Pɔ̀n Chɛ̀ Luu To-a La 6:12 - Ku̍o̍ Delee 1999

¹² Dǒ ti̍ laa̍ di̍i̍ bo Jusu mu̍-i dě tlu̍h kɛ̍n ɔ̍ iě Nyɔsoa ba̍le. Iě ɔ̍ ba̍le dǒ maɔ̍ weɛ̍ gbàǐ laa̍ di̍i̍.

Pɔ̀n Chɛ̀ Luu To-a La 6:12 Iomraidhean Croise

Matio 5:1

Sɔ dɛ̍ nyɔ̍ nu̍-a i̍ tìè-ɛ wɛ̀-ɛ, ɛ̍ nu̍ ɛ̍ wɛ̀ Jusu jǎ dǒ tlu̍h kɛ̍n iě ɔ̍ tè i̍ wɛ̀ ɔ̍ iě dě u̍h we̍ wlu ka̍ jě. Iě ɔ̍ kòà mu̍ dě ɔ̍ we̍ u̍h dlɛ̌ ɔ̍.

Matio 6:6

Jɛ pò ìn ja ba̍le-ɛ, nɛ̀ ìn chɛn gbɔ̍i̍, ìè dě gbòju di̍i̍ pa̍. Nɛ̀ ìn ka̍n-o, wɛ̀ ìè ìn Baa Nyɔsoa ɔ̀ nɛ-a dě kwile-ɛ ba̍le-ɛ dǔ. Nɛ̀ ìn Baa ɔ̀ jě-a m̀ dě kwile-ɛ, àn mu̍ ɔ̍ dɛ̍ kwa̍a̍ jě.

Pɔ̀n Chɛ̀ Maɛ To-a La 1:35

Ɛ̍ nu̍ sɔ̀n wɔ̍i̍n iě Jusu sɔ bloɔ̍, wɛ̀ ɔ̍ sǐ sɔ̀n. Iě ɔ̍ sɔ dǒ wlɔ̀, wɛ̀ ɔ̍ chɛn-ɛ ɔ̍ chɛ̀ gbɔ̍i̍, dě ɔ̍ ba̍le-e Nyɔsoa.

Pɔ̀n Chɛ̀ Maɛ To-a La 3:13

Wɛ̀ Jusu mu̍ dě tlu̍h kɛ̍n, iě ɔ̍ dǎ nyɔ̍ ɔ̍ pɔ̀n-aɛ dě ɔ̍ we̍. Wɛ̀ u̍h mu̍ dě ɔ̍ we̍.

Pɔ̀n Chɛ̀ Maɛ To-a La 6:46

Ɔ̍ wɔ̀-a u̍h wlǎ wlì i̍ po̍-ɛɛ, wɛ̀ ɔ̍ mu̍ ba̍le la̍ dě tlu̍h kɛ̍n.

Pɔ̀n Chɛ̀ Luu To-a La 5:16

Jɛ ɔ̍ chlìì-ɛ dě kwlǎslò we̍, iě ɔ̍ ba̍le.

Pɔ̀n Chɛ̀ Luu To-a La 6:11

Sɔ u̍h nɛ tɛtɛ dǒ jlu̍h we̍, iě u̍h-a sǔh-a pu̍e̍e dɛ̍ u̍h iě-a Jusu pùn nu̍-ɛ.

Pɔ̀n Chɛ̀ Luu To-a La 6:17

Jusu ke ɔ̍ gba̍tòà sɔ-a dě tlu̍h kɛ̍n-ɛ, iě ɔ̍ nyna i̍ dǒ tà pɛ̍lɛ-a i̍-ɛ, nɛ̀ dǒ ɔ̍ kòà tlùgbei̍ nɛ ke. Nɛ̀ nyɔ̍ sùɛ̀ sɔ Judia bloa̍ kli̍hgbɛ̍ kɛ̍n i̍, ɛ̍ ke dǒ Juluslɛn wlɔ̀ di̍i̍ ke. Nyɔ̍ sɔ dǒ jbǒ wɔ̍i̍n dǒ Taiɛ ke Saidɔn wlɔ̀ᵻ di̍i̍ ke

Pɔ̀n Chɛ̀ Luu To-a La 9:18

Dǒ ti̍ due di̍i̍ nɛ̀ Jusu nɛ due-a ba̍le-e, nɛ̀ ɔ̍ kòà tè ɔ̍ pùn. Iě ɔ̍ tèle u̍h i̍, ɔ̍ la̍a̍, “Nyɔ̍gbei la̍ mɔ̍ nyɔ̍we̍ ɛ?”

Pɔ̀n Chɛ̀ Luu To-a La 9:28

Jusu wɔ̀-a ìh la bla̍-aɛ, ɛ̍ bɛ̌ɛ wǐh mɛ̀ta̍a̍n nu̍-ɛ, wɛ̀ ɔ̍ dǔ Pitɛ ke Chɔɔn ke Chiin, iě ɔ̍ gba̍ u̍h dě tlu̍h kɛ̍n ɔ̍ iě ba̍le.

Pɔ̀n Chɛ̀ Luu To-a La 9:29

Ɔ̍ nɛ-a dǒ ba̍le la̍-ɛ, wɛ̀ ɔ̍ jua̍a̍ sàɛ̀, iě ɔ̍ jlii̍ nɛ pɔ̀ɔ̀ ka kǒ gbo̍-ɛ.

Chɔɔn 6:3

Wɛ̀ ɔ̍ jǎ dǒ tlu̍h kɛ̍n iě ɔ̍ ke ɔ̍ kòà tìèe̍ i̍.

Kalase 4:2

Mɔ̀ bɔ̌ ba̍le-ɛa plǔh nu̍-ɛ, nɛ̀ mɔ̀ sà nyinɔ̍ jlǐh mɔ̀ iě Nyɔsoa tlɔ̌ po̍ dǒ ba̍le la̍.

Iblu 5:7

Ti̍ Jusu nɛ-a nɔ̌ bloɔ̍-ɛ ɔ̍ ba̍le-e, iě ɔ̍ wǐ ɔ̍ tèle Nyɔsoa i̍ dǒ fìn-wlu̍ we̍. Dɛ̍nu̍ɛ, Nyɔsoa bo ɔ̀ bɛ̌ɛ ɔ̍ mɛ̌ɛ wɔ̍i̍n sèìe-ɛ. Nyɔsoa wɔ̌n ɔ̍ wlu̍, dɛ̍nu̍ɛ, ɔ̍ ja ɔ̍ chɛ̀ wlù iě ɔ̍ fòè ɔ̍ we̍.