Pɔ̀n Chɛ̀ Luu To-a La 24:6 - Ku̍o̍ Delee 1999

⁶ Ɔ̍ se̍ da̍a nɛ dɛ, ɔ̍ wlǔh-ee wɛ̀. Ti̍ ɔ̍ nɛ-a Kaladii ke̍-ɛ, dɛ̍ ɔ̍ sà-a dě mɔ̀ we̍-ɛ, ɛ̍ mɔ̀ iě wlùh we̍ nu̍.

Pɔ̀n Chɛ̀ Luu To-a La 24:6 Iomraidhean Croise

Matio 12:40

Ka Jona nu̍-a sɔ̀n-wǐh ta̍a̍n ke wlù-wǐh ta̍a̍n dě smìɛ̍ klaa di̍i̍ nu̍-ɛɛ, kǎ Nyi̍ɔ̍-a Jǔ-a mu̍ sɔ̀n-wǐh ta̍a̍n ke wlù-wǐh ta̍a̍n nu̍-ɛ nu̍ ke dě wlù.

Matio 16:21

Sɔ dǒ ti̍ laa̍ di̍i̍-ɛ, ka Jusu kɔn ɔ̍ iě-a dǒ Juluslɛn wlɔ̀ di̍i̍ mu̍ wɛ̀ ɔ̍ iě-a jua̍i̍ sàɛ̀ dɛ̍blɔ dě nyɔ̍ klaaᵻ ke, Nyɔsoa-a slaǎ sà nyɔ̍ klaaᵻ ke telě nǎ poe nyɔ̍ kwa̍a̍-ɛ, sɔ ɔ̍ flɔn-ɛ la̍ dě ɔ̍ kòà di̍i̍ i̍ sǔh. Wɛ̀ ka pò u̍h dbǎ ɔ̍ wǐh ta̍a̍n sì-ɛ, nɛ̀ ɔ̍ mu̍-ae wlǔh-ɛ, wɛ̀ ɔ̍ sèàɛ̍ u̍h wlùh.

Matio 27:63

U̍h la̍a̍, “Nyɔ̍ klaa, si̍h tmɔ̌-dɛ̍ laa̍ ti̍ ɔ̍ nɛ-a kmɔ̌-ɛ, ɔ̍ la̍ pò ɔ̍ mɛ̌-ɛ, wǐh ta̍a̍n sì-ɛ, nɛ̀ ɔ̍ mu̍-e wlǔh dode̍. I̍h bo ìh sǐ dǒ à wlì i̍, ɛ̍ kɔn à ji̍ nɔ̌ ìn we̍,

Matio 28:6

Jɛ ɔ̍ se̍ da̍a nɛ dɛ. Ɔ̍ wlǔh-e wɛ̀, ɛ̀ ɔ̍ sà-aɛ bo ɔ̍ nu̍-a. Mɔ̀ ji̍ tà ɔ̍ pɛ̌n-a i̍ de-ɛ jě.

Pɔ̀n Chɛ̀ Maɛ To-a La 16:6

Wɛ̀ ɔ̍ la̍a̍ dě u̍h we̍, “Mɔ̀-a ku̍ bɔ̌ tlɛ̍-ɛ, ǐn juo ɛ̍-ɛ Jusu ɔ̀ sɔ-a dǒ Naaslɔɛ ɔ̀ u̍h kɔ̍-a dǒ gbàɛ̍ kɛ̍n i̍ tu̍ wlì-ɛ, ɔ̍-ɔ bo mɔ̀-a pɔ̀n i̍. Jɛ ɔ̍ wlǔh-e wɛ̀, ɔ̍ se̍ da̍a nɛ dɛ. Mɔ̀ ji̍ tà u̍h pɛ̌n-ɛa ɔ̍ i̍ de-ɛ jě.

Pɔ̀n Chɛ̀ Maɛ To-a La 8:31

Ɛ̍ nu̍ ti̍ due wɛ̀ Jusu po̍ ɔ̍ kòà nǎ. Ɔ̍ la̍a̍, “Nyi̍ɔ̍-a Jǔ kɔn ɔ̍ iě jua̍i̍ sàɛ̀ dɛ̍blɔ, wɛ̀ nyɔ̍ klaaᵻ ke, Nyɔsoa-a slaǎ sà nyɔ̍ klaaᵻ ke telě nǎ poe nyɔ̍ iě ɔ̍ chla tba̍. Nɛ̀ ɔ̍ mu̍ dbǎ-ɛ, jɛ pò wǐh ta̍a̍n sì-ɛ, nɛ̀ ɔ̍ mu̍-e wlǔh.”

Pɔ̀n Chɛ̀ Luu To-a La 24:34

Wɛ̀ u̍h la̍a̍, “Joi wlǔh-e chɛ̀. Ɔ̍ wlǔh-i Samo i̍.”

Pɔ̀n Chɛ̀ Luu To-a La 24:5

Ɛ̍ po̍ nynɔ̌gbaɔᵻ laa̍ faɔn kaa̍, sɔ u̍h bla̍ jii̍ wlù wɛ̀ sǔh. Wɛ̀ jɔ̍gbauᵻ laa̍, u̍h la̍a̍ dě u̍h we̍, “Dɛ̍nu̍ mɔ̀-a pɔ̀n kmɔ̌ nɛ nyɔ̍ i̍ nɔ̌ mɛ̌-nyɔ̍ nynɛ̌ ɛ?

Pɔ̀n Chɛ̀ Luu To-a La 9:22

Jusu la̍a̍, “Nyi̍ɔ̍-a Jǔ kɔn ɔ̍ iě jua̍i̍ sàɛ̀ dɛ̍blɔ, wɛ̀ nyɔ̍ klaaᵻ ke, Nyɔsoa-a slaǎ sà nyɔ̍ klaaᵻ ke telě nǎ poe nyɔ̍ iě ɔ̍ chla tba̍. Nɛ̀ ɔ̍ mu̍ dbǎ-ɛ, jɛ pò wǐh ta̍a̍n sì-ɛ, nɛ̀ ɔ̍ mu̍-e wlǔh.”

Pɔ̀n Chɛ̀ Luu To-a La 9:44

“Mɔ̀ tù dɛ̍ ǎn ji̍-a mɔ̀ wlùh sèàɛ̍ la̍-ɛ dounᵻ. Nyi̍ɔ̍-a Jǔ-a mu̍ kwlǎ sà-ɛ dě nyɔ̍ɔ kwa̍a̍.”

Nu̍-dɛ̍ᵻ 2:24

Jɛ Nyɔsoa sà ɔ̍-e. Ɔ̍ sèìe ɔ̍ dě mɛ̌ɛ-a nyɔ̍ i̍ poa-a gbɛɛ̍ di̍i̍. Dɛ̍nu̍ɛ, mɛ̌ɛ se̍ ɔ̍ i̍ gbɛ̍n-ɛ bɛ̌ɛ.

2 Tɛsoloniɔn 2:5

Ti̍ ǐn nɛ-a dě mɔ̀ we̍-ɛ, dǒ ǐn sèàɛ̍ mɔ̀ ìh la wlùh. I̍h se̍ dǒ mɔ̀ wlì i̍ sǐ ae?