̍ ɛ̍, iě nyɔ̍ kli̍hgbɛ̍ tìèe̍ i̍.

Pɔ̀n Chɛ̀ Luu To-a La 9:17

Nyɔ̍ kli̍hgbɛ̍ di̍ dɛ̍ wɛ̀ u̍h dbo̍. U̍h wɔ̀-aɛ, iě ɔ̍ kòà tɛ̌n blèe̍ chɛblih sie-a i̍-ɛ, iě i̍h nu̍ taaᵻá pùè jɔ̌ sɔɔ̌n.

Chɔɔn 6:11

Wɛ̀ Jusu dǔ blèe̍ laa̍ iě ɔ̍ po̍ Nyɔsoa tlɔ̌, wɛ̀ ɔ̍ po̍ i̍h chɛ̌-ɛ i̍ dǒ nyɔ̍ laa̍ we̍. Kǎ ɔ̍ nu̍ smìi̍-a tìh ke. Iě u̍h kli̍hgbɛ̍ jě ka u̍h-a pɔ̀n-a u̍h iě-a jě-ɛ nu̍-ɛ.

Chɔɔn 6:23

Wɛ̀ blǎgbè diih sɔ dǒ Taɛbiwlia wlɔ̀ di̍i̍ i̍h ji̍ dǒ tà Joi poe-a Nyɔsoa tlɔ̌ iě nyɔ̍ tlùgbei̍ iě-a blèe̍ di̍-ɛ.

Nu̍-dɛ̍ᵻ 27:35

Ɔ̍ wɔ̀-a wlu-ɛɛ, wɛ̀ ɔ̍ dǔ blèe̍ dǒ u̍h jlǐhwai iě ɔ̍ po̍ Nyɔsoa tlɔ̌, wɛ̀ ɔ̍ chɛɛn ɛ̍ i̍. Sɔ ɔ̍ di̍ ɛ̍ la̍-ɛ sǔh.

Wloma 14:6

Pò nyɔ̍ jě weɛ̍ chɛ̀ ka dě wǐh nynɛ̌-ɛ, nɛ̀ ɔ̍ nu̍ ɛ̍ dǒ Joi ja̍ tè-ɛ we̍. Pò nyɔ̍ di̍ dɛ̍-o-dɛ̍-ɛ, nɛ̀ ɔ̍ nu̍ ɛ̍ ke dǒ Joi ja̍ tè-ɛ we̍, dɛ̍nu̍ɛ, ɔ̍ po̍ Nyɔsoa tlɔ̌ dǒ di̍-dɛ̍ laa̍ we̍. Pò nyɔ̍-ɔ di̍ dɛ̍-o-dɛ̍-ɛ, nɛ̀ ɔ̍ nu̍ ɛ̍ dǒ Joi ja̍ tè-ɛ we̍, dɛ̍nu̍ɛ, ɔ̍ po̍ Nyɔsoa tlɔ̌ dǒ dɛ̍ ɔ̍ di̍-a we̍.

1 Kɔwlɛntiɔn 10:30

Pò ǐn ja dɛ̍ di̍ la̍ ji̍ wɛ̀ iě Nyɔsoa tlɔ̌ po̍ dǒ ɛ̍ we̍-ɛ, nɛ̀ dɛ̍nu̍ nyɔ̍ dɔɔ-a mu̍ ǐn pàwe̍i̍ po̍ dɛ dǒ dɛ̍ kɔn tìh ǎn po̍-a Nyɔsoa tlɔ̌-ɛ we̍ ɛ?

1 Kɔwlɛntiɔn 11:24

iě ɔ̍ po̍ Nyɔsoa tlɔ̌. Wɛ̀ ɔ̍ chɛɛn ɛ̍ i̍, iě ɔ̍ la̍a̍, “Ɛ̀ la ǎn ku̍ bo ɛ̀ sà-ɛa slaǎ-a dǒ mɔ̀ we̍-ɛ. Mɔ̀ di̍ ɛ̀ la wɛ̀ ǎn tìh iě dǒ mɔ̀ wlì i̍ sǐ.”