Pɔ̀n Chɛ̀ Luu To-a La 4:34 - Ku̍o̍ Delee 1999

³⁴ “Naaslɔɛ-a Jusu, ka àn pɔ̀n ìè à tìh nu̍ ɛ? Ìn ji̍-i ìè à-a gbɔ̀lɔ ae? Ǐn juo m, mɔ̀ bo ɔ̀ nu̍ Nɛi̍ Wɛ̀ Nyɔ̍ ɔ̀ sɔ dě Nyɔsoa we̍.”

Pɔ̀n Chɛ̀ Luu To-a La 4:34 Iomraidhean Croise

Matio 8:29

Wɛ̀ u̍h wǐ, u̍h la̍a̍, “Nyɔsoa-a Jǔ, ka àn pɔ̀n ìè à tìh nu̍ ɛ? Ìn ji̍-i ìè à kàn gbɛ̍n sasǎ wɛ̀ ti̍ iě-o nyni̍-ɛ dǔ ae?”

Pɔ̀n Chɛ̀ Maɛ To-a La 1:24

ɔ̍ la̍a̍, “Naaslɔɛ-a Jusu, ka àn pɔ̀n ìè à tìh nu̍ ɛ? Ìn ji̍-i ìè àɔ̀ gbɔ̀lɔ ae? Ǐn juo m̀, mɔ̀ bo ɔ̀ nu̍ Nɛi̍ Wɛ̀ Nyɔ̍ ɔ̀ sɔ dě Nyɔsoa we̍.”

Pɔ̀n Chɛ̀ Maɛ To-a La 1:34

Iě Jusu pǔh-i wɛ̌ kaɛn kaɛn-a nu̍ nyɔ̍. Wɛ̀ ɔ̍ sà nyɔ̍ jeědih dɔu de̍e̍ i̍. Jɛ ɔ̍-ɔ wɔ̌n jeědih-i wlu, dɛ̍nu̍ɛ, i̍h juo ɔ̍-ɛ.

Pɔ̀n Chɛ̀ Maɛ To-a La 5:7

Wɛ̀ ɔ̍ plǎn, ɔ̍ la̍a̍, “Jusu, Nyɔ̍ Wɔ̍n Sìì Nyɔsoa-a Jǔ, ka àn pɔ̀n ìè ǎn tìh nu̍ ɛ? Ǎn ba̍le m̀, po̍-e Nyɔsoa we̍ wlùh, bɔ̌ ǐn kàn gbɛ̍n-ɛ.”

Pɔ̀n Chɛ̀ Luu To-a La 1:35

Iě ǐnchɔ̀ la̍a̍ dě ɔ̍ we̍, “Nyɔsoa-a Sùù-a mu̍ ìn kɛ̍ɛ̍n ji̍, wɛ̀ Sìì Nyɔ̍ Wɔ̍n Nyɔsoa-a gbǐh iě ìn kɛ̍n nɛ. Ɛ̍ tìh-ɛ, jǔ ɔ̀ mu̍-a wlǔh-ɛ, ɔ̍ mu̍ Nyɔsoa-a Jǔ nu̍, wɛ̀ ɔ̍ iě ɔ̍ jǔ dbee.

Pɔ̀n Chɛ̀ Luu To-a La 4:33

Nɛ̀ jɔ̍gbau ɔ̀ jeědih nɛ-a dǒ de̍e̍-ɛ, ɔ̍ nɛ dě wɛɛ sà gbò-a chɛ̀ sɔ̀n. Wɛ̀ ɔ̍ wǐ, ɔ̍ la̍a̍,

Pɔ̀n Chɛ̀ Luu To-a La 4:41

Wɛ̀ jeědih sɔ dǒ nyɔ̍ dɔu de̍e̍ i̍ ke, iě i̍h-a wǐi i̍. I̍h la̍a̍, “Mɔ̀ Nyɔsoa-a Jǔ.” Jusu po̍ i̍h bɔ̌ i̍, sɔ ɔ̍-ɔ wɔ̌n i̍h-i po̍ wlu̍ i̍. Dɛ̍nu̍ɛ, i̍h juo ka ɔ̍ nu̍-a Nyɔsoa-a Chèɛ̀ Tba̍ju-ɛ.

Pɔ̀n Chɛ̀ Luu To-a La 8:28

Ɔ̍ jě-a Jusu-ɛ, wɛ̀ ɔ̍ wǐ, iě ɔ̍ chlìi i̍ dǒ ɔ̍ jǔ. Iě ɔ̍ la̍a̍, “Jusu, Nyɔ̍ Wɔ̍n Sìì Nyɔsoa-a Jǔ, ka àn pɔ̀n ìè ǎn tìh nu̍ ɛ? Ǎn ba̍le m̀, bɔ̌ ǐn kàn gbɛ̍n-ɛ.”

Pɔ̀n Chɛ̀ Luu To-a La 8:37

Wɛ̀ nyɔ̍ kli̍hgbɛ̍ ùh sɔ-a dě Kɛwlasa bloa̍-a fɔ̌ la-a we̍-ɛ, u̍h sèàɛ̍ Jusu wlùh ɔ̍ iě dǒ u̍h we̍-e sɔ. Dɛ̍nu̍ɛ, ɛ̍ po̍ u̍h faɔn kaa̍. Wɛ̀ Jusu gbǎ dě de̍ blǎgbè di̍i̍ iě ɔ̍ mu̍ de̍.

Nu̍-dɛ̍ᵻ 16:39

Wɛ̀ u̍h ji̍ iě u̍h sèàɛ̍ tìh we̍ i̍ dě Pɔɔ bei we̍, iě u̍h dǔ u̍h dě kasoo sà-a. Wɛ̀ u̍h sèàɛ̍ u̍h wlùh u̍h iě dǒ wlɔ̀-a chɛ̀ sɔ.

Nu̍-dɛ̍ᵻ 2:27

Dɛ̍nu̍ɛ, ìn se̍ wɔ̌n mu̍ ǐn se̍ dě kàn nɛ̍ di̍i̍ sie mu̍. Nɛ̀ ìn se̍ wɔ̌n mu̍ àn we̍ fòè nyɔ̍ iě sɔ̀n.

Nu̍-dɛ̍ᵻ 3:14

Ɔ̀ nu̍-a i̍ slɛ̌-nyɔ̍ ɔ̀ wɛ̀-a nɛi̍-ɛ, ɔ̍ bo mɔ̀ tba̍ chla iě mɔ̀ sèàɛ̍ Pale wlùh ɔ̍ iě nyɔ̍ gbe̍ja̍a̍ poe nyɔ̍ sɔ̍n kɛ̍n sà dǒ mɔ̀ we̍.

Nu̍-dɛ̍ᵻ 4:27

I̍i̍n, kǎ ɛ̍ nɛ, àn pòi̍ju Jusu ɔ̀ wɛ̀-a nɛi̍ iě ìn tba̍-a chèɛ̀-ɛ, Ɛlo ke, Pɔntiɔ Pale ke ɔ̍ bu̍hᵻ tbaɛ tìh bo u̍h tù wɛ̀ u̍h ke ùh se̍-a Juu nyɔ̍-ɛ ke Eslɔɛ nyɔ̍ gbòe i̍ da̍a tùgbàwlɔ̀ la di̍i̍.

Iblu 2:14

Ka ùh ɔ̍ dǎɛ-a ka nynuu̍-ɛ, u̍h blě-a ku̍ ke nymɔ̍-ɛ, ɛ̍ kɔn ɔ̍ gbǎ dě u̍h-a tu̍ di̍i̍ ke. Wɛ̀ ɔ̍ mɛ̌ iě ɛ̍ iě Kǔ jɛ blě-a gbǐh dǒ mɛ̌ɛ we̍-ɛ gbɔ̀lɔ.

Chiin 2:19

Ka Nyɔsoa nɛ-a due-ɛ, ìn po̍ ɛ̍ tìh chɛ̀ ae? Iě nɛ̀ ɛ̍ nmɔ jii̍. Jeědih bei-a chɛ̀ po̍ ɛ̍ tìh chɛ̀ ke iě i̍h-a ku̍-a tlɛ̍.

1 Chɔɔn 3:8

Nyɔ̍ jɔ gba̍-a gblɛ̍n sɔ̀ɛ̀n dluwe̍ i̍-ɛ, nɛ̀ ɔ̍ kɔn dǒ Kǔ we̍. Dɛ̍nu̍ɛ, Kǔ sà gblɛ̍n sɔ̀ɛ̀n nu̍-ɛ dě tɔ̀blɔ̍ɔ̍. Ɛ̍ kɔn Nyɔsoa-a Jǔ ji̍ wɛ̀ ɔ̍ iě Kǔ-a nu̍-dɛ̍ᵻ i̍ gbɔ̀lɔ.

Wlɛfeleseɔn 20:2

Iě ɛ̍ gbɛ̍n dɔ̍sɛ ɛ̀ nu̍-a tɛin tɛin sɛ̍-ɛ. Ɛ̍-ɛ due laa̍ bo ɛ̀ nu̍ Kǔ ke Setɔn. Wɛ̀ ɛ̍ sa̍n Kǔ laa̍ tàǎntàǎn dǒ sɔ̀nᵻá wlǔ due (1,000) di̍i̍.

Wlɛfeleseɔn 3:7

Wɛ̀ ɔ̍ la̍a̍ dě ǐn we̍, “Chlǐh Nyɔsoa-a ǐnchɔ̀ ɛ̀ nɛ-a dě Feledɛɛfia wlɔ̀-a chɔchi̍h-ɛ we̍. Nɛ̀ nàa̍, “Tu̍owli la nyɔ̍ ɔ̀ wɛ̀-a nɛi̍ ɔ̀ nu̍-a gblangbai̍ nyɔ̍-ɛ, dě ɔ̍ we̍ ɛ̍ sɔ-ɔ. Ɔ̍ blě Depe-a kɔɛ̍n. Ɔ̍ pɔ̀ni gbò wɔ̍i̍n-ɛ, nɛ̀ nyɔ̍ se̍ ɛ̍ wɔ̍i̍n ka̍n-a bɛ̌ɛ, iě pò ɔ̍ ka̍n ɛ̍ wɔ̍i̍n-ɛ, nɛ̀ nyɔ̍ se̍ ɛ̍ pɔ̀ni-ɛ bɛ̌ɛ.