Pɔ̀n Chɛ̀ Luu To-a La 4:6 - Ku̍o̍ Delee 1999

⁶ Wɛ̀ ɛ̍ la̍a̍ dě Jusu we̍, “Ǎn mu̍ ìn gbǐh nyǐ ìè kɔn-dɛ̍ᵻ kli̍hgbɛ̍ la ke i̍h-a tìh-a i̍ bɛ̌-ɛ wlu̍ i̍ kɔn. Dɛ̍nu̍ɛ, i̍h kli̍hgbɛ̍ nyǐ-ɛ m. Ɛ̍ tìh-ɛ, nyɔ̍-o-nyɔ̍ ǎn pɔ̀n-a i̍h nyǐ-ɛ i̍-ɛ, ɔ̍ bo ǎn mu̍ i̍h nyǐ.

Pɔ̀n Chɛ̀ Luu To-a La 4:6 Iomraidhean Croise

Pɔ̀n Chɛ̀ Luu To-a La 4:7

Pò ìn ja ǐn wɛɛ sà mu̍-ɛ, nɛ̀ mɔ̀ bo ǎn mu̍ ìh kli̍hgbɛ̍ la nyǐ.”

Chɔɔn 12:31

Jɛwɛ̀ ɛ̍ nu̍ ti̍ kmɔ̌ la ɛ̍ iě kɛ̀n sà-ɛ. Nɛ̀ ɛ̀ blě-a kmɔ̌ la ɛ̍ wlu̍ kwa̍-ɛ, jɛwɛ̀ tu̍h-a mu̍ ɛ̍ du̍.

Chɔɔn 14:30

Ǐn se̍ dɛ̍ dɔu wlu mu̍ dɛ dě mɔ̀ we̍, dɛ̍nu̍ɛ, ɛ̀ blě-a kmɔ̌ la ɛ̍ wlu̍ kwa̍-ɛ, ɛ̍ ji̍ la̍-ɛ. Ɛ̍ se̍ gbǐh blě dǒ ǐn we̍.

Chɔɔn 8:44

Mɔ̀ kɔn dǒ mɔ̀ baa Kǔ we̍. Ɛ̍ wlùh nu̍ tìh bo mɔ̀-a sì. Ɛ̍ nu̍ nyɔ̍ gbe̍ja̍a̍ poe nyɔ̍ ma̍u̍. Ɛ̍ dounᵻ se̍-e tìh-a taǐn we̍ nɛ, dɛ̍nu̍ɛ, tìh-a taǐn se̍ dě ɛ̍ ja̍a̍ nɛ. Ɛ̍ ja la̍ si̍h tmɔ̌-ɛ, nɛ̀ ɛ̍ tè-e ɛ̍ chɛ̀-a wlùh i̍. Dɛ̍nu̍ɛ, ɛ̍-ɛ si̍h tmɔ̌ nyɔ̍, iě ɛ̍ nu̍ si̍h tmɔ̌-ɛa baa.

2 Kɔwlɛntiɔn 11:14

Ɛ̍ se̍ nyɔ̍ i̍ kèle dɛ̍, Setɔn-a chɛ̀ ɛ̍ nu̍ ɛ̍ chɛ̀ ka Nyɔsoa-a ǐnchɔ̀ ɛ̀ blě-a sɔ̀npli-ɛ we̍i̍ ke.

Ɛfɛsɔ 2:2

Ɛ̍ ti̍ laa̍ nɛ̀ mɔ̀ wɔ̀ dǒ kmɔ̌-a dɛ̍ᵻ sɔ̀nᵻ de̍e̍. Nɛ̀ ɛ̀ kɔn-a jeědih wlu̍ i̍ dě ja̍u̍n wlì-ɛ, ɛ̍ bo mɔ̀-a jě dɛ̍ɛ̍. Nyɔ̍ ùh se̍-a Nyɔsoa-a wlu̍ nu̍-ɛ, nɛ̀ ɛ̀ kɔn-a jeědih wlu̍ i̍-ɛ bo ɛ̀ kɔn u̍h wlu̍ kɛ̍ɛ̍n wɛ̀ ke.

1 Pitɛ 1:24

Ɛ̍ kɔn Nyɔsoa-a wlu̍ la̍a̍, “Nyɔ̍ kli̍hgbɛ̍ wɔ̀ pei, wɛ̀ u̍h-a jii̍ nmɔ-ɛ ke fɔ̀ài̍n wɔ̀ɛ. Pei dɛ̌blɛ-ɛ, nɛ̀ fɔ̀ài̍n kà i̍.

1 Chɔɔn 5:19

À juo ɛ̍-ɛ, àɔ̀ nɔ̀ɔ̍, à sɔ dě Nyɔsoa we̍, jɛ kmɔ̌ gbài̍ la Nyɔ̍ Sɔ̀n bo ɔ̀ kɔn ɛ̍ wlu̍ i̍.

Wlɛfeleseɔn 12:9

Wɛ̀ wɔ̍n ku̍ dɔ̍sɛ laa̍ ɛ̍ poe-ɛ sɔ̀n. Tɛin tɛin sɛ̍ bo, iě ɛ̍ nynɛ̌ nu̍ Kǔ ke Setɔn. Ɛ̍ bo ɛ̀ nu̍ kmɔ̌ kli̍hgbɛ̍ i̍ boe nyɔ̍. Ɛ̍ poe-ɛ sɔ̀n nɔ̌ bloɔ̍, ɛ̍ ke ɛ̍ ǐnchɔ̀ kli̍hgbɛ̍ ke.

Wlɛfeleseɔn 13:2

Nmi̍ɛ̍ ǐn jě-aɛ, ɛ̍ ke chì mu̍i we̍, wɛ̀ ɛ̍ blě gbɛ̌-a bu̍hᵻ. Ɛ̍ wɔ̍n ke gbòlò-a wɔ̍n mu̍i we̍. Wɛ̀ dɔ̍sɛ-a gbǐh ɛ̍ blě-a iě ɛ̍ nyǐ i̍h nmi̍ɛ̍, ɛ̍ ke ɛ̍ nynɛ̌ gbalǎ ke tùn ɛ̀ ku̍-a wɔ̍n-ɛ ke.

Wlɛfeleseɔn 13:7

Ɛ̍ sà-ɛ wlu̍ kɛ̍n dɛ ke ɛ̍ iě Nyɔsoa-a nyɔ̍ we̍ fɔ̀n wɛ̀ ɛ̍ iě u̍h du̍. Wɛ̀ ɛ̍ nyǐ-ɛ tùn ɛ̍ iě chɛ̌tu ke, dakɔ̍ ke bloa̍ kli̍hgbɛ̍ wlu̍ i̍ kɔn.