Pɔ̀n Chɛ̀ Luu To-a La 9:12 - Ku̍o̍ Delee 1999

¹² Flì-a wlǎ-a la̍ i̍-ɛ, iě ɔ̍ kòà-a pùè jɔ̌ sɔɔ̌n laa̍ u̍h ji̍ dǒ ɔ̍ we̍. U̍h la̍a̍, “Dbo̍ nyɔ̍ dɔu la de̍ i̍ u̍h iě wlɔ̀ᵻ gbàɛ̀ ke gbùlòᵻ nɛ-a de̍ i̍-ɛ di̍i̍ i̍ mu̍, wɛ̀ u̍h iě pɛ̌na̍ ke di̍-dɛ̍ i̍ pɔ̀n. Dɛ̍nu̍ɛ, tà à nɛ-aɛ, nɔ̌ tɛn-ɛ.”

Pɔ̀n Chɛ̀ Luu To-a La 9:12 Iomraidhean Croise

Matio 14:13

Ti̍ Jusu wɔ̌n-a Chɔɔn-a mɛ̌ɛ pɔ̀n-ɛ, wɛ̀ ɔ̍ wlǔh-i gbààn, iě ɔ̍ gbǎ dě blǎgbè di̍i̍ wɛ̀ ɔ̍ chɛn-ɛ ɔ̍ chɛ̀ gbɔ̍i̍. Nyɔ̍gbei wɔ̌n-a pɔ̀n la-ɛ, wɛ̀ u̍h sà bloɔ̍ i̍ na-a wlɔ̀ᵻ i̍ u̍h mu̍ ɔ̍ kɛ̍n i̍.

Matio 15:23

Jɛ Jusu se̍ ɔ̍ tɔ̍n-ɔ sà. Ɛ̍ bo ɛ̀ nu̍ ɛ̍ wɛ̀ ɔ̍ kòà ji̍ dǒ ɔ̍ we̍. U̍h la̍a̍, “Nɛ̀ ìn sèàɛ̍ ɔ̍ wlùh ɔ̍ iě mu̍, jɛ ɔ̍ bɔ̌ à de̍e̍ i̍ flǔi-ɛ sǔh.”

Matio 15:32

Wɛ̀ Jusu dǎ ɔ̍ kòà dǒ ɔ̍ we̍, ɔ̍ la̍a̍, “Nyɔ̍ la u̍h-a po̍ ǐn wɔɛ. Wǐh ta̍a̍n bo u̍h nu̍ wɛ̀ da̍a ǐn we̍, iě u̍h-a di̍-dɛ̍ᵻ wɛ̀ ka. Ǐn se̍ pɔ̀n mɔ̌ iě u̍h nu̍-ɛ blě wɛ̀ u̍h iě de̍ i̍ mu̍. Pò ǐn nu̍ la̍a̍n-ɛ, nɛ̀ u̍h-a mu̍ jlɛ̌wɛ dǒ wìè-i.”

Pɔ̀n Chɛ̀ Luu To-a La 9:11

Nyɔ̍ tlùgbei̍ juo-ao dɛ̍ i̍-ɛ, iě u̍h mu̍ ɔ̍ kɛ̍n i̍. Wɛ̀ ɔ̍ gbɛ̍n u̍h i̍, iě ɔ̍ bla̍ Nyɔsoa-a kmɔ̌ wlu̍ i̍ kɔn tìh dě u̍h we̍. Wɛ̀ ɔ̍ pǔh-i nyɔ̍ ùh-a poa-ɛ.

Pɔ̀n Chɛ̀ Luu To-a La 9:13

Jɛ Jusu la̍a̍ dě u̍h we̍, “Mɔ̀ɔ̍ bo ùh iě u̍h di̍-dɛ̍ nyǐ u̍h iě di̍.” U̍h la̍a̍, “À blě blèe̍ gba̍nᵻ m̀m̌ ke smìi̍ sɔɔ̌n gbài̍. Pò à ja di̍-dɛ̍ᵻ tɛ̀n mu̍ dǒ nyɔ̍ kli̍hgbɛ̍ la we̍ nɔ̀ɔ̍-ɛ, nɛ̀ ɛ̍ kɔn tɛ̀ à sà-o.” (

Chɔɔn 6:1

Ɛ̀ la ɛ̍ sì-a i̍-ɛ, iě pɛ̍nu̍ klaa ɛ̀ nɛ-a dě Kaladii fɔɔ-ɛ, wɛ̀ Jusu mu̍ dě ɛ̍ fɔ̌ dɛɛ we̍. (Ɛ̍ nynɛ̌ diih nu̍ Taɛbiwlia Pɛ̍nu̍.)

Felepai 1:19

Dɛ̍nu̍ɛ, ǐn juo ɛ̍-ɛ kleǐn, ka mɔ̀-a ba̍le wlu̍ ke Jusu Klai-a Sùù-a ǐn we̍ gbǎ-a mu̍-a ǐn sèìe-ɛ.