Pɔ̀n Chɛ̀ Luu To-a La 4:23 - Ku̍o̍ Delee 1999

²³ Iě ɔ̍ la̍a̍ dě u̍h we̍, “Ǐn juo i̍h kleǐn ka mɔ̀-a mu̍-a ka ǐn nɛnǎ i̍ poe wɛ̀ mɔ̀ iě-a ka dǎ-ɛ, ‘Kwɛ̍i̍n nyɔ̍, pǔh-i àn chɛ̀.’ Dɛ̍ᵻ mɔ̀ wɔ̌n-a ǐn nu̍-a dě Kepanium wlɔ̀ di̍i̍-ɛ, mɔ̀-a mu̍ ǐn wlùh sèàɛ̍ iě i̍h nu̍ ke da̍a ǎn chɛ̀-a wlɔ̀ di̍i̍.

Pɔ̀n Chɛ̀ Luu To-a La 4:23 Iomraidhean Croise

Matio 13:54

Ɔ̍ ji̍-a de̍ dǒ ɔ̍ blǐ wlɔ̀-ɛ, wɛ̀ ɔ̍ po̍ nyɔ̍gbei nǎ dě Juu nyɔ̍-a wɛɛ sà gbò sɔ̀n. Sɔ ɛ̍ wlǔh i̍ u̍h de̍e̍. Wɛ̀ u̍h-a tèle-e we̍ i̍, u̍h la̍a̍, “Jbaɛdih klaaᵻ la ke flɔ̍nwlùh dɔu la tà jǔ la ɔ̍ sà i̍h ɛ?

Matio 4:13

Jɛ ɔ̍ se̍ dǒ Naaslɔɛ wlɔ̀ di̍i̍ tǐn. Kepanium bo ɔ̍ tǐn dǒ pɛ̍nu̍ klaa wɔ̍i̍n, dě Sɛɛbeloun ke Natali fɔɔ.

Matio 4:23

Wɛ̀ Jusu na Kaladii bloa̍ kli̍hgbɛ̍ we̍, ɔ̍ po̍ nyɔ̍ nǎ dě Juu nyɔ̍-a wɛɛ sà gbòᵻ sɔ̀n-i. Iě ɔ̍ bla̍ pɔ̀n chɛ̀-a tìh dǒ Nyɔsoa-a kmɔ̌ wlu̍ i̍ kɔn dɛ we̍. Wɛ̀ ɔ̍ bɔ̌-ɛ nyɔ̍gbei-a poa-dɛ̍ᵻ ke wɛ̌ᵻ kli̍hgbɛ̍.

Pɔ̀n Chɛ̀ Maɛ To-a La 6:1

Wɛ̀ Jusu sɔ dě tà-a chɛ̀, iě ɔ̍ ke ɔ̍ kòà mu̍ dě de̍ ɔ̍ blǐ wlɔ̀.

Pɔ̀n Chɛ̀ Luu To-a La 2:39

Josɛ ke Mɛle wɔ̀-a dɛ̍ᵻ kli̍hgbɛ̍ Joi-a telě dǎ-aɛ nu̍-ɛ, wɛ̀ u̍h mu̍ dǒ de̍ Kaladii bloa̍ kɛ̍n dǒ u̍h-a chɛ̀-a Naaslɔɛ wlɔ̀ di̍i̍.

Pɔ̀n Chɛ̀ Luu To-a La 2:51

Wɛ̀ ɔ̍ ke u̍h mu̍ de̍ dǒ Naaslɔɛ wlɔ̀ di̍i̍. Ɔ̍ nu̍ u̍h-a wlu̍ ma̍u̍. Wɛ̀ ɔ̍ de̍ blě-e ìh kli̍hgbɛ̍ la dǒ wlùh kɛ̍n.

Pɔ̀n Chɛ̀ Luu To-a La 4:16

Wɛ̀ Jusu mu̍ dě Naaslɔɛ wlɔ̀ di̍i̍, tà ɔ̍ ku̍-iaɛ. Iě ɔ̍ mu̍ dě Juu nyɔ̍-a wɛɛ sà gbò sɔ̀n dǒ u̍h-a wlè-weɛ̍ di̍i̍, ka ɔ̍ nu̍-a se̍e̍-ɛ. Wɛ̀ ɔ̍ nyna i̍ ɔ̍ iě Nyɔsoa-a wlu̍ slè.

Pɔ̀n Chɛ̀ Luu To-a La 4:31

Wɛ̀ Jusu mu̍ dě Kepanium wlɔ̀ di̍i̍ dě Kaladii bloa̍ kɛ̍n. Iě ɔ̍ po̍ nyɔ̍ nǎ dě Juu nyɔ̍-a wɛɛ sà gbò sɔ̀n dǒ u̍h-a wlè-weɛ̍ di̍i̍.

Pɔ̀n Chɛ̀ Luu To-a La 4:35

Wɛ̀ Jusu po̍ jeědih laa̍ bɔ̌ i̍, ɔ̍ la̍a̍, “Nɛ klìi̍, nɛ̀ ìn sɔ dǒ jɔ̍gbau la de̍e̍.” Wɛ̀ jeědih du̍ jɔ̍gbau laa̍ dǒ u̍h jlǐhwai, iě ɛ̍ sɔ dǒ ɔ̍ de̍e̍. Ɛ̍ se̍ ɔ̍ dɛ̍ tba̍.

Pɔ̀n Chɛ̀ Luu To-a La 6:42

Dɛ̍nu̍ nàɛ̀ tu̍ fɔ̌ nɛ-a dě ìn jlǐh-ɛ, wɛ̀ ìn poe ɛ̍ kɛ̍n i̍ wɛ̀ nàa̍ ìè ìn ba̍ naɛ sɛɛɛ̍n dě ɔ̍ jlǐh sà ke̍ ɛ? Mɔ̀ la ɔ̀ nɛ-a mɛɔ sɔɔ̌n wɔ̍ɔ̍n-ɛ, sà nàɛ̀ tu̍ fɔ̌ nɛ-a dě ìn jlǐh-ɛ ke̍ sàǐtòò. Nɛ̀ àn mu̍ i̍ jě nmɔ jii̍, wɛ̀ ìè ɔ̍ naɛ sɛɛɛ̍n dě ɔ̍ jlǐh sà-a dǔ.

Chɔɔn 4:28

Wɛ̀ nynɔ̌ si̍e̍ ɔ̍ tee̍, iě ɔ̍ mu̍ de̍ wlɔ̀. Wɛ̀ ɔ̍ sèàɛ̍ nyɔ̍ɔ wlùh, ɔ̍ la̍a̍,

2 Kɔwlɛntiɔn 5:16

Ɛ̍ tìh-ɛ, sɔ dě ti̍ à gbaɛ-a Klai wlùh-ɛ we̍-ɛ, à-a se̍a nyɔ̍ ja̍ gbɛ̀n ka kmɔ̌ we̍ nyɔ̍-a nu̍-aɛ. Ka kmɔ̌ we̍ nyɔ̍-a nu̍-a ɔ̍ ja̍ gbɛ̀n-ɛ, kǎ à nu̍ ke de.