Pɔ̀n Chɛ̀ Luu To-a La 24:4 - Ku̍o̍ Delee 1999

⁴ Sɔ ɛ̍ gbe-e dě u̍h di̍i̍ i̍. Kli-a ka-ɛ, nɛ̀ jɔ̍gbauᵻ sɔɔ̌n nɛ dě jlii̍ plǔᵻ di̍i̍ i̍h-a fa̍n, wɛ̀ u̍h nyna u̍h pùn.

Pɔ̀n Chɛ̀ Luu To-a La 24:4 Iomraidhean Croise

Pɔ̀n Chɛ̀ Maɛ To-a La 16:5

Wɛ̀ u̍h pa̍ deě, dě u̍h jě-e jǔgbèlà due nɛ̀ ɔ̍ tè i̍ dǒ ɛ̍ di̍na̍ fɔ̌ we̍. Ɔ̍ pa̍ plɛ̀i̍ plǔ-u. Sɔ ɛ̍ tlɛ̍-ɛ u̍h-a ku̍.

Pɔ̀n Chɛ̀ Luu To-a La 2:9

Dǒ Joi-a ǐnchɔ̀ wlǔh-i u̍h kɛ̍n, iě Joi-a tìh-a i̍ bɛ̌-ɛa fa̍n u̍h de̍e̍ i̍. Sɔ ɛ̍ po̍ u̍h faɔn kaa̍.

Pɔ̀n Chɛ̀ Luu To-a La 24:5

Ɛ̍ po̍ nynɔ̌gbaɔᵻ laa̍ faɔn kaa̍, sɔ u̍h bla̍ jii̍ wlù wɛ̀ sǔh. Wɛ̀ jɔ̍gbauᵻ laa̍, u̍h la̍a̍ dě u̍h we̍, “Dɛ̍nu̍ mɔ̀-a pɔ̀n kmɔ̌ nɛ nyɔ̍ i̍ nɔ̌ mɛ̌-nyɔ̍ nynɛ̌ ɛ?

Nu̍-dɛ̍ᵻ 1:10

Dě ɔ̍ we̍ ja̍i̍ u̍h-a jlǐh maɛ, u̍h iě-a kèle-ɛ nɛ̀ jɔ̍gbauᵻ sɔɔ̌n pa̍ jlii̍ plǔᵻ iě u̍h nyna u̍h pùn.

Nu̍-dɛ̍ᵻ 12:7

Kli-a ka-a, nɛ̀ Joi-a ǐnchɔ̀ wlǔh-ie wɛ̀. Sɔ dě kasoo-a chɛ̀ nɛ plòu̍n sǔh. Iě ɛ̍ bla̍ Pitɛ kɛ̍n i̍ ɛ̍ la̍a̍, “Tèwe ìè bloɔ̍ sɔ.” Iě jɔɔdbǔᵻ chɛn Pitɛ sɔ̍nᵻ i̍.

1 Timote 3:16

À Nyɔsoa dɛ-ɛ nɛ-ɛ la nyɔ̍ se̍-a juo-ɛ, ɛ̍ ku̍ wɔ̍n, nyɔ̍ se̍ ɛ̍-ɛ tòlo-ɛ bɛ̌ɛ. Ɔ̍ wlǔh-i dě nyi̍ɔ̍tu di̍i̍, iě Sùù to ɛ̍ ka ɔ̍ slɛ̌-a i̍-ɛ, wɛ̀ Nyɔsoa-a ǐnchɔ̀ jě ɔ̍. Wɛ̀ ɔ̍ tìh bla̍-ɛ dě bloa̍ we̍. Nyɔ̍ɔ gbaɛ ɔ̍ wlùh nɔ̌ kmɔ̌ we̍, iě ɔ̍ gba̍-ɛ dě ja̍i̍wlɔ̀.