Pɔ̀n Chɛ̀ Luu To-a La 5:10 - Ku̍o̍ Delee 1999

¹⁰ Samo ba̍ᵻ, Chiin ke Chɔɔn ùh nu̍-a Sɛɛbedii-a nynuu̍-ɛ, kǎ ɛ̍ nu̍ u̍h-a tìh ke. Iě Jusu la̍a̍ dě Samo we̍, “Bɔ̌ faɔn ple̍-ɛ, sɔ da̍a sèàn blǐ-ɛ, àn mu̍ la̍ nyi̍ɔ̍ gbɛ̍n ìè u̍h Nyɔsoa we̍ ja.”

Pɔ̀n Chɛ̀ Luu To-a La 5:10 Iomraidhean Croise

Matio 13:47

Jusu la̍a̍, “Nɛnǎ la ɛ̍ ke Nyɔsoa-a kmɔ̌ wlu̍ i̍ kɔn-ɛ wɔ̀ɛ dɛ ke. Sɔ̍ bo smìi̍ dbǎ nyɔ̍ tè dǒ pɛ̍nu̍ klaa kɛ̍n, wɛ̀ ɛ̍ gbɛ̍n smìi̍ kaɛn kaɛn kli̍hgbɛ̍ nɛ-a dě niɔ̍-ɛ.

Matio 14:27

Jɛ Jusu tèwe ɔ̍ wlu, ɔ̍ la̍a̍, “Mɔ̀ dbǎ ku̍, mɔ̍ bo, mɔ̀ bɔ̌ faɔn ple̍-ɛ.”

Matio 20:20

Wɛ̀ Sɛɛbedii-a nynɔ̌ ke ɔ̍ jɔ̍gbauᵻ nynuu̍ sɔɔ̌n ji̍ dǒ Jusu we̍, wɛ̀ ɔ̍ chlìi i̍ dǒ ɔ̍ jǔ. Iě ɔ̍ ba̍le ɔ̍ ɔ̍ iě dɛ̍ nu̍ dǒ ɔ̍ we̍.

Matio 4:19

Wɛ̀ ɔ̍ la̍a̍ dě u̍h we̍, “Mɔ̀ gbǎ dǒ ǐn de̍e̍, ǎn mu̍ ɛ̍ nu̍ ka mɔ̀-a nu̍-a smìi̍ wlɔ̀ ja-ɛ, mɔ̀ iě laǎn nyɔ̍ Nyɔsoa we̍ ja-a nu̍ ke.”

Matio 4:21

Ɔ̍ klɛɛn-a dǒ nya̍-ɛ, ɔ̍ jě de̍di̍i̍ᵻ sɔɔ̌n duuh. Due-a nynɛ̌ nu̍ Chiin, dɔɔ-a nynɛ̌ nu̍ Chɔɔn. U̍h baa nu̍ Sɛɛbedii, nɛ̀ ɔ̍ ke u̍h nɛ dě blǎgbè di̍i̍ u̍h-a nma̍le sɔ̍ᵻ. Wɛ̀ Jusu dǎ u̍h ke.

Pɔ̀n Chɛ̀ Maɛ To-a La 1:17

Jusu la̍a̍, “Mɔ̀ gbǎ dǒ ǐn de̍e̍, ǎn mu̍ ɛ̍ nu̍ ka mɔ̀-a nu̍-a smìi̍ wlɔ̀ ja-ɛ, mɔ̀ iě laǎn nyɔ̍ Nyɔsoa we̍ ja-a nu̍ ke.”

Pɔ̀n Chɛ̀ Luu To-a La 5:7

Wɛ̀ u̍h po̍ sɔ̍nᵻ dě u̍h ba̍ᵻ nɛ-a dě blǎgbè dɛɛ di̍i̍-ɛ we̍, u̍h iě u̍h we̍ gbǎ la̍-a ji̍. Iě u̍h ji̍, wɛ̀ u̍h jǐ-i blǎgbè nɛ-a sɔɔ̌n-ɛ fɛ̍ɛ̍n dǒ smìi̍ we̍. Sɔ i̍h wɛ̀la i̍h-i pa̍ nǐ wlù dɛ.

Pɔ̀n Chɛ̀ Luu To-a La 5:9

Ka u̍h nu̍-a smìi̍ dɔu laa̍ gbɛ̍n-ɛɛ, ɛ̍ wlǔh i̍ ɔ̍ ke ɔ̍ ba̍ᵻ kli̍hgbɛ̍ de̍e̍.

Pɔ̀n Chɛ̀ Luu To-a La 6:14

U̍h-a nynɛ̌ la, Samo ɔ̀ Jusu-a dǎɛ-a Pitɛ-ɛ, ɛ̍ ke ɔ̍ de̍di̍i̍ Andlu ke, ɛ̍ ke Chiin ke, Chɔɔn ke, Felɔ ke Batalamio ke.

Chɔɔn 21:2

Samo Pitɛ ke, Tɔmɔ u̍h-a dǎɛ-a Gbàju-ɛ ke, Natanio ɔ̀ sɔ-a dǒ Keina wlɔ̀ di̍i̍ dě Kaladii bloa̍ kɛ̍n-ɛ ke, Sɛɛbedii-a nynuu̍ sɔɔ̌n ke, kòà sɔɔ̌n duuh bo ùh gbǎ tàdùè.

Nu̍-dɛ̍ᵻ 2:4

Iě Nyɔsoa-a Sùù jǐi u̍h kli̍hgbɛ̍ i̍, sɔ u̍h-a po̍ la̍ wlu̍ diih sǔh, ìh Sùù po̍-a dě u̍h wɔ̍ɔ̍n-ɛ.

2 Kɔwlɛntiɔn 8:23

Taitɔ nɔ̀ɔ̍-ɛ, ɔ̍ nu̍ ǐn ba̍ iě à dbee mɔ̀ jǔ. À de̍di̍i̍ᵻ nɔ̀ɔ̍-ɛ, u̍h-u chɔchi̍h nyɔ̍-a tu̍owli po̍ nyɔ̍, iě u̍h-a nyǐ Klai tìh-a i̍ bɛ̌-ɛ.

2 Timote 2:26

Nɛ̀ pò u̍h ji̍ u̍h-a chɛ̀ we̍-ɛ, Kǔ ɛ̀ gbɛ̍n-a u̍h de u̍h iě-a ɛ̍ wlùh nu̍-ɛ, nɛ̀ u̍h-a mu̍ dě ɛ̍ kǎn wɔ̍ɔ̍n sɔ.