Pɔ̀n Chɛ̀ Luu To-a La 9:11 - Ku̍o̍ Delee 1999

¹¹ Nyɔ̍ tlùgbei̍ juo-ao dɛ̍ i̍-ɛ, iě u̍h mu̍ ɔ̍ kɛ̍n i̍. Wɛ̀ ɔ̍ gbɛ̍n u̍h i̍, iě ɔ̍ bla̍ Nyɔsoa-a kmɔ̌ wlu̍ i̍ kɔn tìh dě u̍h we̍. Wɛ̀ ɔ̍ pǔh-i nyɔ̍ ùh-a poa-ɛ.

Pɔ̀n Chɛ̀ Luu To-a La 9:11 Iomraidhean Croise

Matio 12:15

Jɛ Jusu juo-ao dɛ̍ i̍-ɛ, iě ɔ̍ wlǔh-i gbààn ɔ̍ sɔ dǒ tà-a chɛ̀. Wɛ̀ nyɔ̍ dɔu wɔ̀ dǒ ɔ̍ de̍e̍, iě ɔ̍ bɔ̌-ɛ u̍h-a wɛ̌ᵻ kli̍hgbɛ̍.

Matio 14:14

Jusu sɔ-a dě blǎgbè di̍i̍ ka-ɛ, ɔ̍ jě nyɔ̍ tlùgbei̍ laa̍. Sɔ u̍h-a po̍ ɔ̍ wɔɛ kaa̍, wɛ̀ ɔ̍ bɔ̌-ɛ u̍h-a wɛ̌ᵻ.

Matio 21:31

Nɛ̀ u̍h nɛ-a sɔɔ̌n-ɛ, nyɔ̍ bo ɔ̀ nu̍ ɔ̍ baa-a wlu̍ ɛ?” U̍h la̍a̍, “Klaa naɛ bo ɔ̀ nu̍ ɔ̍ wlu̍.” Wɛ̀ Jusu la̍a̍ dě u̍h we̍, “Bɔ̌ ǐn sèàɛ̍ mɔ̀ tìh-a taǐn wlùh, taa̍sìh sà nyɔ̍ ke kàìà nynɔ̌gbaɔᵻá mu̍ la̍ mɔ̀ jǔ dě Nyɔsoa-a kmɔ̌ wlu̍ i̍ kɔn-ɛ di̍i̍.

Matio 21:43

“Ɛ̍ tìh-ɛ, bɔ̌ ǐn sèàɛ̍ mɔ̀ wlùh, Nyɔsoa-a kmɔ̌ wlu̍ i̍ kɔn-ɛa mu̍ mɔ̀ kwa̍a̍ sà-ɛ, nɛ̀ nyɔ̍ mu̍-a ɛ̍ buǒᵻ poe-ɛ, u̍h bo ɛ̍ mu̍ nyǐ-ɛ. [

Pɔ̀n Chɛ̀ Luu To-a La 1:53

Ɔ̍ nyǐ mɔ̌-a nu̍ nyɔ̍ dɛ̍ᵻ chɛ̀ chɛ̀, jɛ pàn-nyɔ̍ nɔ̀ɔ̍, u̍h nɛ kwa̍a̍ i̍ palǎpalǎ wɛ̀ u̍h mu̍.

Pɔ̀n Chɛ̀ Luu To-a La 5:31

Wɛ̀ Jusu sà u̍h-a wlu̍ pɔ̀n we̍. Ɔ̍ la̍a̍, “Nyɔ̍ ùh nɛ-a blee-ɛ, u̍h se̍ kwɛ̍i̍n nyɔ̍ i̍ pɔ̀n. Jɛ poa-nyɔ̍ nɔ̀ɔ̍, u̍h-a pɔ̀n ɔ̍ i̍.

Pɔ̀n Chɛ̀ Luu To-a La 8:1

Ɛ̍ se̍-o wlè wɛ̀ Jusu na tùgbàwlɔ̀ᵻ ke wlɔ̀ᵻ plìh di̍i̍ i̍. Wɛ̀ ɔ̍ bla̍ pɔ̀n chɛ̀ dǒ Nyɔsoa-a kmɔ̌ wlu̍ i̍ kɔn dɛ we̍. Nɛ̀ ɔ̍ ke ɔ̍ kòà-a pùè jɔ̌ sɔɔ̌n

Pɔ̀n Chɛ̀ Luu To-a La 8:10

Iě ɔ̍ la̍a̍, “Mɔ̀ɔ̍ nɔ̀ɔ̍, Nyɔsoa nu̍ ɛ̍ wɛ̀ dɛ̍ᵻ ìh nɛ-a dě kwile de dě ɔ̍ kmɔ̌ wlu̍ i̍ kɔn-ɛ di̍i̍-ɛ, wɛ̀ mɔ̀ juo i̍h. Jɛ dǒ nyɔ̍ duuh we̍-ɛ, nɛ̀ i̍h nɛ dě nɛnǎᵻ di̍i̍. Sɔ nɛ̀ u̍h-a gbèɛ̀ɛ̍n i̍, jɛ u̍h-u jě i̍. U̍h-a pu̍e̍e dounᵻ i̍, jɛ u̍h-u wɔ̌n dɛ̍ɛ̍ i̍.

Pɔ̀n Chɛ̀ Luu To-a La 9:10

Gba̍tòà ji̍-a de̍-ɛ, dɛ̍ᵻ u̍h nu̍-a i̍-ɛ, wɛ̀ u̍h po̍ i̍h-a kunǎ dě Jusu we̍. Iě ɔ̍ dǔ u̍h-u, wɛ̀ u̍h-a sǔh chɛn gbɔ̍i̍ u̍h-a mu̍ wlɔ̀ u̍h-a dǎɛ-ɛ Bɛseida-a wlì i̍.

Pɔ̀n Chɛ̀ Luu To-a La 9:12

Flì-a wlǎ-a la̍ i̍-ɛ, iě ɔ̍ kòà-a pùè jɔ̌ sɔɔ̌n laa̍ u̍h ji̍ dǒ ɔ̍ we̍. U̍h la̍a̍, “Dbo̍ nyɔ̍ dɔu la de̍ i̍ u̍h iě wlɔ̀ᵻ gbàɛ̀ ke gbùlòᵻ nɛ-a de̍ i̍-ɛ di̍i̍ i̍ mu̍, wɛ̀ u̍h iě pɛ̌na̍ ke di̍-dɛ̍ i̍ pɔ̀n. Dɛ̍nu̍ɛ, tà à nɛ-aɛ, nɔ̌ tɛn-ɛ.”

Pɔ̀n Chɛ̀ Luu To-a La 9:2

Wɛ̀ ɔ̍ dbo̍ u̍h u̍h iě Nyɔsoa-a kmɔ̌ wlu̍ i̍ kɔn tìh bla̍, wɛ̀ u̍h iě wɛ̌ᵻ nyɔ̍ pǔh-i.

Chɔɔn 4:34

Wɛ̀ Jusu la̍a̍, “Nyɔ̍ ɔ̀ dbo̍-a m-ɛ, ɔ̍ wlùh nu̍-ɛ ke ɔ̍ dbo̍ i̍ wɔ̀-ɛ bo ɛ̀ nu̍ ǎn di̍-dɛ̍.

Chɔɔn 6:37

Jɛ nyɔ̍ kli̍hgbɛ̍ ǐn Baa nyǐ-a m-ɛ, u̍h-a mu̍ ǐn we̍ ji̍. Nɛ̀ nyɔ̍ jɔ mu̍-a ǐn we̍ ji̍-ɛ, ǐn se̍ gba̍ ɔ̍ i̍ nu̍.

Nu̍-dɛ̍ᵻ 28:31

Iě ɔ̍ bla̍ Nyɔsoa-a kmɔ̌ wlu̍ i̍ kɔn tìh, wɛ̀ ɔ̍ po̍ nyɔ̍gbei nǎ Joi Jusu Klai-a tìh. Nɛ̀ ɔ̍ wlu-i gbài̍gbài̍ iě nyɔ̍ se̍ ɔ̍ bɔ̌ i̍ po̍.

Wloma 10:14

Jɛ nɛ̀ ɔ̀ u̍h se̍-a wlùh gbaɛ-ɛ, ka u̍h-a mu̍ ɔ̍ nynɛ̌ i̍ dǎ-a nu̍ ɛ? Nɛ̀ ɔ̀ kɔn nynɛ̌ u̍h se̍-a wɔ̌n-ɛ, ka u̍h-a mu̍ ɔ̍ wlùh gbaɛ nu̍ ɛ? Pò tìh bla̍ nyɔ̍ se̍ nɛ-ɛ, nɛ̀ ka u̍h-a mu̍ ɔ̍ nynɛ̌ wɔ̌n-ɛ nu̍ ɛ?

Wloma 10:17

Nɛ̀ɛ̍, dě tu̍owli i̍ wɔ̌n-ɛ di̍i̍ bo wlùh gbaɛ blě-ɛa sɔ-ɔ. Nɛ̀ dě Klai-a tìh we̍i̍ bla̍-a di̍i̍ bo tu̍owli i̍ wɔ̌n-ɛa sɔ-ɔ.

Wloma 15:3

Klai se̍ ɔ̍ chɛ̀-a wlùh i̍ tè-e. Nyɔsoa-a chlǐh-wlu̍ la̍ we̍ chɛ̀ wlu̍ nyɔ̍gbei po̍-a Nyɔsoa pùn i̍-ɛ, i̍h bo ìh wlǎ dǒ Klai dlǔ.

2 Timote 4:2

Wɛ̀ ìè Nyɔsoa-a tu̍owli po̍, ɛ̍ jɛ nɛ nɔɔ i̍, iě ɛ̍ jɛ se̍ nɔɔ i̍ nɛ-ɛ, nɛ̌ ɛ̍ kɛ̍ɛ̍n ìè ɛ̍ bla̍. Nɛ̀ ìn wǐi u̍h dlǔ i̍, ìè u̍h wìè-e po̍. Nɛ̀ ìn fùka u̍h-a wlùh, ìè u̍h nǎ po̍ dǒ wlùh i̍ gbɛ̍n-ɛ we̍.

Iblu 4:16

Ka ɛ̍ nɛ-a ka-ɛ, mɔ̀ à ku̍ di̍i̍ i̍ à iě Nyɔsoa ɔ̀ nɛ-a blɛ-ɛ, ɔ̍ nynɛ̌ gbalǎ wlì mu̍. Wɛ̀ ɔ̍ iě à wɔɛ jě ɔ̍ iě blɛ nɛ dǒ à we̍, wɛ̀ ɛ̍ iě à we̍ gbǎ pò à nɛ we̍ gbǎ ka̍-ɛ.