Pɔ̀n Chɛ̀ Luu To-a La 23:9 - Ku̍o̍ Delee 1999

⁹ Ɛ̍ tìh Ɛlo tèle Jusu dɛ̍ᵻ dɔu i̍. Jɛ ɔ̍ se̍ ɔ̍ wlu̍ pɔ̀n we̍ sà.

Pɔ̀n Chɛ̀ Luu To-a La 23:9 Iomraidhean Croise

Matio 27:12

Ti̍ Nyɔsoa-a slaǎ sà nyɔ̍ klaaᵻ ke nyɔ̍ klaaᵻá blaɛ-a Jusu tìh i̍-ɛ, ɔ̍ se̍ u̍h tɔ̍n-ɔ sà.

Matio 27:14

Jɛ Jusu se̍ wɔ̍n-a fuɛn nu̍ dǒ dɛ̍ᵻ kli̍hgbɛ̍-a chɛ̀ u̍h bla̍-a dǒ ɔ̍ pùn-ɛ we̍. Sɔ ɛ̍ wlǔh i̍ kɔ̀mla̍ laa̍ de̍e̍ ɛ̍ sìì-o dɛ̍ i̍.

Matio 7:6

“Dɛ̍ ɛ̀ kɔn-a dǒ Nyɔsoa we̍-ɛ, mɔ̀ bɔ̌ ɛ̍ gbèᵻ nyǐ-ɛ. Mɔ̀-a jɛ nyǐ ɛ̍ i̍h-ɛ, i̍h-a mu̍ kwa̍ i̍ bǐi sǔh i̍h iě mɔ̀ nmu̍. Nɛ̀ mɔ̀ bɔ̌ mɔ̀-a pɛ̀ɛ̀ dɛ̍ᵻ ìh gbǎ-a dɛ̍kɛ̍n-ɛ dǒ be̍e̍ᵻ jǔ i̍ po̍-ɛ, i̍h se̍ i̍h-a dɛ̍ i̍ juo. Ɛ̍ tìh-ɛ, i̍h-a mu̍ i̍h kɛ̍n i̍ na sǔh.”

Pɔ̀n Chɛ̀ Maɛ To-a La 15:5

Jɛ Jusu se̍ ɔ̍ tɔ̍n-ɔ sà. Sɔ ɛ̍ wlǔh i̍ Pale de̍e̍.

Pɔ̀n Chɛ̀ Luu To-a La 13:32

Wɛ̀ Jusu la̍a̍ dě u̍h we̍, “Mɔ̀ mu̍ mɔ̀ iě bɛ̌kɔ̀ laa̍ wlùh sèàɛ̍, kǎ mɔ̀ iě ka dǎ, ‘Ǎn sà nyɔ̍ jeědih de̍e̍ i̍, iě ǎn pǔh-i nyɔ̍ sèàn ke klàe̍, nɛ̀ pò dǒ wǐh ta̍a̍n naɛ di̍i̍-ɛ, nɛ̀ ǎn mu̍ ǎn dbo̍ i̍ wɔ̀.’

Pɔ̀n Chɛ̀ Luu To-a La 23:10

Wɛ̀ slaǎ sà nyɔ̍ klaaᵻ ke telě nǎ poe nyɔ̍ blaɛ Jusu tìh i̍ kàka̍.

Chɔɔn 19:9

Iě ɔ̍ pa̍ dě de̍ gbò, wɛ̀ ɔ̍ tèle Jusu i̍. Ɔ̍ la̍a̍, “Tà ìn sɔ-ɔ ɛ?” Jɛ Jusu se̍ ɔ̍ tɔ̍n-ɔ sà.

Nu̍-dɛ̍ᵻ 8:32

Nyɔsoa-a wlu̍-a chɛ̀ ɔ̍ slè-aɛ, kǎ ɛ̍ nu̍ ka nɛ-ɛ. “Blawɛ̌ ɛ̀ u̍h-a gba̍-a dbǎ la̍-aɛ, ɛ̍ bo ɔ̍ wɔ̀. Blawɛ̌ jǔ ɛ̀ kɔn mǐ u̍h ja chɛ̍n-ɛ wɛ̀ ɛ̍-ɛ wlu-aɛ, ɛ̍ bo ɔ̍ wɔ̀. Ɛ̍ kɔn ɔ̍ se̍ wɔ̍n-a fuɛn nu̍.

1 Pitɛ 2:23

Ti̍ u̍h chlèe-a ɔ̍-ɛ, ɔ̍ se̍ gba̍ sà. U̍h sàɛ̀-ɛ ɔ̍ jua̍i̍-ɛ, ɔ̍ se̍ plǐn, jɛ Nyɔsoa ɔ̀ nu̍-a i̍ slɛ̌-ɛ taɔ-ɛ, ɔ̍ bo ɔ̍ tè wlì.