Pɔ̀n Chɛ̀ Luu To-a La 7:6 - Ku̍o̍ Delee 1999

⁶ Wɛ̀ u̍h ke Jusu mu̍. U̍h-a kɔǎn-ɛa la̍ gbò i̍-ɛ, iě chape dbo̍ ɔ̍ ba̍ᵻ dě Jusu we̍ u̍h iě ɔ̍ wlùh sèàɛ̍. Ɔ̍ la̍a̍, “Joi, bɔ̌ àn chɛ̀ wɔ̍ɔ̍n i̍ bɛ̌ɛ. Dɛ̍nu̍ɛ, ǐn se̍ dɛ̍ i̍ blaɛ ìè nɔ̌ ǐn we̍ gbò ji̍.

Pɔ̀n Chɛ̀ Luu To-a La 7:6 Iomraidhean Croise

Matio 20:28

Nyi̍ɔ̍-a Jǔ se̍ ji̍ nyɔ̍ iě ɔ̍ pòi̍ju nu̍. Jɛ ɔ̍ ji̍-i wɛ̀ ɔ̍ chɛ̀ iě pòi̍ju nu̍. Wɛ̀ ɔ̍ iě ɔ̍ feɛ i̍ pɛ̌n-ɛ, ɛ̍ iě nyɔ̍ dɔu kɛ̍ɛ̍n pùhbɔ. Ɛ̍ kɔn ba̍ mɔ̀ iě nu̍ ke.”

Matio 3:11

Ǎn po̍ mɔ̀ nǐ dlǔ dǒ nǐ we̍ ɛ̍ iě ɛ̍ to ka mɔ̀ poe-a mɔ̀-a gblɛ̍n sɔ̀ɛ̀n kɛ̍n i̍-ɛ. Jɛ jɔ mu̍-a ǐn kɛ̍n i̍ ji̍-ɛ, ɔ̍ gbǐh bɛ̌ i̍ ɛ̍ sìì naɛ̍. Ǎn chɛ̀ ǐn se̍ i̍ blaɛ iě ɔ̍ bu̍hdih-a chɛ̀ kwa̍ blě. Ɔ̍ nɔ̀ɔ̍, ɔ̍ mu̍ mɔ̀ nǐ dlǔ po̍ dǒ Nyɔsoa-a Sùù ke nɛ̍ we̍.

Pɔ̀n Chɛ̀ Maɛ To-a La 5:24

Wɛ̀ Jusu gbǎ dǒ Jaleɔ de̍e̍ u̍h-a mu̍. Nɛ̀ nyɔ̍ tlùgbei̍ po̍ ɔ̍ dě pìe̍e̍ u̍h-a mu̍ dě Jaleɔ blǐ gbò.

Pɔ̀n Chɛ̀ Luu To-a La 5:8

Jɛ Samo Pitɛ jě-a dɛ̍ ɛ̀ nɛ-aɛ, iě ɔ̍ chlìi i̍ dǒ Jusu jǔ. Ɔ̍ la̍a̍, “Joi, tǎli ǎn tìh i̍. Dɛ̍nu̍ɛ, mɔ̍ gblɛ̍n sɔ̀ɛ̀n nyɔ̍.”

Pɔ̀n Chɛ̀ Luu To-a La 7:4

U̍h mu̍-a dě Jusu we̍-ɛ, wɛ̀ u̍h ba̍le ɔ̍ kaa̍. U̍h la̍a̍, “Ɛ̍ blaɛ i̍ ìè ɛ̍ nu̍ dǒ ɔ̍ we̍.

Pɔ̀n Chɛ̀ Luu To-a La 7:5

Dɛ̍nu̍ɛ, ɔ̍ jbɛɛ à nyɔ̍-ɔ, iě ɔ̍ po̍ à wɛɛ sà gbò.”

Pɔ̀n Chɛ̀ Luu To-a La 7:7

Ɛ̍ kɔn ǐn se̍ dě ìn we̍ ji̍-a chɛ̀. Jɛ wlu̍ bo ìè bla̍ sǔh, nɛ̀ ǎn pòi̍ju-a mu̍ pǔh.

Pɔ̀n Chɛ̀ Luu To-a La 8:49

Jusu-a bla̍-a ɛ̀ la-ɛ, iě jɔ̍gbau due sɔ dě Jaleɔ blǐ gbò, ɔ̍ la̍a̍, “Àn nynɔ̌gbaɔ jǔ mɛ̌ wɛ̀. Bɔ̌ Dlǔtu wɔ̍ɔ̍n i̍ bɛ̌ɛ dɛ.”

Nu̍-dɛ̍ᵻ 10:38

Jusu ɔ̀ sɔ-a dǒ Naaslɔɛ-ɛ, Nyɔsoa po̍ ɔ̍ Sùù dě ɔ̍ ku̍u̍, wɛ̀ ɔ̍ nyǐ ɔ̍ gbǐh. Ɛ̍ kɔn pò ɔ̍ mu̍ tàjɛ̀-ɛ, nɛ̀ ɔ̍ nu̍ dɛ̍ chɛ̀ iě ɔ̍ pǔh-i nyɔ̍ ùh Kǔ sìì-a wɔ̍n-ɛ, dɛ̍nu̍ɛ, Nyɔsoa-a naɛ ɔ̍ sɔ̍nᵻ we̍ i̍.

Chiin 4:10

Mɔ̀ ja mɔ̀-a chɛ̀ wlù dǒ Joi jǔ, nɛ̀ ɔ̍ mu̍ mɔ̀ ja̍i̍ dǔ.

Chiin 4:6

Nyɔsoa nɛ blɛ dǒ à we̍ kaa̍, ɛ̍ kɔn ɔ̍ wlu̍ la̍a̍, “Nyɔsoa faɛn blɔ̌-nyɔ̍. Jɛ ɔ̍ nɛ blɛ dǒ ùh-a ja-a u̍h-a chɛ̀ wlù-ɛ we̍.”