Pɔ̀n Chɛ̀ Luu To-a La 7:13 - Ku̍o̍ Delee 1999

¹³ Joi jě-a nynɔ̌ laa̍-ɛ, sɔ ɛ̍ po̍ ɔ̍ wɔɛ. Iě ɔ̍ la̍a̍ dě ɔ̍ we̍, “Bɔ̌ fìn-ɛ.”

Pɔ̀n Chɛ̀ Luu To-a La 7:13 Iomraidhean Croise

Pɔ̀n Chɛ̀ Maɛ To-a La 8:2

“Nyɔ̍ la u̍h-a po̍ ǐn wɔɛ, dɛ̍nu̍ɛ, wǐh ta̍a̍n bo u̍h nu̍ wɛ̀ da̍a ǐn we̍ wɛ̀ u̍h-a di̍-dɛ̍ᵻ wɛ̀ ka.

Pɔ̀n Chɛ̀ Luu To-a La 10:1

Ɛ̀ la ɛ̍ wɔ̀-a nɛ-ɛɛ, wɛ̀ Joi tba̍ nyɔ̍-a kwela mɛ̀sɔɔ̌n jɔ̌ sɔɔ̌n (72) duuh chèɛ̀. Wlɔ̀ᵻ kɔn di̍i̍ i̍ ke tà kli̍hgbɛ̍ ɔ̍ chɛ̀-a mu̍-a i̍ mu̍-ɛ, wɛ̀ ɔ̍ dbo̍ u̍h-a sɔɔ̌n sɔɔ̌n nya̍.

Pɔ̀n Chɛ̀ Luu To-a La 11:1

Dǒ weɛ̍ due di̍i̍ Jusu wɔ̀-a ba̍le-ɛ, iě ɔ̍ kòà-a due la̍a̍ dě ɔ̍ we̍, “Joi, toe àɔ̀ ba̍le-ɛ, ka Chɔɔn nu̍-a ɔ̍ kòà ba̍le-ɛ toe-ɛ.”

Pɔ̀n Chɛ̀ Luu To-a La 11:39

Wɛ̀ Joi la̍a̍ dě ɔ̍ we̍, “Mɔ̀ɔ̍ Fɛlesii nyɔ̍, mɔ̀-a wɔ̍lɔ dǒ mɔ̀-a kàu̍n ke plɛ̌ɛ kɛ̍n i̍, jɛ nɛ̀ dě i̍h di̍i̍ jǐ-i dǒ flɛ̀n we̍. Kǎ dɛ̍ᵻá kloǒ nu̍-ɛ ke kà kɔn-ɛ nu̍ dě mɔ̀ di̍i̍ jǐ-ɛ.

Pɔ̀n Chɛ̀ Luu To-a La 12:42

Wɛ̀ Joi la̍a̍, “Nyɔ̍we̍ bo ɔ̀ nu̍ wlì tè pòi̍ju wɛ̀ ɔ̀ flɔn di̍i̍ ɛ? Ɔ̍ kɔn kwa̍a̍ bo ɔ̍ dlǔtu si̍e̍ ɔ̍ gbò, wɛ̀ ɔ̍ iě ɔ̍ ba̍ᵻ pòi̍nynuu̍ di̍-dɛ̍ nyǐ pò ti̍ blaɛ i̍-ɛ.

Pɔ̀n Chɛ̀ Luu To-a La 13:15

Wɛ̀ Joi sà ɔ̍ wlu̍ pɔ̀n we̍. Ɔ̍ la̍a̍, “Mɔ̀ɔ̍ mɛɔ sɔɔ̌n wɔ̍ɔ̍n nɛ nyɔ̍ la, mɔ̀-a nyɔ̍-ɔ se̍a ɔ̍ bli àe̍e̍ soo̍pà-a dbǔ pɔ̀ni dǒ wlè-weɛ̍ di̍i̍ wɛ̀ ɔ̍-ɔ se̍a ɛ̍ nǐ nǎ la̍ gba̍ ae?

Pɔ̀n Chɛ̀ Luu To-a La 17:5

Wɛ̀ gba̍tòà la̍a̍ dě Joi we̍, “Poe à wlùh gbaɛ kɛ̍n.”

Pɔ̀n Chɛ̀ Luu To-a La 17:6

Wɛ̀ Joi la̍a̍, “Pò mɔ̀ blě wlùh gbaɛ ɛ̍ wàn i̍ ka jě à dǎɛ majlɛkɛ jɔɛ̍-ɛ, nɛ̀ mɔ̀ bɛ̌ɛ mɔ̀ iě ka dǎ dě tu̍ la we̍, ‘Sɔ wlù ìè-e jbǒ kɛ̍n gbǎ,’ wɛ̀ ɛ̍ iě mɔ̀-a wlu̍ nu̍.”

Pɔ̀n Chɛ̀ Luu To-a La 18:6

Wɛ̀ Joi la̍a̍, “Mɔ̀ po̍-e dounᵻ, mɔ̀ iě dɛ̍ kɛɛ̍n la ɔ̀ se̍-a i̍ slɛ̌-ɛ bla̍-a wɔ̌n.

Pɔ̀n Chɛ̀ Luu To-a La 19:8

Wɛ̀ Saikeɔ nyna i̍, iě ɔ̍ la̍a̍ dě Joi we̍, “Nyɔ̍ klaa, ǎn mu̍ ǎn kɔn-dɛ̍ᵻ kli̍hgbɛ̍-a fɔ̌ nyɔ̍gbà nyɔ̍ nyǐ. Nɛ̀ pò ǐn di̍ nyɔ̍ kanieǐ dǒ dɛ̍-o-dɛ̍ we̍-ɛ, nɛ̀ ǎn mu̍ ɛ̍ gbɔ̍ᵻ nyìɛ̍ wɔ̀ɔ̀ poe.”

Pɔ̀n Chɛ̀ Luu To-a La 22:61

Wɛ̀ Joi fèàɛ̀, iě ɔ̍ gbɛ̀n Pitɛ ja̍. Iě wlu̍ ɔ̍ bla̍-a dě Pitɛ we̍-ɛ ɛ̍ dǔ dǒ ɔ̍ wlì i̍ sǐ-ɛ. Ɔ̍ la̍a̍, “Àn mu̍ ǎn tìh-i tòlo ìè gbɔ̍ᵻ ta̍a̍n nu̍ sasǎ wɛ̀ suuh iě slò-ɛ dǔ sɔ̀nwɔ̍i̍n.”

Pɔ̀n Chɛ̀ Luu To-a La 24:3

U̍h pa̍-a dě ɛ̍ di̍i̍-ɛ, u̍h se̍ Joi Jusu-a kǔ jě.

Pɔ̀n Chɛ̀ Luu To-a La 24:34

Wɛ̀ u̍h la̍a̍, “Joi wlǔh-e chɛ̀. Ɔ̍ wlǔh-i Samo i̍.”

Pɔ̀n Chɛ̀ Luu To-a La 7:12

Ɔ̍ nyni̍-a la̍ dǒ wlɔ̀-a chɛ̀ ɛ̍ gbàɛ̍gbà wɔ̍ɔ̍n-ɛ, nɛ̀ u̍h-a gba̍ jɔ̍gbau due i̍ tè la̍ dě wìè-i. Ɔ̍ nɛ due nu̍ ɔ̍ de̍-a jǔ, iě ɔ̍ de̍ nu̍ tèwànynɔ̌ dɛ. Nɛ̀ nyɔ̍ tlùgbei̍ sɔ dǒ wlɔ̀ u̍h-a klui ɔ̍ we̍.

Pɔ̀n Chɛ̀ Luu To-a La 7:14

Wɛ̀ Jusu mu̍ iě ɔ̍ tǔh dai̍ laa̍ i̍, iě ɛ̍ blě-nyɔ̍ nyna i̍. Wɛ̀ ɔ̍ la̍a̍, “Jǔgbèlà, ǎn sèàɛ̍ ìn wlùh, sɔ bloɔ̍.”

Pɔ̀n Chɛ̀ Luu To-a La 7:19

Iě ɔ̍ dǎ u̍h-a sɔɔ̌n, wɛ̀ ɔ̍ dbo̍ u̍h dě Joi we̍ u̍h iě ɔ̍ i̍ tèle-ɛ ka dǎ, “Mɔ̀ Chɔɔn la̍ ɔ̀ mu̍-a ji̍-ɛ, mɔ̀ bo ae? Àe̍e̍ à gbàɛ̀ nyɔ̍ dɔɔ-a tìh ke̍ dɛ dǒ ìn de̍e̍ ae?”

Pɔ̀n Chɛ̀ Luu To-a La 8:52

Nɛ̀ nyɔ̍ kli̍hgbɛ̍-a fìn-i u̍h-a we̍le nynɔ̌gbaɔ jǔ-a tìh. Wɛ̀ Jusu la̍a̍, “Mɔ̀ bɔ̌ fìn-ɛ, ɔ̍ se̍ mɛ̌. Jɛ ɔ̍ mɔ̌-ɛ.”

Chɔɔn 11:3

Wɛ̀ de̍di̍i̍ᵻ nynɔ̌gbaɔᵻ sɔɔ̌n laa̍ iě u̍h dbo̍ dě Jusu we̍ wlu̍. U̍h la̍a̍, “Joi, àn jbɛɛ nyɔ̍-a poa o.”

Chɔɔn 20:13

I̍h la̍a̍, “Nynɔ̌ chɛ̀, dɛ̍-ɛ tìh àn fìn ɛ?” Mɛle la̍a̍, “Ǎn Joi bo u̍h dǔ-u, iě tà u̍h gba̍-ɛa ɔ̍-ɛ, ǐn se̍-o juo.”

Chɔɔn 20:15

Jusu la̍a̍, “Nynɔ̌ chɛ̀, dɛ̍-ɛ tìh àn fìn ɛ? Nyɔ̍ bo àn pɔ̀n i̍ ɛ?” Sɔ ɔ̍ jajeɛ̍ gbàɛ̍gbà we̍ i̍ gbɛ̀n nyɔ̍ bo de. Wɛ̀ ɔ̍ la̍a̍ dě ɔ̍ we̍, “Nyɔ̍ klaa, pò ɛ̍ tù mɔ̀ ɔ̀ iě ɔ̍-ɔ dǔ-ɛ, nɛ̀ tà ìn gba̍-ɛa ɔ̍-ɛ, sà-o tà wɛ̀ iě ɔ̍-ɔ dǔ.”

Chɔɔn 4:1

Ka Jusu-a chlì-a la̍ nyɔ̍ iě ɔ̍ po̍-a kòà dɔu nǐ dlǔ ɛ̍ sìì-a Chɔɔn-ɛ, ɛ̍ kɔn pɔ̀n bo Fɛlesii nyɔ̍ wɔ̌n. (

Chɔɔn 6:23

Wɛ̀ blǎgbè diih sɔ dǒ Taɛbiwlia wlɔ̀ di̍i̍ i̍h ji̍ dǒ tà Joi poe-a Nyɔsoa tlɔ̌ iě nyɔ̍ tlùgbei̍ iě-a blèe̍ di̍-ɛ.

1 Kɔwlɛntiɔn 7:30

Nɛ̀ nyɔ̍ ùh-a fìn-aɛ, ka nyɔ̍ se̍ fìn-ɛ, nɛ̀ nyɔ̍ ùh-a nmɔ-aɛ, ka mɔna̍ se̍ nyɔ̍ nu̍-ɛ, nɛ̀ nyɔ̍ ùh-a tɛ̀n-a dɛ̍-ɛ, ka nyɔ̍ se̍ tɛ̀n-dɛ̍-a chɛ̀ kɔn-ɛ, kǎ u̍h iě nu̍.

1 Tɛsoloniɔn 4:13

À de̍di̍i̍ᵻ, à pɔ̀n dě mɔ̀ di̍i̍ iě i̍ flɔn dǒ nyɔ̍ ùh mɛ̌-aɛ dɛ we̍, wɛ̀ mɔ̀ɔ̍ jěe seɔn gbǎ ka nyɔ̍ ùh se̍-a wlùh i̍ tba̍ dɛ̍ blě-ɛ.

Iblu 2:17

Ɛ̍ kɔn ka ɔ̍ de̍di̍i̍ᵻ nɛ-aɛ, nɛ̀ ɔ̍ kɔn ɔ̍ iě laǎn nɛ ke tà kli̍hgbɛ̍. Ɔ̍ nu̍ ɛ̍-ɛ, wɛ̀ ɔ̍ iě u̍h-a Slaǎ Sà Nyɔ̍-a Dlǔtu nu̍ ɔ̀ kɔn-a wɔɛ iě ɔ̀ nu̍-a wlì tè nyɔ̍ dě Nyɔsoa jǔ dbee dɛ di̍i̍-ɛ. Wɛ̀ ɔ̍ nu̍ ɛ̍ iě nyɔ̍ɔ-a gblɛ̍n sɔ̀ɛ̀n-a tìh tǎli-ɛ i̍.

Iblu 4:15

Slaǎ Sà Nyɔ̍-a Dlǔtu à blě-aɛ, pò à gbǐh ja sɔɔn nu̍-ɛ, nɛ̀ ɛ̍ chlɛ̌n-ɛ ɔ̍ wlùh. Dɛ̍nu̍ɛ, ka Kǔ-a nu̍-a à blu̍ja̍a̍ po̍-ɛɛ, kǎ ɛ̍ nu̍ ɔ̍ blu̍ja̍a̍ po̍-ɛ i̍ pɔ̀n-ɛ ke de tà kli̍hgbɛ̍. Jɛ ɔ̍ se̍ gblɛ̍n sɔ̀ɛ̀n dɛ̍wɛ-a chɛ̀ nu̍.