Pɔ̀n Chɛ̀ Luu To-a La 8:10 - Ku̍o̍ Delee 1999

¹⁰ Iě ɔ̍ la̍a̍, “Mɔ̀ɔ̍ nɔ̀ɔ̍, Nyɔsoa nu̍ ɛ̍ wɛ̀ dɛ̍ᵻ ìh nɛ-a dě kwile de dě ɔ̍ kmɔ̌ wlu̍ i̍ kɔn-ɛ di̍i̍-ɛ, wɛ̀ mɔ̀ juo i̍h. Jɛ dǒ nyɔ̍ duuh we̍-ɛ, nɛ̀ i̍h nɛ dě nɛnǎᵻ di̍i̍. Sɔ nɛ̀ u̍h-a gbèɛ̀ɛ̍n i̍, jɛ u̍h-u jě i̍. U̍h-a pu̍e̍e dounᵻ i̍, jɛ u̍h-u wɔ̌n dɛ̍ɛ̍ i̍.

Pɔ̀n Chɛ̀ Luu To-a La 8:10 Iomraidhean Croise

Matio 11:25

Dǒ ti̍ laa̍ di̍i̍ bo Jusu wlu-i, ɔ̍ la̍a̍, “Baa, mɔ̀ ɔ̀ nu̍-a bloa̍ ke ja̍u̍n-a Joi-ɛ, ǐn po̍ ìn tlɔ̌. Dɛ̍nu̍ɛ, dɛ̍ᵻ ìn sìle-a flɔ̍nwlùh kɔn nyɔ̍ ke dɛ̍ juo nyɔ̍ jii̍-ɛ, i̍h bo ìn toe ka plǒai nyɔ̍.

Matio 16:17

Wɛ̀ Jusu la̍a̍, “Jona-a jǔ Samo, ìn nmɔ i̍, dɛ̍nu̍ɛ, ɛ̍ se̍ wlɔ̀ nyi̍ɔ̍ ùh se̍ ìn nǎ po̍ dǒ tìh-a taǐn la we̍. Jɛ ǐn Baa nɛ-a dě ja̍i̍wlɔ̀-ɛ bo ɔ̀ toe ìn ìh la.

Pɔ̀n Chɛ̀ Maɛ To-a La 4:11

Wɛ̀ ɔ̍ la̍a̍, “Mɔ̀ɔ̍ nɔ̀ɔ̍, Nyɔsoa nu̍ ɛ̍ wɛ̀ dɛ̍ᵻ ìh nɛ-a dě kwile de dě ɔ̍ kmɔ̌ wlu̍ i̍ kɔn-ɛ di̍i̍-ɛ, wɛ̀ mɔ̀ juo i̍h. Jɛ juh ùh nɛ-a dǒ kɛ̍n-ɛ, u̍h nɔ̀ɔ̍, dɛ̍ᵻ kli̍hgbɛ̍ nɛ dě nɛnǎᵻ di̍i̍ dǒ u̍h we̍.

Pɔ̀n Chɛ̀ Maɛ To-a La 4:12

Sɔ nɛ̀, ‘U̍h-a gbèɛ̀ɛ̍n i̍, jɛ u̍h-u jě i̍, u̍h-a pu̍e̍e dounᵻ i̍, jɛ u̍h-u wɔ̌n dɛ̍ɛ̍ i̍. Pò ɛ̍ se̍ la̍a̍n nɛ de-ɛ, nɛ̀ u̍h-a mu̍ Nyɔsoa we̍ ji̍ de wɛ̀ ɔ̍ iě u̍h-a gblɛ̍n sɔ̀ɛ̀n-a tìh i̍ tǎli.’ ”

Chɔɔn 12:40

“Nyɔsoa gbe-e dě u̍h jlǐh, iě ɔ̍ mǎ-ɛ u̍h-a pɔluh, u̍h-a jlǐh-i je̍e i̍ jě, wɛ̀ u̍h-a wlùh-u je̍e dɛ̍ɛ̍ i̍ wɔ̌n. Wɛ̀ u̍h-u je̍e dě ɔ̍ we̍ i̍ bǐi, ɔ̍-ɔ je̍e u̍h pǔh-i.”

Wloma 16:25

Mɔ̀ à bɛ̌-ɛ Nyɔsoa-a nynɛ̌ i̍. Ɔ̍ bo ɔ̀ bɛ̌ɛ mɔ̀-a wlùh gbaɛ i̍ kui-ɛ, kǎ pɔ̀n chɛ̀ ǎn bla̍-a dǒ Jusu Klai pùn-ɛ dǎ. Dɛ̍ ɛ̀ sìle-a dǒ ti̍ dɔu di̍i̍-ɛ, ɛ̍ toe-ɛ nyɔ̍ i̍ wɛ̀, kǎ ɛ̍ dǎ ke.

1 Kɔwlɛntiɔn 12:11

Sùù nɛ-a due-ɛ bo ɛ̀ nu̍ ìh kli̍hgbɛ̍ la. Jɛ dɛ̍ ɛ̍ pɔ̀n-a ɛ̍ iě-a jɔ nyǐ-ɛ, nɛ̀ ɛ̍-ɛ bo ɛ̍ nyǐ ɔ̍.

Kalase 2:2

Ǎn nu̍ ɛ̍-ɛ wɛ̀ ɛ̍ iě u̍h-a wlùh fùka, u̍h iě due nɛ dě jbɛɛ di̍i̍. Nɛ̀ u̍h-a mu̍ dɛ̍ɛ̍ i̍ wɔ̌n-ɛa nya̍ pàn-ɛ slèěslè, wɛ̀ u̍h iě Klai ɔ̀ nu̍-a Nyɔsoa-a sìle dɛ̍-ɛ juo.

1 Timote 3:16

À Nyɔsoa dɛ-ɛ nɛ-ɛ la nyɔ̍ se̍-a juo-ɛ, ɛ̍ ku̍ wɔ̍n, nyɔ̍ se̍ ɛ̍-ɛ tòlo-ɛ bɛ̌ɛ. Ɔ̍ wlǔh-i dě nyi̍ɔ̍tu di̍i̍, iě Sùù to ɛ̍ ka ɔ̍ slɛ̌-a i̍-ɛ, wɛ̀ Nyɔsoa-a ǐnchɔ̀ jě ɔ̍. Wɛ̀ ɔ̍ tìh bla̍-ɛ dě bloa̍ we̍. Nyɔ̍ɔ gbaɛ ɔ̍ wlùh nɔ̌ kmɔ̌ we̍, iě ɔ̍ gba̍-ɛ dě ja̍i̍wlɔ̀.