Pɔ̀n Chɛ̀ Luu To-a La 5:1 - Ku̍o̍ Delee 1999

¹ Jusu nyna i̍ dǒ pɛ̍nu̍ klaa nɛ-a Kɛnɛslɔɛ-ɛ wɔ̍i̍n-ɛ, nɛ̀ nyɔ̍gbei po̍ ɔ̍ dě pìe̍e̍ u̍h iě Nyɔsoa-a wlu̍ wɔ̌n.

Pɔ̀n Chɛ̀ Luu To-a La 5:1 Iomraidhean Croise

Matio 11:12

Sɔ dě Chɔɔn-a ti̍ we̍ wɛ̀ ɛ̍ iě-a ti̍ la jɛɛ-ɛ, dǒ Nyɔsoa-a kmɔ̌ wlu̍ i̍ kɔn-ɛ sà tìh jě-ɛ. Iě dɛ̍ᵻá kloǒ nu̍ nyɔ̍-a pɔ̀n ɛ̍ klànklàn gbɛ̍n-ɛ i̍.

Matio 14:34

Ti̍ u̍h tàn-a nǐ-ɛ, dě Kɛnɛslɔɛ fɔɔ bo u̍h kɔ̍-ɛ gbuǔh.

Pɔ̀n Chɛ̀ Maɛ To-a La 3:9

Jɛ dɛ̍ ɔ̍ nu̍-a la̍ nyɔ̍ dɔu pǔh-iɛ, sɔ wɛ̌ᵻ nyɔ̍ kli̍hgbɛ̍-a klɛɛn la̍ dě ɔ̍ we̍ u̍h iě ɔ̍ i̍ tǔh. Ɛ̍ bo ɛ̀ nu̍ ɛ̍ wɛ̀ ɔ̍ sèàɛ̍ ɔ̍ kòà wlùh u̍h iě blǎgbè gba̍a̍ po̍ dǒ ɔ̍ we̍, wɛ̀ u̍h je̍e ɔ̍ nɛ̌ɛ.

Pɔ̀n Chɛ̀ Maɛ To-a La 4:1

Dǒ ti̍ due di̍i̍ wɛ̀ Jusu tè nyɔ̍ nǎ po̍-ɛ gbɔ̀ dɛ dǒ pɛ̍nu̍ klaa wɔ̍i̍n. Sɔ nyɔ̍ ùh gbǎ-a tàdùè dǒ ɔ̍ we̍-ɛ, u̍h tìè i̍ kaa̍ ɛ̍ sì-o i̍. Ɛ̍ bo ɛ̀ nu̍ ɛ̍ wɛ̀ ɔ̍ gbǎ dě blǎgbè di̍i̍ ɔ̍ tè i̍ dǒ nǐ kɛ̍n. Iě nyɔ̍ kli̍hgbɛ̍ sie dǒ gbuǔh kɛ̍n.

Pɔ̀n Chɛ̀ Maɛ To-a La 5:24

Wɛ̀ Jusu gbǎ dǒ Jaleɔ de̍e̍ u̍h-a mu̍. Nɛ̀ nyɔ̍ tlùgbei̍ po̍ ɔ̍ dě pìe̍e̍ u̍h-a mu̍ dě Jaleɔ blǐ gbò.

Pɔ̀n Chɛ̀ Maɛ To-a La 6:53

U̍h tàn-a nǐ-ɛ, dě Kɛnɛslɔɛ fɔɔ bo u̍h kɔ̍-ɛ gbuǔh. Wɛ̀ u̍h mɔɛ u̍h-a blǎgbè i̍.

Pɔ̀n Chɛ̀ Luu To-a La 12:1

Ti̍ nyɔ̍ɔ-a wlǔ-a wlǔ gbǎ-a tàdùè-ɛ, nɛ̀ u̍h-a gboǎɛ la̍ wlè. Wɛ̀ Jusu tè wlu-ɛ gbɔ̀ dě ɔ̍ kòà we̍ sàǐtòò. Ɔ̍ la̍a̍, “Mɔ̀ tù mɔ̀-a chɛ̀ jlǐhɛ̍, mɔ̀ nu̍ nɛnɛ̌ dǒ Fɛlesii nyɔ̍-a blèe̍ fù-i dɛ̍ᵻ we̍, ɛ̀ nu̍-a u̍h-a mɛɔ sɔɔ̌n wɔ̍ɔ̍n nɛ-ɛɛ.

Pɔ̀n Chɛ̀ Luu To-a La 5:2

Iě ɔ̍ jě blǎgbè sɔɔ̌n dǒ pɛ̍nu̍ wɔ̍i̍n. Jɛ nɛ̀ sɔ̍ po̍ nyɔ̍-a sɔ dě i̍h di̍i̍, wɛ̀ u̍h-a wɔ̍lɔ u̍h-a sɔ̍ᵻ.

Pɔ̀n Chɛ̀ Luu To-a La 8:22

Dǒ weɛ̍ due di̍i̍ wɛ̀ Jusu ke ɔ̍ kòà gbǎ dě blǎgbè di̍i̍. Iě ɔ̍ la̍a̍ dě u̍h we̍, “Mɔ̀ à tàn à iě dě pɛ̍nu̍ klaa la ɛ̍ fɔ̌ dɛɛ we̍ mu̍.” Wɛ̀ u̍h-a mu̍-e.

Pɔ̀n Chɛ̀ Luu To-a La 8:23

U̍h-a mu̍-a la̍-ɛ, wɛ̀ Jusu gbǎ nyinɔ̍ i̍. Iě tìlèè poɔ ji̍ dǒ pɛ̍nu̍ kɛ̍n. Wɛ̀ nǐ-a wlǎ dě blǎgbè di̍i̍. Sɔ ɛ̍ nu̍ kanɛa dɛ̍ dǒ u̍h we̍.

Pɔ̀n Chɛ̀ Luu To-a La 8:33

Wɛ̀ i̍h sɔ dǒ jɔ̍gbau laa̍ de̍e̍, iě i̍h gbǎ dǒ be̍e̍ᵻ de̍e̍. Wɛ̀ be̍e̍ᵻ sùɛ̀ laa̍ i̍h sà ple̍-ɛ dě gbuǔh tɔ̀ɔ̀n kɛ̍n, iě i̍h wlǎ dǒ pɛ̍nu̍ klaa kɛ̍n, wɛ̀ i̍h sie niɔ̍.

Pɔ̀n Chɛ̀ Luu To-a La 8:45

Wɛ̀ Jusu la̍a̍, “Nyɔ̍ bo ɔ̀ tǔh ǐn i̍ ɛ?” Nyɔ̍ kli̍hgbɛ̍ tòlo-e. Iě Pitɛ la̍a̍, “Dlǔtu, nyɔ̍ tlùgbei̍ la ùh po̍-a ìn dě pìe̍e̍-ɛ bo ùh-a tǔh ìn i̍.”

Chɔɔn 1:40

Ùh sɔɔ̌n wɔ̌n-a Chɔɔn-a wlu̍ wɛ̀ ùh gbǎ-a dǒ Jusu de̍e̍-ɛ, u̍h-a due-a nynɛ̌ nu̍ Andlu. Samo Pitɛ de̍di̍i̍ bo.

Chɔɔn 6:1

Ɛ̀ la ɛ̍ sì-a i̍-ɛ, iě pɛ̍nu̍ klaa ɛ̀ nɛ-a dě Kaladii fɔɔ-ɛ, wɛ̀ Jusu mu̍ dě ɛ̍ fɔ̌ dɛɛ we̍. (Ɛ̍ nynɛ̌ diih nu̍ Taɛbiwlia Pɛ̍nu̍.)

Iblu 13:7

Mɔ̀-a nyɔ̍ klaaᵻ ùh po̍-a Nyɔsoa-a tu̍owli dě mɔ̀ we̍-ɛ, mɔ̀ nu̍ u̍h-a kmɔ̌ wlùh we̍. Ka u̍h nu̍-a mɛ̌-ɛɛ, mɔ̀ nu̍ ɛ̍ wlùh we̍, wɛ̀ mɔ̀ iě-e u̍h-a wlùh gbaɛ-a wɔ̀ɔ̀ i̍ sà.