Pɔ̀n Chɛ̀ Luu To-a La 23:5 - Ku̍o̍ Delee 1999

⁵ Jɛ u̍h bla̍ dlǔ i̍, u̍h la̍a̍, “Ɔ̍ po̍ nyɔ̍ nǎ dě Judia bloa̍ kli̍hgbɛ̍ kɛ̍n i̍, iě ɔ̍ pa̍ nyɔ̍ɔ sɔ̀n i̍. Ɔ̍ tè ɛ̍ gbɔ̀ dě Kaladii fɔɔ, iě ɔ̍ ji̍ ka da̍a.”

Pɔ̀n Chɛ̀ Luu To-a La 23:5 Iomraidhean Croise

Matio 11:1

Ti̍ Jusu wɔ̀-a ɔ̍ kòà-a pùè jɔ̌ sɔɔ̌n laa̍ slǔh po̍-ɛɛ, wɛ̀ ɔ̍ wlǔh-i gbààn ɔ̍ mu̍ dě wlɔ̀ᵻ diih di̍i̍ ɔ̍ iě nǎ po̍, wɛ̀ ɔ̍ iě Nyɔsoa tìh bla̍ dě nyɔ̍gbei we̍.

Matio 2:1

Ti̍ Jusu wlǔh-a dǒ Bɛfleɛɛn wlɔ̀ di̍i̍ dě Judia bloa̍ kɛ̍n-ɛ, nɛ̀ Ɛlo nu̍ blǔh baa. Dǒ-o bo dɛ̍ jlǐhɛ̍ tù-i nyɔ̍ sɔ-ɛ dě blǔh-a fɔ̌ kɔn we̍ tà jlǔh-a wlǔh-ia kwlǎ-a u̍h ji̍ dǒ Juluslɛn. U̍h la̍a̍,

Matio 27:24

Pale gbɛ̀n-a ɛ̍ ja̍-ɛ, sɔ ɔ̍ wlu̍-u chɛ̍n-o dɛ̍. Jɛ nɛ̀ u̍h-a pɔ̀n ɔ̍ slɛ̀ dlǔ i̍ sàɛ̀ i̍. Wɛ̀ ɔ̍ dǔ nǐ-i dǒ nyɔ̍ kli̍hgbɛ̍ jlǐhwai, iě ɔ̍ dle kwa̍. Iě ɔ̍ la̍a̍, “Jǔ la ɔ̍ dbǎ dɛ mɔ̀-a nu̍-aɛ, ǎn sɔ̍n se̍-o nɛ o, ɔ̍ tìh tè dǒ mɔ̀ dlǔ i̍ o.”

Matio 4:23

Wɛ̀ Jusu na Kaladii bloa̍ kli̍hgbɛ̍ we̍, ɔ̍ po̍ nyɔ̍ nǎ dě Juu nyɔ̍-a wɛɛ sà gbòᵻ sɔ̀n-i. Iě ɔ̍ bla̍ pɔ̀n chɛ̀-a tìh dǒ Nyɔsoa-a kmɔ̌ wlu̍ i̍ kɔn dɛ we̍. Wɛ̀ ɔ̍ bɔ̌-ɛ nyɔ̍gbei-a poa-dɛ̍ᵻ ke wɛ̌ᵻ kli̍hgbɛ̍.

Pɔ̀n Chɛ̀ Maɛ To-a La 1:14

Ti̍ u̍h po̍-a Chɔɔn kasoo-ɛ, dǒ ti̍ laa̍ di̍i̍ bo Jusu mu̍-i Kaladii fɔɔ, iě ɔ̍ bla̍ Nyɔsoa-a pɔ̀n chɛ̀-a tìh we̍i̍.

Pɔ̀n Chɛ̀ Luu To-a La 11:53

Jusu sɔ-a doǒ-ɛ, wɛ̀ telě nǎ poe nyɔ̍ ke Fɛlesii nyɔ̍-a po̍ ɔ̍ pàwe̍i̍ dɛ̍blɔ dɛ, iě u̍h-a tèle ɔ̍ dɛ̍ᵻ dɔu dɔu i̍.

Pɔ̀n Chɛ̀ Luu To-a La 23:23

Jɛ u̍h bla̍ dlǔ i̍ kleǐn u̍h-a plǎn-ɛ i̍. U̍h-a pɔ̀n Jusu iě kɔ̍-ɛ dǒ gbàɛ̍ kɛ̍n i̍ tu̍ wlì. Wɛ̀ u̍h-a i̍ wǐi-ɛ sà Pale klà.

Pɔ̀n Chɛ̀ Luu To-a La 23:6

Ti̍ Pale wɔ̌n-a wlu̍ la-ɛ, iě ɔ̍ tèle dɛ̍ i̍, ɔ̍ la̍a̍, “Jǔ la Kaladii jǔ bo ae?”

Chɔɔn 1:43

Sɔ̀n sɛ̀n-a dɛ-ɛ, wɛ̀ Jusu po̍ tìh gbɔ̀ ɔ̍ iě dě Kaladii fɔɔ mu̍. Wɛ̀ ɔ̍ pɔ̀n Felɔ i̍, iě ɔ̍ la̍a̍ dě ɔ̍ we̍, “Gbǎ dǒ ǐn de̍e̍.” (

Chɔɔn 19:15

Iě u̍h sà slɛ̀ wɔ̍n, u̍h la̍a̍, “Sà ɔ̍ da̍a, sà ɔ̍ da̍a, ìè ɔ̍ kɔ̍.” Pale la̍a̍, “Mɔ̀-a blǔh baa bo iě kɔ̍ ae?” Wɛ̀ slaǎ sà nyɔ̍-a klaaᵻ la̍a̍, “Bloa̍ Joi nɛ due à blě ɔ̀ nu̍ blǔh baa.”

Chɔɔn 2:11

Ɛ̀ la bo ɛ̀ nu̍ Jusu-a jbaɛdih-a sàǐtòò naɛ ɔ̍ po̍ dǒ Keina dě Kaladii bloa̍ kɛ̍n, iě ɛ̍ to ɔ̍ tìh-a i̍ bɛ̌-ɛ. Wɛ̀ ɔ̍ kòà gbaɛ ɔ̍ wlùh.

Chɔɔn 7:41

Duuh la̍a̍, “Ɔ̀ la Nyɔsoa-a Chèɛ̀ Tba̍ju bo.” Iě duuh la̍a̍, “Nɛ̀ dě Kaladii bloa̍ kɛ̍n bo Chèɛ̀ Tba̍ju-a mu̍-u sɔ ae?

Chɔɔn 7:52

Iě u̍h la̍a̍ dě ɔ̍ we̍, “Àn chɛ̀ la, Kaladii bo ìn sɔ ke ae? Gbɛ̀n dě Nyɔsoa-a wlu̍ di̍i̍ ìè jě ka Nyɔsoa-a tu̍owli po̍ nyɔ̍ se̍-a dě Kaladii sɔ mu̍-ɛ.”

Nu̍-dɛ̍ᵻ 10:37

Ti̍ Chɔɔn wɔ̀-a nǐ dlǔ po̍ tìh bla̍-aɛ, dɛ̍ ɛ̀ nɛ-a dě Judia bloa̍ kli̍hgbɛ̍ kɛ̍n-ɛ, mɔ̀ juo ɛ̍-ɛ. Dě Kaladii bo ɛ̍ tè-e gbɔ̀.

Nu̍-dɛ̍ᵻ 23:10

Dɛ̍ u̍h-a slɛ̀ nu̍-a i̍ kma-a wɛ̀-ɛ, sɔ ɛ̍ po̍ fledlǔ-a klaa faɔn u̍h-u je̍e Pɔɔ-a chìgbɔ̀là těnɔ. Ɛ̍ kɔn ɔ̍ dbo̍ ɔ̍ fledlǔ u̍h iě Pɔɔ dě nyɔ̍ laa̍ nynɛ̌ sà, u̍h iě ɔ̍ dě bàɛ̍klè gba̍.

Nu̍-dɛ̍ᵻ 5:33

U̍h wɔ̌n-a wlu̍ la-ɛ, nɛ̀ u̍h sɔ̀n wɛ̀ dǒ ta̍i̍, iě u̍h-a pɔ̀n Pitɛ bei dbǎ-a i̍.

Nu̍-dɛ̍ᵻ 7:54

Ti̍ taɔ pa̍ nyɔ̍ wɔ̌n-a Slifɛn-a wlu̍ la-a, sɔ u̍h sɔ̀n-ɛ dǒ jlu̍h we̍, iě u̍h-a kɔ̍ mlǎ i̍.

Nu̍-dɛ̍ᵻ 7:57

Wɛ̀ u̍h sà-ɛ ɔ̍ slɛ̀ wɔ̍n, iě u̍h ka̍n u̍h-a dounᵻ. Sɔ u̍h wlǎ dě ɔ̍ ja̍ sǔh.