Pɔ̀n Chɛ̀ Luu To-a La 4:18 - Ku̍o̍ Delee 1999

¹⁸ “Joi-a Sùù nɛ ǐn we̍. Dɛ̍nu̍ɛ, ɔ̍ tba̍ ǐn chèɛ̀ iě pɔ̀n chɛ̀-a tìh we̍i̍ bla̍ dě nyɔ̍gbà nyɔ̍ we̍. Ɔ̍ dbo̍ m iě i̍h i̍ sà ka kèi̍ᵻ sèìe-a wɛ̀-ɛ, wɛ̀ iě dɔ̌-nyɔ̍-a i̍ jě-e tìh i̍ sà ke dě u̍h we̍. Wɛ̀ iě nyɔ̍ ùh-a jě-a tìh-ɛ tìh jě-ɛ kɛ̍n sà.

Pɔ̀n Chɛ̀ Luu To-a La 4:18 Iomraidhean Croise

Matio 11:5

Dɔ̌-nyɔ̍-a jě la̍ i̍, klɔ-nyɔ̍-a na la̍-ɛ, wìèìdih-a nu̍ nyɔ̍ fɛ̍nɛ wɛ̀, sǔn-nyɔ̍-a wɔ̌n la̍ i̍, mɛ̌-nyɔ̍-a wlǔh la̍-e, iě pɔ̀n chɛ̀-a bla̍-ɛ la̍ dě nyɔ̍gbà nyɔ̍ we̍.

Matio 12:18

Nyɔsoa wlu-ia dě Asaia ja̍a̍-ɛ, ɔ̍ la̍a̍, “Ǎn pòi̍ju ǐn tba̍-a chèɛ̀-ɛ la, ǐn kma ɔ̍ tìh iě ǎn wlùh tè i̍ dǒ ɔ̍ we̍. Ǎn mu̍ ǎn Sùù dě ɔ̍ ja̍a̍ po̍, wɛ̀ ɔ̍ iě i̍ slɛ̌-ɛ tìh bla̍ dě kmɔ̌-nyɔ̍ we̍.

Matio 12:20

Pelu̍u̍hgbau ɛ̀ klǐ-aɛ, ɔ̍ se̍ ɛ̍ chlà mu̍. Nɛ̀ nape̍ ɛ̀ po̍-a daluh ɛ̀ iě-a mɔ̌-ɛ, ɔ̍ se̍ ɛ̍ mɔ̌-ɛ mu̍. Ɛ̍ bo ɔ̍ mu̍-u nɛ te̍e̍ wɛ̀ ɔ̍ i̍ slɛ̌-ɛ iě tu̍h du̍.

Matio 4:16

Mɔ̀ɔ̍ ùh tè-a dě kwile i̍ de-ɛ, mɔ̀ jě sɔ̀npli ɛ̀ ku̍-a wɔ̍n-ɛ wɛ̀. Mɔ̀ɔ̍ ùh tù-a se̍ Nyɔsoa juo tìh ùh mɛ̌-a wlɔ̀ i̍-ɛ, sɔ̀npli-a mu̍ la̍ fa̍n dě mɔ̀ we̍.”

Matio 5:3

“Nyɔ̍ ùh jě-a u̍h-a chɛ̀ nyɔ̍gbà nyɔ̍ we̍i̍ Nyɔsoa tìh-ɛ, nɛ̀ u̍h nmɔ i̍. Dɛ̍nu̍ɛ, Nyɔsoa-a kmɔ̌ wlu̍ i̍ kɔn-ɛ kɔn dǒ u̍h we̍.

Pɔ̀n Chɛ̀ Luu To-a La 4:17

Wɛ̀ u̍h nyǐ ɔ̍ chlǐh-dɛ̍ ɛ̀ Nyɔsoa-a tu̍owli po̍ nyɔ̍ Asaia chlǐh-aɛ. Ɔ̍ pɔ̀ni-a ɛ̍ wɔ̍i̍n-ɛ, iě ɔ̍ jě tà wlu̍ la ɛ̍ chlǐh-aɛ. Ɛ̍ la̍a̍,

Pɔ̀n Chɛ̀ Luu To-a La 6:20

Wɛ̀ Jusu gbɛ̀n ɔ̍ kòà ja̍ iě ɔ̍ la̍a̍, “Mɔ̀ɔ̍ ùh pa̍-a nyɔ̍gbà-ɛ, mɔ̀ nmɔ i̍. Dɛ̍nu̍ɛ, Nyɔsoa-a kmɔ̌ wlu̍ i̍ kɔn-ɛ kɔn dǒ mɔ̀ we̍.

Pɔ̀n Chɛ̀ Luu To-a La 7:22

Wɛ̀ Jusu sà u̍h-a wlu̍ pɔ̀n we̍. Ɔ̍ la̍a̍, “Mɔ̀ mu̍ de̍ mɔ̀ iě Chɔɔn kunǎ po̍ dǒ dɛ̍ᵻ mɔ̀ jě-aɛ ke dɛ̍ᵻ mɔ̀ wɔ̌n-aɛ we̍. Dɔ̌-nyɔ̍-a jě la̍ i̍, klɔ-nyɔ̍-a na la̍-ɛ, wìèìdih-a nu̍ nyɔ̍ fɛ̍nɛ wɛ̀, sǔn-nyɔ̍-a wɔ̌n la̍ i̍, mɛ̌-nyɔ̍-a wlǔh la̍-e, iě pɔ̀n chɛ̀-a bla̍-ɛ la̍ dě nyɔ̍gbà nyɔ̍ we̍.

Chɔɔn 1:41

Sàǐtòò dɛ̍ Andlu nu̍-aɛ, ɔ̍ pɔ̀n ɔ̍ de̍di̍i̍ Samo i̍ iě ɔ̍ sèàɛ̍ ɔ̍ wlùh. Ɔ̍ la̍a̍, “À jě Nyɔsoa-a Chèɛ̀ Tba̍ju wɛ̀.” (Ɔ̍ nynɛ̌ la ɛ̍ gbɔ̀ nu̍ Klai dě Klii wlu̍ di̍i̍.)

Chɔɔn 12:46

Ǐn ji̍ nɔ̌ kmɔ̌ we̍ ka sɔ̀npli-ɛ, wɛ̀ nyɔ̍ ùh gbaɛ-a ǐn wlùh-ɛ u̍h-u je̍e dě kwile di̍i̍ sie.

Chɔɔn 3:34

Nɛ̀ nyɔ̍ ɔ̀ Nyɔsoa dbo̍-aɛ, Nyɔsoa-a wlu̍ bo ɔ̍ wlu-i, dɛ̍nu̍ɛ, Nyɔsoa se̍ ɔ̍ Sùù-a kwlǎgbàì nyǐ.

Nu̍-dɛ̍ᵻ 10:38

Jusu ɔ̀ sɔ-a dǒ Naaslɔɛ-ɛ, Nyɔsoa po̍ ɔ̍ Sùù dě ɔ̍ ku̍u̍, wɛ̀ ɔ̍ nyǐ ɔ̍ gbǐh. Ɛ̍ kɔn pò ɔ̍ mu̍ tàjɛ̀-ɛ, nɛ̀ ɔ̍ nu̍ dɛ̍ chɛ̀ iě ɔ̍ pǔh-i nyɔ̍ ùh Kǔ sìì-a wɔ̍n-ɛ, dɛ̍nu̍ɛ, Nyɔsoa-a naɛ ɔ̍ sɔ̍nᵻ we̍ i̍.

Nu̍-dɛ̍ᵻ 26:18

Nɛ̀ ìn pɔ̀ni u̍h-a jlǐh. Bǐi u̍h nɔ̌ sɔ̀npli we̍ u̍h iě kwile kɛ̍n i̍ poe. Sà u̍h dǒ Setɔn-a gbǐh sɔ̀n u̍h iě Nyɔsoa naɛ we̍ ji̍, wɛ̀ u̍h-a gblɛ̍n sɔ̀ɛ̀n-a tìh iě i̍ tǎli-ɛ dě u̍h-a ǎn wlùh gbaɛ di̍i̍. Nɛ̀ u̍h-a mu̍ wɔ̀ɔ̀ kɔn dě Nyɔsoa-a chèɛ̀ tba̍ nyɔ̍ nynɛ̌.’

Nu̍-dɛ̍ᵻ 4:26

Blǔh baaᵻ nɛ-a nɔ̌ bloɔ̍-ɛ, u̍h po̍ u̍h-a chɛ̀ gba̍a̍, iě nyɔ̍-a wlu̍ kwa̍ blě nyɔ̍-a gbòe i̍, u̍h iě Joi ke ɔ̍ Chèɛ̀ Tba̍ju bu̍hᵻ tbaɛ.’

Nu̍-dɛ̍ᵻ 4:27

I̍i̍n, kǎ ɛ̍ nɛ, àn pòi̍ju Jusu ɔ̀ wɛ̀-a nɛi̍ iě ìn tba̍-a chèɛ̀-ɛ, Ɛlo ke, Pɔntiɔ Pale ke ɔ̍ bu̍hᵻ tbaɛ tìh bo u̍h tù wɛ̀ u̍h ke ùh se̍-a Juu nyɔ̍-ɛ ke Eslɔɛ nyɔ̍ gbòe i̍ da̍a tùgbàwlɔ̀ la di̍i̍.

Kalase 1:13

Ɔ̍ sèìe àɔ̀ dě kwile-a gbǐh sɔ̀n, wɛ̀ ɔ̍ blě à te̍ete̍ iě ɔ̍ gba̍ à dě ɔ̍ tìh kma Jǔ-a kmɔ̌ wlu̍ i̍ kɔn-ɛ di̍i̍.

Chiin 2:5

Ǎn tìh kma de̍di̍i̍ᵻ, mɔ̀ tba̍ dounᵻ i̍. Da̍a kmɔ̌ la we̍-ɛ, nyɔ̍gbà nyɔ̍ bo Nyɔsoa tba̍ chèɛ̀ ùh iě pàn dě wlùh gbaɛ di̍i̍. Ɔ̍ kmɔ̌ wlu̍ i̍ kɔn-ɛ kɔn wlu̍ ɔ̍ po̍-a tɔ̀ma̍a̍ dǒ nyɔ̍ ùh kma-a ɔ̍ tìh-ɛ we̍-ɛ, u̍h-a mu̍ ɛ̍ fɔ̌ kɔn ke.

1 Pitɛ 2:9

Jɛ mɔ̀ɔ̍ Nyɔsoa-a chèɛ̀ tba̍ nyɔ̍, Blǔh Baa-a slaǎ sà nyɔ̍, mɔ̀ɔ̍ nɛi̍ wɛ̀ bloa̍. Mɔ̀ɔ̍ Nyɔsoa-a chɛ̀-a nyɔ̍, ɔ̍ dǎ mɔ̀ mɔ̀ iě dě kwile-e sɔ mɔ̀ iě ɔ̍ nyɔ̍ wɔ̍n flɔn sɔ̀npli we̍ ji̍. Ɔ̍ tba̍ mɔ̀ chèɛ̀ mɔ̀ iě nyɔ̍ wɔ̍n flɔn-ɛ dɛ̍ᵻ ɔ̍ nu̍-aɛ bla̍.