Pɔ̀n Chɛ̀ Luu To-a La 9:1 - Ku̍o̍ Delee 1999

¹ Jusu dǎ ɔ̍ kòà-a pùè jɔ̌ sɔɔ̌n laa̍ iě ɔ̍ po̍ u̍h tàdùè. Wɛ̀ ɔ̍ nyǐ u̍h gbǐh, iě ɔ̍ nyǐ u̍h tùn u̍h iě nyɔ̍ jeědih kaɛn kaɛn kli̍hgbɛ̍ de̍e̍ i̍ sà u̍h iě nyɔ̍ɔ-a wɛ̌ᵻ bɔ̌-ɛ.

Pɔ̀n Chɛ̀ Luu To-a La 9:1 Iomraidhean Croise

Matio 16:19

Nɛ̀ ǎn mu̍ ìn Nyɔsoa-a kmɔ̌ wlu̍ i̍ kɔn-ɛa kɔɛ̍n nyǐ. Dɛ̍ ìn dbǎ-a i̍ nɔ̌ bloɔ̍-ɛ, nɛ̀ ɛ̍ mu̍ i̍ dbǎ-ɛ ke dě ja̍i̍wlɔ̀. Nɛ̀ dɛ̍ ìn pɔ̀ni-a nɔ̌ bloɔ̍-ɛ, nɛ̀ ɛ̍ mu̍ pɔ̀ni-ɛ ke dě ja̍i̍wlɔ̀.”

Matio 4:24

Sɔ ɛ̍ nu̍ ɛ̍ ɔ̍ pɔ̀n sɛ̍ i̍ dě Siwlia fɔɔ kli̍hgbɛ̍. Wɛ̀ u̍h ja poa-nyɔ̍ kli̍hgbɛ̍ dǒ ɔ̍ we̍. Juh kɔn dɛ̍ᵻá chlɛ̌n-a ke, wɛ̌ᵻ kaɛn-a nu̍ nyɔ̍ ke, jeědih-a de̍e̍ nɛ nyɔ̍ ke, dbaǎdɛ-a nu̍ nyɔ̍ ke, ɛ̍ ke sɔ̍nᵻ ke bu̍hᵻá mɛ̌ nyɔ̍ ke, iě ɔ̍ pǔh-i u̍h kli̍hgbɛ̍.

Matio 8:9

Mɔ̍ la ǎn chɛ̀ nɛ dǒ nyɔ̍ sɔ̀n, iě fledlǔ nɛ dǒ ǐn sɔ̀n ke. Pò na̍a̍ dě jɔ we̍, ‘Mu̍-ɛ,’ nɛ̀ ɔ̍ mu̍ i̍. Pò na̍a̍ dě dɔɔ we̍, ‘Ji̍-ɛ,’ nɛ̀ ɔ̍ ji̍ i̍. Nɛ̀ pò na̍a̍ dě ǎn pòi̍ju we̍, ‘Nu̍ dɛ̍ la-ɛ,’ nɛ̀ ɔ̍ nu̍ ɛ̍-ɛ.”

Pɔ̀n Chɛ̀ Luu To-a La 10:1

Ɛ̀ la ɛ̍ wɔ̀-a nɛ-ɛɛ, wɛ̀ Joi tba̍ nyɔ̍-a kwela mɛ̀sɔɔ̌n jɔ̌ sɔɔ̌n (72) duuh chèɛ̀. Wlɔ̀ᵻ kɔn di̍i̍ i̍ ke tà kli̍hgbɛ̍ ɔ̍ chɛ̀-a mu̍-a i̍ mu̍-ɛ, wɛ̀ ɔ̍ dbo̍ u̍h-a sɔɔ̌n sɔɔ̌n nya̍.

Pɔ̀n Chɛ̀ Luu To-a La 10:19

Gbɛ̀n-e, ǐn nyǐ mɔ̀ gbǐh mɔ̀ iě sɛ̍ᵻ ke kèǎnkèànᵻ kɛ̍n i̍ na, wɛ̀ mɔ̀ iě Setɔn-a gbǐh kli̍hgbɛ̍ wɔ̍n sìì, nɛ̀ dɛ̍ se̍ mɔ̀ nu̍ mu̍.

Chɔɔn 14:12

Bɔ̌ ǐn sèàɛ̍ mɔ̀ gblangbai̍ wlùh, nyɔ̍ jɔ gbaɛ-a ǐn wlùh-ɛ, dbo̍ ǎn nu̍-aɛ, nɛ̀ ɔ̍ mu̍ ɛ̍ nu̍ ke. Nɛ̀ ɔ̍ naɛ-a mu̍ wɔ̍n ku̍ i̍h iě jih la sìì. Dɛ̍nu̍ɛ, ǎn mu̍ dě Baa we̍.

Nu̍-dɛ̍ᵻ 1:8

Jɛ ti̍ Nyɔsoa-a Sùù-a mu̍-a mɔ̀ kɛ̍n gbǎ-ɛ, nɛ̀ mɔ̀-a mu̍ gbǐh blě, wɛ̀ mɔ̀ iě ǎn sàànsi̍i̍h nu̍ dǒ Juluslɛn, ɛ̍ ke Judia ke Sɛmewlea bloa̍ kli̍hgbɛ̍ kɛ̍n i̍. Ɛ̍ ke dě bloa̍-a siee la̍ ke.”

Nu̍-dɛ̍ᵻ 3:16

Jɛ Jusu-a nynɛ̌ wlùh gbaɛ bo ɛ̀ nɛ kmɔ̌, iě jɔ̍gbau la mɔ̀ juo-a iě mɔ̀-a jě-a ka da̍a-ɛ, wɛ̀ ɔ̍ dalǔhᵻ sǐ-o dode̍. Wlùh gbaɛ ɛ̀ jii-a dě Jusu ja̍a̍-ɛ, ɛ̍ bo ɛ̀ nɛ kmɔ̌ iě jɔ̍gbau la ɔ̍ pǔh ka te̍kle̍e̍. Ɔ̍ bo mɔ̀ kli̍hgbɛ̍ mɔ̀-a jě-a ka da̍a.

Nu̍-dɛ̍ᵻ 4:30

Nɛ̀ ìn to àn sɔ̍n ɛ̍ iě nyɔ̍ pǔh-i. Nɛ̀ ìn po̍ jbaɛdih ìè nyɔ̍ wɔ̍n flɔn-ɛ dɛ̍ᵻ nu̍ dǒ àn pòi̍ju Jusu-a nynɛ̌ kɛ̍n, ɔ̀ wɛ̀-a nɛi̍-ɛ.”

Nu̍-dɛ̍ᵻ 9:34

Wɛ̀ Pitɛ la̍a̍ dě ɔ̍ we̍, “Enia, Jusu Klai pǔh-i m̀ wɛ̀. Sɔ bloɔ̍ ìè àn bèe̍ nma̍le.” Dǒ ɔ̍ nyna iě ɔ̍ sɔ bloɔ̍.