Pɔ̀n Chɛ̀ Luu To-a La 23:2 - Ku̍o̍ Delee 1999

² Iě u̍h tè ɔ̍ tìh i̍ blaɛ gbɔ̀. U̍h la̍a̍, “Jɔ̍gbau la ɔ̍ pa̍ à bloa̍ nyɔ̍ sɔ̀n i̍. Ɔ̍ la̍ à bɔ̌ taa̍sìh sà-a dě Bloa̍ Joi we̍. Iě ɔ̍ la̍ ɔ̍ chɛ̀ bo ɔ̀ nu̍ Nyɔsoa-a Chèɛ̀ Tba̍ju ɔ̀ nu̍-a blǔh baa-ɛ.”

Pɔ̀n Chɛ̀ Luu To-a La 23:2 Iomraidhean Croise

Matio 17:27

Jɛ à-a je̍e dɛ̍ nu̍ ɛ̍-ɛ je̍e nyɔ̍ wɔ̍i̍n nyaɛ. Ɛ̍ tìh-ɛ, mu̍ ìè kɔɛ̍n po̍ dě pɛ̍nu̍ klaa kɛ̍n. Smìɛ̍ àn mu̍-a sà sàǐtòò-ɛ, nɛ̀ ìn gbɛ̀n dě ɛ̍ wɔ̍ɔ̍n wliɛ̍ àn mu̍-ae jě-ɛ, ɛ̍ mu̍ ìn ke ǐn ke à taa̍sìh pɛ̌ɛ wɛ̀. Nɛ̀ ìn gba̍ ɛ̍ u̍h, à nàɛ̀ taa̍sìh bo.”

Matio 22:21

U̍h la̍a̍, “Bloa̍ Joi bo.” Wɛ̀ ɔ̍ la̍a̍ dě u̍h we̍, “Dɛ̍ ɛ̀ kɔn-a dǒ Bloa̍ Joi we̍-ɛ, nɛ̀ mɔ̀ nyǐ ɛ̍ Bloa̍ Joi. Nɛ̀ dɛ̍ ɛ̀ kɔn-a dǒ Nyɔsoa we̍-ɛ, mɔ̀ nyǐ ɛ̍ Nyɔsoa.”

Matio 27:11

Dǒ ti̍ laa̍ di̍i̍ nɛ̀ Jusu nyna i̍ dǒ kɔ̀mla̍ jǔ, iě kɔ̀mla̍ tèle ɔ̍ i̍, ɔ̍ la̍a̍, “Mɔ̀ bo ɔ̀ nu̍ Juu nyɔ̍-a blǔh baa ae?” Jusu la̍a̍, “Mɔ̀ bo ɔ̀ dǎ laǎn.”

Pɔ̀n Chɛ̀ Maɛ To-a La 12:17

Wɛ̀ Jusu la̍a̍, “Dɛ̍ ɛ̀ kɔn-a dǒ Bloa̍ Joi we̍-ɛ, nɛ̀ mɔ̀ nyǐ ɛ̍ Bloa̍ Joi. Nɛ̀ dɛ̍ ɛ̀ kɔn-a dǒ Nyɔsoa we̍-ɛ, mɔ̀ nyǐ ɛ̍ Nyɔsoa.” Sɔ ɔ̍ wlǔh i̍ u̍h de̍e̍.

Pɔ̀n Chɛ̀ Maɛ To-a La 15:2

Wɛ̀ Pale tèle Jusu i̍, ɔ̍ la̍a̍, “Mɔ̀ bo ɔ̀ nu̍ Juu nyɔ̍-a blǔh baa ae?” Jusu la̍a̍, “Mɔ̀ bo ɔ̀ dǎ laǎn.”

Pɔ̀n Chɛ̀ Luu To-a La 23:14

Iě ɔ̍ la̍a̍ dě u̍h we̍, “Mɔ̀ ja jɔ̍gbau la nɔ̌ ǐn we̍ iě mɔ̀ la̍ ɔ̍ pa̍ mɔ̀-a bloa̍-a nyɔ̍ sɔ̀n i̍. Ǐn tèle ɔ̍ i̍ da̍a mɔ̀ jlǐhwai, jɛ dɛ̍ᵻ mɔ̀ po̍-a dǒ ɔ̍ dlǔ-ɛ, ǐn se̍ i̍h-a dɛ̍-o-dɛ̍ jě dǒ ɔ̍ pùn.

Pɔ̀n Chɛ̀ Luu To-a La 23:5

Jɛ u̍h bla̍ dlǔ i̍, u̍h la̍a̍, “Ɔ̍ po̍ nyɔ̍ nǎ dě Judia bloa̍ kli̍hgbɛ̍ kɛ̍n i̍, iě ɔ̍ pa̍ nyɔ̍ɔ sɔ̀n i̍. Ɔ̍ tè ɛ̍ gbɔ̀ dě Kaladii fɔɔ, iě ɔ̍ ji̍ ka da̍a.”

Chɔɔn 18:29

Iě kɔ̀mla̍ Pale sǐ dě u̍h we̍ sɔ̀n i̍. Iě ɔ̍ la̍a̍, “Dɛ̍-ɛ tìh mɔ̀ blě dǒ jɔ̍gbau la pùn ɛ?”

Chɔɔn 18:30

U̍h la̍a̍, “Pò jɔ̍gbau la ɔ̍ se̍ dɛ̍ sɔ̀n nu̍ de-ɛ, nɛ̀ à se̍ ɔ̍ ìn we̍ ja mu̍ de.”

Chɔɔn 19:12

Sɔ Pale-a pɔ̀n la̍ jii la̍ i̍ sǔh ɔ̍ iě Jusu sèìe. Jɛ nyɔ̍gbei sà-ɛ ɔ̍ slɛ̀ wɔ̍n. U̍h la̍a̍, “Pò ìn sèìe jǔ la-ɛ, nɛ̀ ìn ke Wloma nyɔ̍-a Bloa̍ Joi se̍ jbɛɛ mu̍ o. Dɛ̍nu̍ɛ, nyɔ̍ ɔ̀ pɔ̀n-a ɔ̍ chɛ̀ blǔh baa we̍i̍ nu̍-ɛ i̍-ɛ, nɛ̀ ɔ̍ tbaɛ Bloa̍ Joi bu̍hᵻ i̍.”

Nu̍-dɛ̍ᵻ 24:13

Tìh u̍h-a blaɛ-a ka ǐn i̍-ɛ, u̍h-a nyɔ̍ se̍ ɛ̍ ìn i̍ to-ɛ bɛ̌ɛ ka i̍h se̍-a si̍h-ɛ.

Nu̍-dɛ̍ᵻ 24:5

Jɔ̍gbau la à juo ɛ̍-ɛ, kanɛa nyɔ̍ bo, ɛ̍ kɔn à gbɛ̍n ɔ̍. Ɔ̍ sà wě ja̍a̍ i̍ dě Juu nyɔ̍ nynɛ̌ da̍a kmɔ̌ kli̍hgbɛ̍ la we̍, iě ɔ̍ nu̍ fààmlà dě Naaslɔɛ nyɔ̍-a gbɔ̀ù di̍i̍.

Wloma 13:7

Dɛ̍ u̍h kɔn u̍h iě-a jě-ɛ, nɛ̀ mɔ̀ pɛ̌ɛ ɛ̍ u̍h. Pò ɛ̍ tù gbò-a taa̍sìh-ɛ, nɛ̀ mɔ̀ pɛ̌ɛ i̍h. Pò ɛ̍ tù kɔn-dɛ̍ᵻá taa̍sìh-ɛ, nɛ̀ mɔ̀ pɛ̌ɛ i̍h. Pò ɛ̍ tù nyɔ̍ dɛ̍ɛ̍ jě-ɛɛ, nɛ̀ mɔ̀ nu̍ ɛ̍. Iě pò ɛ̍ tù nyɔ̍ ja̍ tè-ɛɛ, nɛ̀ mɔ̀ tè u̍h ja̍.