Pɔ̀n Chɛ̀ Luu To-a La 5:8 - Ku̍o̍ Delee 1999

⁸ Jɛ Samo Pitɛ jě-a dɛ̍ ɛ̀ nɛ-aɛ, iě ɔ̍ chlìi i̍ dǒ Jusu jǔ. Ɔ̍ la̍a̍, “Joi, tǎli ǎn tìh i̍. Dɛ̍nu̍ɛ, mɔ̍ gblɛ̍n sɔ̀ɛ̀n nyɔ̍.”

Pɔ̀n Chɛ̀ Luu To-a La 5:8 Iomraidhean Croise

Matio 17:6

Ti̍ ɔ̍ kòà wɔ̌n-a wlu̍ la-ɛ, sɔ dɛ̍ wa̍ u̍h we̍ sǔh, iě u̍h chlìi i̍ dǒ bloɔ̍.

Matio 2:11

Wɛ̀ u̍h pa̍ dě gbò. Iě u̍h jě jǔ-a chɛ̀ ke ɔ̍ de̍ Mɛle, wɛ̀ u̍h chlìi i̍ iě u̍h sà ɔ̍ wɛɛ. Wɛ̀ u̍h pɔ̀ni u̍h-a gbèèkǔᵻ, dě u̍h sà kòo̍ ke nɔ̌-dɛ̍ᵻ chɛ̀, ìh ke chò ke sùè-chlǎn wɔ̀ɛ-ɛa, iě u̍h nyǐ i̍h ɔ̍.

Matio 8:8

Jɛ chape laa̍ ɔ̍ la̍a̍, “Joi, ǐn se̍ dɛ̍ i̍ blaɛ ìè dě ǐn we̍ gbò ji̍. Wlu̍ bo ìè ǐn nyǐ sǔh iě gba̍, nɛ̀ ǎn pòi̍ju-a mu̍ pǔh.

Pɔ̀n Chɛ̀ Luu To-a La 5:7

Wɛ̀ u̍h po̍ sɔ̍nᵻ dě u̍h ba̍ᵻ nɛ-a dě blǎgbè dɛɛ di̍i̍-ɛ we̍, u̍h iě u̍h we̍ gbǎ la̍-a ji̍. Iě u̍h ji̍, wɛ̀ u̍h jǐ-i blǎgbè nɛ-a sɔɔ̌n-ɛ fɛ̍ɛ̍n dǒ smìi̍ we̍. Sɔ i̍h wɛ̀la i̍h-i pa̍ nǐ wlù dɛ.

Pɔ̀n Chɛ̀ Luu To-a La 5:9

Ka u̍h nu̍-a smìi̍ dɔu laa̍ gbɛ̍n-ɛɛ, ɛ̍ wlǔh i̍ ɔ̍ ke ɔ̍ ba̍ᵻ kli̍hgbɛ̍ de̍e̍.

Chɔɔn 11:32

Mɛle nyni̍-a dǒ Jusu we̍-ɛ, wɛ̀ ɔ̍ bla̍ ɔ̍ chɛ̀ i̍ dǒ ɔ̍ jǔ. Ɔ̍ la̍a̍, “Joi, pò ìn nɛ da̍a de-ɛ, nɛ̀ ǐn de̍di̍i̍ se̍ mɛ̌ mu̍ de wa.”

1 Kɔwlɛntiɔn 13:12

À jě i̍ kaka, jɛ ɛ̍ wɔ̀ dě dula jela̍a̍ di̍i̍ gbɛ̀n-ɛ. Jɛ dǒ ti̍ laa̍ di̍i̍-ɛ, à mu̍ jua̍a̍ i̍ jiěe. Kaka la̍, ìh ǐn juo-aɛ, i̍h se̍ kwlǎ wɛ̀ ke̍. Jɛ dǒ ti̍ laa̍ di̍i̍-ɛ, ka Nyɔsoa juo-a m te̍kle̍e̍-ɛ, kǎ ǎn tɔɔ-a mu̍ kwlǎ wɛ̀-ɛ nu̍ ke.

Wlɛfeleseɔn 1:17

Ǐn jě-a ɔ̍-ɛ, wɛ̀ ǐn kà i̍ dǒ ɔ̍ jǔ ka nyɔ̍ mɛ̌-ɛ. Jɛ ɔ̍ tè ɔ̍ di̍na̍ sɔ̍n dǒ ǐn dlǔ i̍, iě ɔ̍ la̍a̍, “Bɔ̌ faɔn ple̍-ɛ. Mɔ̍ bo ɔ̀ nu̍ sàǐtòò nyɔ̍ ke bɔ̌ɛ-o nyɔ̍.