Pɔ̀n Chɛ̀ Luu To-a La 4:41 - Ku̍o̍ Delee 1999

⁴¹ Wɛ̀ jeědih sɔ dǒ nyɔ̍ dɔu de̍e̍ i̍ ke, iě i̍h-a wǐi i̍. I̍h la̍a̍, “Mɔ̀ Nyɔsoa-a Jǔ.” Jusu po̍ i̍h bɔ̌ i̍, sɔ ɔ̍-ɔ wɔ̌n i̍h-i po̍ wlu̍ i̍. Dɛ̍nu̍ɛ, i̍h juo ka ɔ̍ nu̍-a Nyɔsoa-a Chèɛ̀ Tba̍ju-ɛ.

Pɔ̀n Chɛ̀ Luu To-a La 4:41 Iomraidhean Croise

Matio 26:63

Jɛ Jusu se̍ fuɛn nu̍. Wɛ̀ slaǎ sà nyɔ̍-a dlǔtu la̍a̍ dě ɔ̍ we̍, “Ji̍ ìè kmɔ̌ nɛ Nyɔsoa slɛ̀ɛ̀n pò ìn tù Chèɛ̀ Tba̍ju ɔ̀ nu̍-a Nyɔsoa-a Jǔ-ɛ, ìè à wlùh sèàɛ̍.”

Matio 4:3

Wɛ̀ Kǔ ji̍ iě ɛ̍ la̍a̍, “Jusu, pò ìn tù Nyɔsoa-a Jǔ chɛ̀-ɛ, nɛ̀ ìn wlu dě sɔɔ̌ᵻ la we̍ i̍h iě blèe̍ gba̍nᵻ sàɛ̀.”

Matio 8:16

Ti̍ ɛ̍ nu̍-a flìwe̍-ɛ, nyɔ̍gbei ja nyɔ̍ dɔu dǒ ɔ̍ we̍. Duuh blě jeědih dǒ u̍h de̍e̍. Iě ɔ̍ wlu̍-a sǔh nu̍ jeědih laa̍ i̍, wɛ̀ ɔ̍ pǔh-i poa-nyɔ̍ kli̍hgbɛ̍.

Matio 8:29

Wɛ̀ u̍h wǐ, u̍h la̍a̍, “Nyɔsoa-a Jǔ, ka àn pɔ̀n ìè à tìh nu̍ ɛ? Ìn ji̍-i ìè à kàn gbɛ̍n sasǎ wɛ̀ ti̍ iě-o nyni̍-ɛ dǔ ae?”

Matio 8:4

Wɛ̀ Jusu la̍a̍ dě ɔ̍ we̍, “Bɔ̌ nyɔ̍-o-nyɔ̍ wlùh sèàɛ̍-ɛ, jɛ mu̍ ìè àn chɛ̀ Nyɔsoa-a slaǎ sà nyɔ̍ i̍ to. Nɛ̀ ìn sà slaǎ ɛ̀ Mose-a telě la̍ nyɔ̍ iě-a nu̍-ɛ, ɛ̍ iě ɛ̍ to dě nyɔ̍ kli̍hgbɛ̍ we̍ ka ìn fɛ̍nɛ-aɛ.”

Pɔ̀n Chɛ̀ Maɛ To-a La 1:25

Wɛ̀ Jusu po̍ jeědih laa̍ bɔ̌ i̍, ɔ̍ la̍a̍, “Nɛ klìi̍, nɛ̀ ìn sɔ dǒ jɔ̍gbau la de̍e̍.”

Pɔ̀n Chɛ̀ Maɛ To-a La 1:32

Ɛ̍ nu̍ wìe̍we̍, nɛ̀ dě nyɔ̍ kɔnɔᵻ mlǎᵻá gbe la̍ i̍, wɛ̀ nyɔ̍gbei ja poa-nyɔ̍ kli̍hgbɛ̍ ke jeědih-a de̍e̍ nɛ nyɔ̍ dǒ Jusu we̍.

Pɔ̀n Chɛ̀ Maɛ To-a La 1:34

Iě Jusu pǔh-i wɛ̌ kaɛn kaɛn-a nu̍ nyɔ̍. Wɛ̀ ɔ̍ sà nyɔ̍ jeědih dɔu de̍e̍ i̍. Jɛ ɔ̍-ɔ wɔ̌n jeědih-i wlu, dɛ̍nu̍ɛ, i̍h juo ɔ̍-ɛ.

Pɔ̀n Chɛ̀ Maɛ To-a La 3:11

Nyɔ̍ ùh blě-a jeědih dǒ u̍h de̍e̍-ɛ, ti̍ kli̍hgbɛ̍ we̍ pò u̍h jě Jusu-ɛ, nɛ̀ jeědih kà u̍h i̍ dǒ ɔ̍ jǔ, iě u̍h-a wǐ. Nɛ̀ u̍h la̍a̍, “Mɔ̀ Nyɔsoa-a Jǔ.”

Pɔ̀n Chɛ̀ Luu To-a La 4:39

Wɛ̀ ɔ̍ nyna nynɔ̌ laa̍ dlǔ, iě ɔ̍ wlu-i dě gbèwè we̍, iě ɛ̍ sɔ ɔ̍ kɛ̍n-ɛ. Wɛ̀ ɔ̍ nyna-o ɔ̍ sɔ bloɔ̍, iě ɔ̍ nu̍ Jusu bei-a dɛ̍i̍.

Chɔɔn 20:31

Ìh la i̍h chlǐh-ɛ, wɛ̀ mɔ̀ iě ɛ̍ tìh chɛ̀ po̍ ka Jusu nu̍-a Nyɔsoa-a Jǔ ɔ̀ nu̍-a ɔ̍ Chèɛ̀ Tba̍ju-ɛ. Nɛ̀ wlùh gbaɛ blě-ɛ bo ɛ̀ mu̍ mɔ̀ feɛ nyǐ dǒ ɔ̍ nynɛ̌ kɛ̍n.

Chiin 2:19

Ka Nyɔsoa nɛ-a due-ɛ, ìn po̍ ɛ̍ tìh chɛ̀ ae? Iě nɛ̀ ɛ̍ nmɔ jii̍. Jeědih bei-a chɛ̀ po̍ ɛ̍ tìh chɛ̀ ke iě i̍h-a ku̍-a tlɛ̍.