Pɔ̀n Chɛ̀ Luu To-a La 6:8 - Ku̍o̍ Delee 1999

⁸ Jɛ Jusu juo dɛ̍ u̍h-a naɛ-a wlùh i̍-ɛ. Iě ɔ̍ la̍a̍ dě jɔ̍gbau ɔ̀ kɔn kɔba mɛ̌-aɛ we̍, “Ji̍ ìè i̍ nyna da̍a.” Wɛ̀ ɔ̍ sɔ bloɔ̍ iě ɔ̍ nyna doǒ i̍.

Pɔ̀n Chɛ̀ Luu To-a La 6:8 Iomraidhean Croise

Matio 9:4

Sɔ Jusu juo dɛ̍ u̍h-a bla̍-a dě u̍h di̍i̍-ɛ, wɛ̀ ɔ̍ la̍a̍ dě u̍h we̍, “Dɛ̍nu̍ mɔ̀-a naɛ dɛ̍ kaɛn la wlùh i̍ ɛ?

Pɔ̀n Chɛ̀ Maɛ To-a La 3:3

Wɛ̀ Jusu la̍a̍ dě jɔ̍gbau laa̍ we̍, “Ji̍ nɔ̌ nya̍ ka nɔ̍ɔ̀ ìè i̍ nyna.”

Pɔ̀n Chɛ̀ Luu To-a La 13:12

Jusu jě-a ɔ̍-ɛ, iě ɔ̍ dǎ ɔ̍. Ɔ̍ la̍a̍, “Nynɔ̌ chɛ̀, ìn wa̍n àn wɛ̌ la wɔ̍i̍n wɛ̀.”

Pɔ̀n Chɛ̀ Luu To-a La 5:22

Sɔ Jusu juo dɛ̍ u̍h-a naɛ-a wlùh i̍-ɛ, iě ɔ̍ la̍a̍ dě u̍h we̍, “Dɛ̍nu̍ mɔ̀-a naɛ dɛ̍ kaɛn la wlùh i̍ ɛ?

Pɔ̀n Chɛ̀ Luu To-a La 6:9

Iě Jusu la̍a̍ dě u̍h we̍, “Ǎn tèle mɔ̀ i̍-o, ɛ̍ slɛ̌ i̍ dě à telě di̍i̍ à iě dɛ̍ chɛ̀ nu̍ dǒ wlè-weɛ̍ di̍i̍ ɛɛ, àe̍e̍ ɛ̍ slɛ̌ i̍ à iě dɛ̍ sɔ̀n nu̍ ae? À iě nyɔ̍ pǔh-i ɛɛ, àe̍e̍ à iě nyɔ̍-ɔ gbɔ̀lɔ ae?”

Chɔɔn 2:25

Ɔ̍ se̍ pɔ̀n nyɔ̍-o-nyɔ̍ iě nyi̍ɔ̍-a tìh we̍ i̍ sèàɛ̍ dě ɔ̍ we̍, dɛ̍nu̍ɛ, ɔ̍ nɔ̀ɔ̍, ɔ̍ juo dɛ̍ nɛ-a dě nyi̍ɔ̍ di̍i̍-ɛ.

Chɔɔn 21:17

Ɛ̀ po̍-a ta̍a̍n-ɛ, Jusu la̍a̍, “Chɔɔn-a jǔ Samo, ìn jbɛɛ m ae?” Sɔ ɛ̍ po̍ Pitɛ-a wlùh seɔn, dɛ̍nu̍ɛ, Jusu nu̍ ɔ̍ i̍ tèle-ɛa gbɔ̍ᵻ ta̍a̍n pò ɔ̍ jbɛɛ ɔ̍-ɛ. Wɛ̀ Pitɛ la̍a̍ dě ɔ̍ we̍, “Joi, ìn juo dɛ̍ᵻ kli̍hgbɛ̍. Ìn juo i̍h ka ǐn jbɛɛ-a m̀-ɛ.” Jusu la̍a̍ dě ɔ̍ we̍, “Gbɛ̀n dǒ ǎn blawɛ̌ᵻ we̍ i̍ o.

Chɔɔn 9:4

Nyɔ̍ ɔ̀ dbo̍-a m-ɛ, à kɔn à iě ɔ̍ dbo̍ nu̍ duedɛ, ka sɔ̀n sɛ̀n-a ke̍-ɛ. Wlù-a mu̍ ka wɔ̀ tiɔ, nɛ̀ nyɔ̍ se̍ dbo̍ nu̍-ɛ bɛ̌ɛ dɛ.

Nu̍-dɛ̍ᵻ 20:24

Jɛ ǎn feɛ nɔ̀ɔ̍, ǐn se̍ ɛ̍ dɛ̍ dǎɛ. Jɛ pɔ̀n chɛ̀ la ɛ̀ kɔ̍-a dǒ Nyɔsoa-a blɛ pùn i̍-ɛ, ɛ̍ we̍i̍ bla̍ dbo̍ Joi Jusu nyǐ-a m-ɛ, ɛ̍-ɛ due gbài̍ ǎn pɔ̀n iě i̍ wɔ̀ gblaan.

Nu̍-dɛ̍ᵻ 26:26

Dɛ̍nu̍ɛ, Blǔh Baa Aklepa ju̍o̍e ìh la we̍ i̍, ɛ̍ kɔn nɛ̌ wlu-i kɛ̍ dě ɔ̍ we̍. Ǐn juo ɛ̍-ɛ i̍h-a dɛ̍ se̍ ɔ̍ jii̍ sìle, dɛ̍nu̍ɛ, ɛ̍ se̍ dě kwile-e i̍h se̍ nui-ɛ.

Felepai 1:28

Mɔ̀ bɔ̌ mɔ̀-a nyɛ̌-nyɔ̍ jǔ ple̍-ɛ tà kli̍hgbɛ̍. Ɛ̍-ɛ bo ɛ̀ mu̍ ɛ̍ we̍i̍ flɔn-ɛ dě u̍h we̍ ka u̍h nɔ̀ɔ̍, u̍h-a mu̍-aa gbɔ̀lɔ-ɛ, jɛ mɔ̀ɔ̍ bo ùh-a mu̍-a pǔh-ɛ. Nyɔsoa bo ɔ̀ mu̍ mɔ̀ pǔh-i.

Iblu 4:13

Dɛ̍ᵻ kli̍hgbɛ̍ nɛ-a da̍a kmɔ̌ la we̍-ɛ, i̍h-a dɛ̍ se̍ Nyɔsoa jii̍ sìle. Dɛ̍ᵻ kli̍hgbɛ̍ flɔn kɛ̍n i̍ te̍gbe̍i̍n dǒ Nyɔsoa jlǐhwai ɔ̀ kɔn jǔ à mu̍-a à chɛ̀-a tìh we̍ i̍ sèàɛ̍-ɛ.

1 Pitɛ 4:1

Nɛ̀ɛ̍, ka Klai jě-a ɔ̍ chɛ̀-a ku̍ wɔ̍n-ɛ, nɛ̀ mɔ̀ gbàɛ̀ mɔ̀ iě dě ɔ̍ tu̍ laa̍ di̍i̍ nɛ ke. Dɛ̍nu̍ɛ, nyɔ̍-o-nyɔ̍ ɔ̀ jě-a ɔ̍ chɛ̀-a ku̍ wɔ̍n-ɛ, nɛ̀ ɔ̍ sɔ dě gblɛ̍n sɔ̀ɛ̀n di̍i̍ wɛ̀.

Wlɛfeleseɔn 2:23

Nɛ̀ ǎn mu̍ ɔ̍ nynuu̍ dbǎ, wɛ̀ chɔchi̍h nyɔ̍ kli̍hgbɛ̍ iě ɛ̍ juo ka mɔ̍ bo ɔ̀ juo-a dɛ̍ nɛ-a dě nyɔ̍ wlùh di̍i̍-ɛ. Nɛ̀ jɔ-ɛ ka ɔ̍ nu̍-dɛ̍ᵻ nɛ-a, kǎ ǎn mu̍ ɔ̍ pɛ̌ɛ-ɛ nu̍.