Pɔ̀n Chɛ̀ Luu To-a La 3:11 - Ku̍o̍ Delee 1999

¹¹ Iě ɔ̍ sà u̍h-a wlu̍ pɔ̀n we̍. Ɔ̍ la̍a̍, “Nyɔ̍ ɔ̀ blě-a wola̍ᵻ sɔɔ̌n-ɛ, ɔ̍ nyǐ nyɔ̍ ɔ̀ se̍-a wola̍ blě-ɛ due. Nɛ̀ nyɔ̍ ɔ̀ blě-a di̍-dɛ̍ᵻɛ́, kǎ ɔ̍ iě nu̍ ke.”

Pɔ̀n Chɛ̀ Luu To-a La 3:11 Iomraidhean Croise

Matio 25:40

Nɛ̀ Blǔh Baa-a mu̍ ka dǎ dě u̍h we̍, ‘Bɔ̌ ǐn sèàɛ̍ mɔ̀ wlùh, dɛ̍ jɛ mɔ̀ nu̍-a dǒ ǐn de̍di̍i̍ᵻ la u̍h-a bla̍-a jlǐhɛ̍ dlǔ-ɛ we̍-ɛ, nɛ̀ mɔ̀ nu̍ ɛ̍ ǐn pùn wɛ̀.’

Pɔ̀n Chɛ̀ Luu To-a La 11:41

Jɛ dɛ̍ᵻ ìh nɛ-a dě mɔ̀-a kàu̍nᵻ ke plɛ̌ɛᵻ di̍i̍-ɛ, mɔ̀ nmɔ-ɛ i̍h wlùh dě nyɔ̍gbà nyɔ̍ we̍, nɛ̀ dɛ̍ᵻ kli̍hgbɛ̍-a mu̍ wlihwlǐh nɛ dǒ mɔ̀ we̍.

Pɔ̀n Chɛ̀ Luu To-a La 18:22

Jusu wɔ̌n-a wlu̍ la-ɛ, iě ɔ̍ la̍a̍ dě ɔ̍ we̍, “Dɛ̍ due gbài̍ bo ìn se̍ nu̍ ke. Mu̍ ìè àn kɔn-dɛ̍ᵻ kli̍hgbɛ̍ ple̍, ìè i̍h-a wlǐ nyɔ̍gbà nyɔ̍ jii̍ gblè, nɛ̀ àn mu̍ pàn dě ja̍i̍wlɔ̀. Nɛ̀ ìn ji̍ ìè dǒ ǐn de̍e̍ gbǎ.”

Pɔ̀n Chɛ̀ Luu To-a La 19:8

Wɛ̀ Saikeɔ nyna i̍, iě ɔ̍ la̍a̍ dě Joi we̍, “Nyɔ̍ klaa, ǎn mu̍ ǎn kɔn-dɛ̍ᵻ kli̍hgbɛ̍-a fɔ̌ nyɔ̍gbà nyɔ̍ nyǐ. Nɛ̀ pò ǐn di̍ nyɔ̍ kanieǐ dǒ dɛ̍-o-dɛ̍ we̍-ɛ, nɛ̀ ǎn mu̍ ɛ̍ gbɔ̍ᵻ nyìɛ̍ wɔ̀ɔ̀ poe.”

Chɔɔn 13:29

Sɔ dɛ̍ laa̍ Juda nu̍-a wlǐ i̍ tè nyɔ̍-ɛ, u̍h-a duuh jajeɛ̍ dɛ̍ᵻ u̍h-a pɔ̀n-a i̍ dǒ peě laa̍ kɛ̍n-ɛ, i̍h bo Jusu-a sèàɛ̍ ɔ̍ wlùh ɔ̍ iě tɛ̀n la̍-a mu̍ de, àe̍e̍ ɔ̍ iě nyɔ̍gbà nyɔ̍ dɛ̍ nyǐ de.

Nu̍-dɛ̍ᵻ 10:2

Ɔ̍ sìì Nyɔsoa dɛ we̍, wɛ̀ ɔ̍ ke ɔ̍ chɛ̌ kli̍hgbɛ̍-a ple̍ Nyɔsoa-a faɔn. Ɔ̍ nmɔ-a wlùh dǒ nyɔ̍ɔ we̍-ɛ, ɛ̍ se̍ dɛ̍ka nɛ. Iě ɔ̍-ɔ fɔ-ɛ Nyɔsoa ba̍le-ɛ we̍ i̍.

Nu̍-dɛ̍ᵻ 10:31

Iě ɔ̍ la̍a̍, ‘Kɔleniɔ, Nyɔsoa wɔ̌n àn ba̍le wlu̍ wɛ̀, iě àn wlùh nmɔ tìh sǐ dǒ ɔ̍ wlì i̍.

Nu̍-dɛ̍ᵻ 10:4

Kɔleniɔ gbɛ̀n-a ɛ̍ ja̍-a, sɔ ɔ̍ ple̍ faɔn, iě ɔ̍ la̍a̍, “Joi, dɛ̍ bo ɛ?” Ǐnchɔ̀ la̍a̍, “Àn ba̍le wlu̍ ke wlùh nmɔ dbo̍ nyni̍ dě Nyɔsoa we̍ ja̍i̍ wɛ̀. Ɛ̍ tìh-ɛ, i̍h-a sǐ-i àn tìh dǒ ɔ̍ wlì i̍.

Ɛfɛsɔ 4:28

Nyɔ̍ ɔ̀ jlǐ-aɛ, ɔ̍ bɔ̌ jlǐ-ɛ dɛ. Jɛ ɔ̍ nu̍ dbo̍ ɛ̀ slɛ̌-a i̍-ɛ. Nɛ̀ ɔ̍ mu̍ la̍ dɛ̍ blě ke, wɛ̀ ɔ̍ iě nyɔ̍gbà nyɔ̍ we̍ gbǎ-a bɛ̌ɛ.

1 Timote 6:17

Nɛ̀ nyɔ̍ ùh blě-a kmɔ̌-a pàn-dɛ̍ᵻɛ́, chlì u̍h-a dounᵻ u̍h-u je̍e i̍h wlùh i̍ kɔ̍, wɛ̀ u̍h-u je̍e i̍h i̍ blɔ̌-ɛ. Dɛ̍nu̍ɛ, i̍h se̍ gba̍n kɔn. Jɛ Nyɔsoa jɔ sèàɛ̍-a dɛ̍ᵻ kli̍hgbɛ̍ to̍o̍gbǎᵻ i̍, wɛ̀ ɔ̍ nyǐ-a àɔ̀ à iě-a kmɔ̌ i̍ nui-ɛ, ɔ̍ bo u̍h iě wlùh i̍ kɔ̍.

1 Timote 6:18

Chlì u̍h-a dounᵻ u̍h iě gblɛ̍n-ɛ nmɔ, u̍h-a dɛ̍ᵻ chɛ̀ i̍ nu̍-ɛ iě nya̍ pàn-ɛ, u̍h iě kwa̍ pɔ̀ni.

Iblu 6:10

Nyɔsoa-a nu̍-dɛ̍ slɛ̌ i̍. Ɔ̍ se̍ mɔ̀-a nu̍-dɛ̍ᵻ we̍ mǎle. Mɔ̀ tù ɔ̍ tìh iě mɔ̀ gba̍ ɔ̍ nyɔ̍ jbɛɛ we̍ mɔ̀ iě u̍h we̍ gbǎ, iě mɔ̀-a gbǎ u̍h we̍ ke̍.

Chiin 1:27

Dɛ̍ Baa Nyɔsoa-a dǎɛ-a Nyɔsoa dɛ-a gblangbai̍-ɛ, ɛ̍ nu̍ kwie̍nynuu̍ ke tèwànynɔ̌ᵻ ùh-a jě-a tìh-ɛ we̍ i̍ gbɛ̀n-ɛ, ɛ̍ ke nyɔ̍ ɔ̀ sà-a ɔ̍ chɛ̀ dě kmɔ̌-a sììjii̍ di̍i̍-ɛ ke.

Chiin 2:14

Ǐn de̍di̍i̍ᵻ, pò nyɔ̍ blě wlùh gbaɛ wɛ̀ ɛ̍ se̍ nu̍-dɛ̍ᵻ de̍e̍ nɛ-ɛ, nɛ̀ dɛ̍ ɛ̍ mu̍ ɔ̍-o po̍ ɛ? Wlùh gbaɛ kaɛn laa̍ nɛ̀ ɛ̍ sǔh bɛ̌ɛ ɔ̍ pǔh-iɛ ae?

1 Chɔɔn 3:17

Pò nyɔ̍ pàn da̍a kmɔ̌ la we̍, wɛ̀ ɔ̍ iě ɔ̍ de̍di̍i̍ jě ɔ̍ iě dɛ̍ ɔ̍ nɛ-a blě ka̍-a i̍ pɔ̀n, wɛ̀ ɔ̍ iě wlùh kàà po̍ dǒ ɔ̍ we̍-ɛ, nɛ̀ ka ɔ̍ nu̍ Nyɔsoa-a jbɛɛ dluwe̍ i̍ gba̍-a ɛ?

1 Chɔɔn 4:20

Pò nyɔ̍ la̍ ɔ̍ jbɛɛ Nyɔsoa wɛ̀ ɔ̍ iě ɔ̍ de̍di̍i̍ faɛn-ɛ, nɛ̀ si̍h nyɔ̍ bo. Dɛ̍nu̍ɛ, pò ɔ̍ faɛn ɔ̍ de̍di̍i̍ jɔ ɔ̍ jě-aɛ, nɛ̀ ɔ̍ se̍ Nyɔsoa jɔ ɔ̍-ɔ se̍a jě-ɛ jbɛɛ bɛ̌ɛ.