Pɔ̀n Chɛ̀ Luu To-a La 4:8 - Ku̍o̍ Delee 1999

⁸ Wɛ̀ Jusu sà ɛ̍ wlu̍ pɔ̀n we̍, ɔ̍ la̍a̍, “Nyɔsoa-a wlu̍ la̍a̍, ‘Sà àn Joi Nyɔsoa wɛɛ, nɛ̀ ɔ̍ nɛ due gbài̍ bo ìè jǔ dbee.’ ”

Pɔ̀n Chɛ̀ Luu To-a La 4:8 Iomraidhean Croise

Matio 16:23

Wɛ̀ Jusu fèàɛ̀, iě ɔ̍ la̍a̍, “Pitɛ, mɔ̀ Setɔn, sɔ da̍a ǐn jua̍a̍ i̍. Àn ka̍n ǎn wìè. Ìn se̍ Nyɔsoa wlùh blě, kmɔ̌ nyɔ̍-a wlùh bo ìn blě.”

Matio 4:10

Wɛ̀ Jusu la̍a̍ dě ɛ̍ we̍, “Sɔ da̍a ǐn we̍-e Setɔn. Nyɔsoa-a wlu̍ la̍a̍, ‘Sà àn Joi Nyɔsoa wɛɛ, nɛ̀ ɔ̍ nɛ due gbài̍ bo ìè jǔ dbee.’ ”

Pɔ̀n Chɛ̀ Luu To-a La 4:4

Wɛ̀ Jusu sà ɛ̍ wlu̍ pɔ̀n we̍, ɔ̍ la̍a̍, “Ɛ̍ chlǐh-ɛ dě Nyɔsoa-a wlu̍ di̍i̍, ɛ̍ la̍a̍, ‘Nyi̍ɔ̍-a feɛ se̍ di̍-dɛ̍ nɛ due wlì tè.’ ”

Pɔ̀n Chɛ̀ Luu To-a La 4:7

Pò ìn ja ǐn wɛɛ sà mu̍-ɛ, nɛ̀ mɔ̀ bo ǎn mu̍ ìh kli̍hgbɛ̍ la nyǐ.”

Chiin 4:7

Ɛ̍ tìh-ɛ, mɔ̀ ja mɔ̀-a chɛ̀ wlù dǒ Nyɔsoa we̍. Mɔ̀ tba̍ Kǔ bu̍h, nɛ̀ ɛ̍ mu̍ ple̍ ɛ̍ iě dǒ mɔ̀ we̍-e sɔ.

1 Pitɛ 5:9

Mɔ̀ ku̍-e i̍ dě mɔ̀-a wlùh gbaɛ di̍i̍. Mɔ̀ tǔn Kǔ, dɛ̍nu̍ɛ, mɔ̀ juo ɛ̍-ɛ mɔ̀ ba̍ᵻ Nyɔsoa nyɔ̍ kli̍hgbɛ̍ nɛ-a nɔ̌ kmɔ̌ la we̍-ɛ, kǎ u̍h-a nu̍ jua̍i̍ sàɛ̀-ɛ ke.

Wlɛfeleseɔn 19:10

Wɛ̀ ǐn kà i̍ dǒ ɛ̍ bu̍hᵻ kɛ̍n iě ɛ̍ wɛɛ sà. Jɛ ɛ̍ la̍a̍ dě ǐn we̍, “Bɔ̌ laǎn nu̍-ɛ. Mɔ̍ pòi̍ju ke ka ìn ke ìn de̍di̍i̍ᵻ nu̍-a pòi̍nynuu̍ iě mɔ̀ nu̍-a sàànsi̍i̍h dǒ dɛ̍ Jusu sà-a we̍-ɛɛ, kǎ ǐn nɛ ke. Nyɔsoa bo ìè wɛɛ sà.” Dɛ̍nu̍ɛ, Jusu we̍ tìh i̍ sà-a bo ɛ̀ nu̍ Nyɔsoa-a tu̍owli po̍-ɛ.

Wlɛfeleseɔn 22:9

Jɛ ɛ̍ la̍a̍ dě ǐn we̍, “Bɔ̌ laǎn nu̍-ɛ. Mɔ̍ pòi̍ju ke ka ìn ke ìn de̍di̍i̍ᵻ nu̍-a pòi̍nynuu̍ ke Nyɔsoa-a tu̍owli po̍ nyɔ̍ ke chlǐh-dɛ̍ la ɛ̍ wlu̍ i̍ gbɛ̍n nyɔ̍ nu̍-ɛɛ, kǎ ǐn nɛ ke. Nyɔsoa bo ìè wɛɛ sà.”