Pɔ̀n Chɛ̀ Luu To-a La 8:13 - Ku̍o̍ Delee 1999

¹³ Jih gbǎ-a dǒ sɔɔ̌ paɔ kɛ̍n-ɛ, i̍h bo ìh wɔ̀ nyɔ̍ ùh wɔ̌n-a Nyɔsoa-a wlu̍ iě u̍h gbɛ̍n-a ɛ̍ i̍ dǒ mɔna̍ we̍-ɛ. Jɛ ɛ̍ se̍ sɛ̌n po̍ dě u̍h ku̍sɔ̀n. Ɛ̍ kɔn u̍h blě wlùh gbaɛ dǒ ti̍ gbɔ̀ di̍i̍. Jɛ nyɔ̍ i̍ tɛ̀n-ɛ ji̍-aɛ, iě u̍h ple̍.

Pɔ̀n Chɛ̀ Luu To-a La 8:13 Iomraidhean Croise

Pɔ̀n Chɛ̀ Maɛ To-a La 6:20

dɛ̍nu̍ɛ, Ɛlo-a ple̍ Chɔɔn jǔ. Ɔ̍ juo ɛ̍-ɛ, Chɔɔn se̍ nɛi̍ nɛ, wɛ̀ ɔ̍ slɛ̌ i̍, ɛ̍ kɔn ɔ̍ nu̍ ɔ̍ sɛ̍sɛ̍. Pò ɔ̍ wɔ̌n Chɔɔn-a wlu̍-ɛ, nɛ̀ ɛ̍ nui ɔ̍ sèò, jɛ ɔ̍ wlu̍ bo ɛ̀ po̍ ɔ̍ gbǐh.

Pɔ̀n Chɛ̀ Luu To-a La 8:12

Dɛ̍ᵻ jɔ̌ ìh gbǎ-a dǒ wìè gblùh i̍-ɛ, nyɔ̍ ùh wɔ̌n-a Nyɔsoa-a wlu̍ iě Kǔ ji̍-a ɛ̍ sà-a ɛ̍ dǒ u̍h wlùh kɛ̍n-ɛ, u̍h bo i̍h wɔ̀. Wɛ̀ u̍h-u je̍e wlùh gbaɛ blě, nɛ̀ u̍h-a mu̍ la̍ pǔh.

Pɔ̀n Chɛ̀ Luu To-a La 8:14

Jih gbǎ-a dě klàɛ̀n di̍i̍-ɛ, i̍h wɔ̀ nyɔ̍ ùh wɔ̌n-a Nyɔsoa-a wlu̍-ɛ. Jɛ ti̍ gbɔ̍ sì-aɛ, wɛ̀ kmɔ̌-a sèò ke pàn-dɛ̍ᵻ i̍ jbɛɛ-ɛ ke gbale̍e̍ gbǎ-a mɔɛ u̍h dlǔ i̍. Ɛ̍ kɔn u̍h-a buǒᵻ fǒ.

Chɔɔn 15:2

Bu̍h jɛ nɛ-a dǒ ǐn pùn ɛ̀-ɛ tlo-aɛ, nɛ̀ ɔ̍ chɛ̍n ɛ̍ doǒ. Jɛ jɛ tlo-aɛ, nɛ̀ ɔ̍ gbɛ̀n dǒ ɛ̍ we̍ i̍, wɛ̀ ɛ̍ iě dɛ̍ dɔu tlo.

Chɔɔn 15:6

Nyɔ̍-o-nyɔ̍ ɔ̀ se̍-a dě ǐn ja̍a̍ nɛ-ɛ, nɛ̀ ɔ̍ mu̍ de̍ po̍-eɛ ɔ̍ iě klǎn ka tu̍ bu̍hᵻɛ́. Nɛ̀ u̍h-a dǔ i̍h-i, iě u̍h-a tù i̍h jlǐh, wɛ̀ i̍h-a si̍n.

Chɔɔn 5:35

Chɔɔn bo ɔ̀ wɔ̀ wa̍n-nape̍ ɛ̀ fa̍n, jɛ ti̍ gbɔ̍ bo mɔ̀ wɔ̌ɛn mɔ̀ iě nmɔ dě ɔ̍ sɔ̀npli di̍i̍.

1 Kɔwlɛntiɔn 13:2

Pò ǎn jɛ blě Nyɔsoa-a tu̍owli po̍-ɛa gbǐh, wɛ̀ iě tɔɔ kli̍hgbɛ̍ blě, iě slǎnᵻ kli̍hgbɛ̍ juo, wɛ̀ iě wlùh gbaɛ kli̍hgbɛ̍ ɛ̀ sà-a tlu̍hᵻ wlù-ɛ blě-a chɛ̀ sǔh, jɛ pò ǐn se̍ nyɔ̍ɔ jbɛɛ-ɛ, nɛ̀ ǐn se̍ dɛ̍ i̍ blaɛ.

1 Kɔwlɛntiɔn 15:2

Ɛ̍ nu̍ pɔ̀n chɛ̀ la ǎn bla̍-a dě mɔ̀ we̍-ɛ, pò mɔ̀ gbɛ̍n-ɛ ɛ̍ sɔ̍nᵻ sɔɔ̌n i̍-ɛ, nɛ̀ ɛ̍ mu̍ mɔ̀ pǔh-i. Pò mɔ̀ se̍ wlùh gbaɛ blě nɔ̀ɔ̍-ɛ, nɛ̀ ɛ̍ kɔn tɛ̀ ǐn sà-o.

Kelesea 3:1

Mɔ̀ɔ̍ Kelesea nyɔ̍ ùh bo-a we̍i̍-ɛ, ǐn juo ɛ̍-ɛ nyɔ̍ po̍ mɔ̀ dɛ̍ jlǐh. Ǐn nyna dǒ mɔ̀ jǔ i̍ wɛ̀ ǐn sèàɛ̍ ɛ̍ we̍ i̍ nmɔ jii̍ dě mɔ̀ we̍ ka Jusu Klai mɛ̌-a dǒ gbàɛ̍ kɛ̍n i̍ tu̍ wlì-ɛ.

Kelesea 3:4

Wɛ̀ dɛ̍ᵻ kli̍hgbɛ̍ ìh nɛ-a mɔ̀ pùn-ɛ, i̍h iě niɔ̍ wlǎ ae? Ǐn juo ɛ̍-ɛ, i̍h se̍ niɔ̍ wlǎ mu̍.

Ɛfɛsɔ 3:17

Wɛ̀ Klai iě dě mɔ̀ wlùh di̍i̍ tǐn dǒ mɔ̀-a wlùh gbaɛ blě-ɛ we̍. Ǎn ba̍le Nyɔsoa wɛ̀ jbɛɛ iě mɔ̀-a blǔh nu̍ mɔ̀ iě ɛ̍ sɛ̌n kɛ̍n poe, wɛ̀ mɔ̀ iě i̍ ku̍.

Kalase 1:23

Jɛ nɛ̀ mɔ̀ kɔn mɔ̀ iě wlùh gbaɛ dluwe̍ i̍ gba̍, mɔ̀ iě gbǐh blě, mɔ̀ iě dě tu̍ i̍ ku̍ dǒ pɔ̀n chɛ̀ mɔ̀ wɔ̌n-aɛ pùn. Ɛ̍ bo ɛ̀ nu̍ wlì tè dɛ̍, mɔ̀ bɔ̌ dǒ ɛ̍ de̍e̍ sɔ-ɛ. Pɔ̀n chɛ̀ la ɛ̍ kɔn tìh bo ɛ̀ bla̍-ɛa dě kmɔ̌ nyɔ̍ kli̍hgbɛ̍ we̍. Mɔ̍ Pɔɔ la, ɛ̍ kɔn pòi̍ju bo ǐn nu̍.

Kalase 2:7

Mɔ̀ po̍ sɛ̌n mɔ̀ iě-o ta̍i̍ gbǎ dě ɔ̍ ja̍a̍. Mɔ̀ tè ɔ̍ wlì. Ka mɔ̀ nu̍-a nǎ poe-ɛɛ, kǎ mɔ̀-a wlùh gbaɛ iě kmu-ɛ nu̍. Nɛ̀ tlɔ̌ po̍-ɛ bo ɛ̀ iě i̍ tìè dě mɔ̀ ku̍sɔ̀n.

1 Tɛsoloniɔn 3:5

Ɛ̍ kɔn ti̍ ǐn se̍-a ɛ̍ i̍ nyna-a bɛ̌ɛ dɛ-ɛ, wɛ̀ ǐn dbo̍ Timote ɔ̍ iě mɔ̀-a wlùh gbaɛ jě. Ǎn ple̍ faɔn nyɔ̍-se̍-juo Kǔ po̍ mɔ̀ blu̍ja̍a̍ wɛ̀, iě à dbo̍ la ɛ̍-ɛ je̍e bu̍ɛ̍i̍ nu̍.

1 Timote 1:19

Nɛ̀ wlùh gbaɛ ke kɛ̍ wlùh chɛ̀ bo ìè blě. Nyɔ̍ duuh se̍ kɛ̍-ɛ nɛ, sɔ ɛ̍ nu̍ ɛ̍ u̍h-a wlùh gbaɛ gbɔ̀lɔ-ɔ.

Iblu 10:39

À se̍ nyɔ̍ juh chlì-a de̍ wɛ̀ u̍h gbɔ̀lɔ-aɛ, jɛ àɔ̀ wlùh gbaɛ blě nyɔ̍ ùh pǔh-aɛ.

Chiin 2:26

Ɛ̀ kɔn ba̍ pò nyɔ̍-a sùù sì-ɛ, nɛ̀ ɔ̍ mɛ̌-aɛ, ɛ̍ kɔn ba̍ bo ke. Pò wlùh gbaɛ se̍ nu̍-dɛ̍ᵻ de̍e̍ nɛ-ɛ, nɛ̀ ɛ̍ mɛ̌-ɛ.

2 Pitɛ 2:20

Jusu Klai ɔ̀ nu̍-a à Joi ke à Sèìe Nyɔ̍-ɛ, ɔ̍ bo nyɔ̍ duuh juo, ɛ̍ kɔn u̍h sà kmɔ̌-a tba̍ɛ kɛ̍n i̍ sɔ̍n di̍i̍. Jɛ pò u̍h gbǎ i̍h-a gbɛɛ̍ dode̍ wɛ̀ i̍h iě u̍h-a gbɛ̍n la̍ jě-ɛ, nɛ̀ tu̍ jɛ u̍h-a mu̍-a dě di̍i̍ nɛ-ɛ bɔ̌ɛ-ɛ, nɛ̀ ɛ̍ nu̍ ɛ̍ ìèke̍e̍ ɛ̍ sìì sàǐtòò naɛ.

2 Pitɛ 2:22

Dɛ̍ ɛ̀ nɛ-a u̍h jii̍-ɛ, ɛ̍ to ɛ̍ ka nɛnǎᵻ la i̍h nu̍-a tìh-a taǐn-ɛ. I̍h la̍a̍, “Gbè bǐi i̍ wɛ̀ ɛ̍ bɛ̍ ɛ̍ chɛ̀-a wlàwi̍h. Be̍e̍ ɛ̀ wɔ̀-a dle-ɛɛ, ɛ̍ bo ɛ̀ bǐi i̍ wɛ̀ ɛ̍ gbǎ dě pɔlɔ̌ di̍i̍ dode̍.”

1 Chɔɔn 2:19

Nyɔ̍ laa̍ u̍h se̍ nɔ̌ àɔ̀ we̍ kɔn, ɛ̍ kɔn u̍h tǎli àɔ̀ i̍. Pò u̍h kɔn nɔ̌ àɔ̀ we̍ de-ɛ, nɛ̀ u̍h-a mu̍ nɔ̌ àɔ̀ we̍ nɛ de. Jɛ u̍h-a mu̍-ɛ bo ɛ̀ flɔn-ɛ ɛ̍ we̍i̍ ka u̍h se̍-a nɔ̌ àɔ̀ we̍ kɔn-ɛ.

Judi 1:12

U̍h ke mɔ̀-a sɔ̍n jǔ gbo̍a̍ɛ-ɛ dǒ jbɛɛ dɛ̍ di̍ la̍-a ɛ̍ po̍ ɛ̍ mlɔ̌ wɔ̍n. Dɛ̍nu̍ɛ, u̍h ku̍ jii̍, iě u̍h-u gbɛ̍n u̍h-a chɛ̀ i̍. U̍h-a sì u̍h-a chɛ̀-a tìh sǔh. U̍h wɔ̀ nǐgbanᵻ ìh poɔ-a gba̍-a wɛ̀ i̍h-i dba̍-ɛa nǐ-ɛ. Tu̍ᵻ ìh kɔn tlo-o nɔɔ ji̍-a wɛ̀ i̍h-i tlo-aɛ, i̍h bo u̍h wɔ̀. Ɛ̍ kɔn i̍h wɔ̌li, wɛ̀ i̍h mɛ̌ jlɛjlɛ.