Biblia Todo Logo
Bìoball air-loidhne

- Sanasan -




Pɔ̀n Chɛ̀ Luu To-a La 7:16 - Ku̍o̍ Delee 1999

16 Sɔ ɛ̍ po̍ nyɔ̍ kli̍hgbɛ̍ faɔn, iě u̍h-a po̍ Nyɔsoa tìhwe̍. U̍h la̍a̍, “Nyɔsoa-a tu̍owli po̍ nyɔ̍-a wɔ̍n ku̍ naɛ wlǔh tà wɛ̀ nɔ̌ àɔ̀ nynɛ̌. Nyɔsoa ji̍ wɛ̀ ɔ̍ iě ɔ̍ nyɔ̍ pǔh-i.”

Faic an caibideil Dèan lethbhreac




Pɔ̀n Chɛ̀ Luu To-a La 7:16
31 Iomraidhean Croise  

Sɔ ɛ̍ wlǔh i̍ nyɔ̍ laa̍ de̍e̍, wɛ̀ bo̍bo̍ᵻ iě wlu, wɛ̀ i̍ kɔ̌-nyɔ̍-a ku̍ iě beɛ̍ɛ dode̍, wɛ̀ klɔ-nyɔ̍ iě na, iě dɔ̌-nyɔ̍-a jě ka i̍. Iě u̍h-a po̍ Eslɔɛ nyɔ̍-a Nyɔsoa tìhwe̍.


Wɛ̀ nyɔ̍ tlùgbei̍ laa̍ u̍h la̍a̍, “Ɔ̀ la̍ Nyɔsoa-a tu̍owli po̍ nyɔ̍ Jusu bo, ɔ̍ sɔ Naaslɔɛ dě Kaladii bloa̍ kɛ̍n.”


Iě nynɔ̌gbaɔᵻ laa̍ u̍h tèwe u̍h sɔ dǒ gbàlɔ̍ wɔ̍i̍n, nɛ̀ u̍h-a ple̍ faɔn, jɛ nɛ̀ kǎ mɔna̍-a nu̍ u̍h ke. Wɛ̀ u̍h gba̍ ple̍-ɛ u̍h iě ɔ̍ kòà wlùh sèàɛ̍.


Ti̍ nyɔ̍ tlùgbei̍ jě-a dɛ̍ la-aɛ, sɔ ɛ̍ flɔn-ɛ u̍h wɔ̍n, iě u̍h-a tùi Nyɔsoa nynɛ̌ i̍, ɔ̀ nu̍-a ka wlɔ̀ nyi̍ɔ̍ bu̍hᵻ de̍e̍ i̍ tba̍ sɔɛn-ɛ.


Wɛ̀ faɔn gbɛ̍n nyɔ̍ kli̍hgbɛ̍ ke u̍h nɛ-a dǒ gbò wɔ̍ɔ̍n-ɛ. Iě pɔ̀n laa̍ ɛ̍ sɛ̍ Judia bloa̍ kli̍hgbɛ̍ ɛ̀ blě-a tlu̍hᵻɛ́ kɛ̍n i̍.


“Joi ɔ̀ nu̍-a Eslɔɛ nyɔ̍-a Nyɔsoa-ɛ, mɔ̀ à po̍ ɔ̍ tìhwe̍. Ɔ̍ ji̍ ɔ̍ nyɔ̍ we̍ gbǎ laa̍, iě ɔ̍ pùhbɔ u̍h kɛ̍ɛ̍n.


U̍h-a mu̍ mɔ̀ ke mɔ̀-a nynuu̍-u gbɔ̀lɔ chɛ̀ɛ̌chɛ̀. U̍h se̍-o mɔ̀-a tɛ̌n si̍e̍ mu̍. Dɛ̍nu̍ɛ, mɔ̀ se̍ ti̍ Nyɔsoa ji̍-a mɔ̀ pǔh-i la̍-a juo.”


Wɛ̀ blawɛ̌ᵻ we̍ i̍ gbɛ̀n nyɔ̍ blě Nyɔsoa tìhwe̍ po̍ duǐh ble̍-ɛ u̍h mu̍ de̍ dǒ dɛ̍ᵻ kli̍hgbɛ̍ u̍h wɔ̌n-a iě u̍h jě-a we̍. Ɛ̀ kɔn taǐn Nyɔsoa-a ǐnchɔ̀ sà-a dě u̍h we̍-ɛ, ɛ̍ bo ɛ̀ nɛ.


Iě ɔ̍ la̍a̍, “I̍h-a nynɛ̌ ɛ?” Wɛ̀ u̍h la̍a̍ dě ɔ̍ we̍, “Dɛ̍ᵻ ìh nɛ-a Jusu ɔ̀ sɔ-a dǒ Naaslɔɛ wlɔ̀ di̍i̍-ɛ pùn-ɛ, i̍h-i bo à dǎ. Ɔ̍ nu̍ Nyɔsoa-a tu̍owli po̍ nyɔ̍, iě ɔ̍ blě gbǐh dǒ wɔ̍i̍n wlu̍ ke ɔ̍ nu̍-dɛ̍ᵻ we̍ dě Nyɔsoa ke nyɔ̍ kli̍hgbɛ̍ jlǐh.


Sɔ ɛ̍ wlǔh i̍ u̍h kli̍hgbɛ̍ de̍e̍. Wɛ̀ u̍h po̍ Nyɔsoa tìhwe̍. Iě faɔn gbɛ̍n u̍h, u̍h la̍a̍, “À jě nyɔ̍ di̍i̍ i̍ gbe-e dɛ̍ sèàn o.”


Jɛ Samo Pitɛ jě-a dɛ̍ ɛ̀ nɛ-aɛ, iě ɔ̍ chlìi i̍ dǒ Jusu jǔ. Ɔ̍ la̍a̍, “Joi, tǎli ǎn tìh i̍. Dɛ̍nu̍ɛ, mɔ̍ gblɛ̍n sɔ̀ɛ̀n nyɔ̍.”


Iě jɔ̍gbau jǔ ɔ̀ mɛ̌-a de-ɛ sɔ bloɔ̍, iě ɔ̍ tè i̍, sɔ ɔ̍ wlu la̍-ɛ sǔh. Wɛ̀ Jusu sà ɔ̍ kwlǎ dě ɔ̍ de̍ we̍.


Fɛlesii jǔ ɔ̀ dǎ-a Jusu dɛ̍ di̍ la̍-ɛ, ɔ̍ gbɛ̀n-a nynɔ̌-a nu̍-dɛ̍ ja̍-ɛ, iě ɔ̍ la̍a̍ dě ɔ̍ chɛ̀ di̍i̍, “Pò jɔ̍gbau la ɔ̍ tù Nyɔsoa-a tu̍owli po̍ nyɔ̍ de chɛ̀ɛ̌chɛ̀-ɛ, nɛ̀ nynɔ̌ la ɔ̀ tǔh-a ɔ̍ i̍-ɛ, ka ɔ̍ nu̍-a gblɛ̍n sɔ̀ɛ̀n nyɔ̍-ɛ, nɛ̀ ɔ̍ mu̍-o dɛ̍ i̍ juo de.”


Wɛ̀ nyɔ̍ kli̍hgbɛ̍ ùh sɔ-a dě Kɛwlasa bloa̍-a fɔ̌ la-a we̍-ɛ, u̍h sèàɛ̍ Jusu wlùh ɔ̍ iě dǒ u̍h we̍-e sɔ. Dɛ̍nu̍ɛ, ɛ̍ po̍ u̍h faɔn kaa̍. Wɛ̀ Jusu gbǎ dě de̍ blǎgbè di̍i̍ iě ɔ̍ mu̍ de̍.


Wɛ̀ u̍h la̍a̍, “Nyɔ̍ duuh la̍ mɔ̀ Chɔɔn ɔ̀ po̍-a nyɔ̍ nǐ dlǔ-ɛ. Iě duuh la̍ mɔ̀ Ilaɛja, wɛ̀ duuh la̍ mɔ̀ Nyɔsoa-a tu̍owli po̍ nyɔ̍ nɛ-a tɛin-ɛ, u̍h-a due bo ɔ̀ wlǔh-e.”


Iě u̍h tèle ɔ̍ i̍ dɛ, u̍h la̍a̍, “Mɔ̀ nyɔ̍we̍ la̍ ɛ? Mɔ̀ Ilaɛja ae?” Wɛ̀ ɔ̍ la̍a̍, “Ǐn se̍ ɔ̍ mɔ.” Iě u̍h la̍a̍, “Mɔ̀ Nyɔsoa-a tu̍owli po̍ nyɔ̍ ɔ̀ kɔn tìh à gbaɛ-a ae?” Wɛ̀ ɔ̍ la̍a̍, “Iěe.”


iě u̍h tèle Chɔɔn i̍, u̍h la̍a̍, “Nàa̍ ìn se̍-a Chèɛ̀ Tba̍ju, iě ìn se̍-a Ilaɛja, iě mɔ̀ɔ̍ ìn se̍-a Nyɔsoa-a tu̍owli po̍ nyɔ̍ ke-ɛ, nɛ̀ dɛ̍nu̍ àn po̍ nyɔ̍ nǐ dlǔ la̍ ɛ?”


Nynɔ̌ la̍a̍, “Nyɔ̍ klaa, ǐn ja ɛ̍ jě-ɛ nɛ̀ na̍ mɔ̀ Nyɔsoa-a tu̍owli po̍ nyɔ̍.


Nyɔ̍ laa̍ u̍h jě-a jbaɛdih la Jusu po̍-aɛ, wɛ̀ u̍h la̍a̍, “À po̍ ɛ̍ tìh chɛ̀, ɔ̀ la, Nyɔsoa-a tu̍owli po̍ nyɔ̍ ɔ̀ kɔn ɔ̀ iě-a nɔ̌ kmɔ̌ we̍ ji̍-ɛ, ɔ̍-ɔ bo.”


Wɛ̀ u̍h tèle jɔ̍gbau laa̍ i̍ dɛ, u̍h la̍a̍, “Mɔ̀ jɔ kɔn jlǐh ɔ̍ pɔ̀ni-aɛ, ka ìn dǎ ɔ̍ tìh ɛ?” Ɔ̍ la̍a̍, “Nyɔsoa-a tu̍owli po̍ nyɔ̍ bo.”


Ɛlenaea wɔ̌n-a wlu̍ la-a, ɔ̍ kà i̍ iě ɔ̍ mɛ̌. Nyɔ̍ kli̍hgbɛ̍ ùh wɔ̌n-a pɔ̀n la-a, u̍h gbǎ faɔn.


Mose laa̍ bo ɔ̀ sèàɛ̍ Eslɔɛ nyɔ̍ wlùh, ɔ̍ la̍a̍, ‘Nyɔsoa-a mu̍ mɔ̀ ɔ̍ tu̍owli po̍ nyɔ̍ we̍ dbo̍ ka ɔ̍ nu̍-a ǐn dbo̍-ɛɛ. Ɔ̍ mu̍ mɔ̀ de̍di̍i̍ᵻá nyɔ̍ due nu̍.’


Wɛ̀ u̍h bɛ̌-ɛ Nyɔsoa-a nynɛ̌ i̍ ǎn tìh.


Lean sinn:

Sanasan


Sanasan