Pɔ̀n Chɛ̀ Luu To-a La 21:8 - Ku̍o̍ Delee 1999

⁸ Iě Jusu la̍a̍, “Mɔ̀ nu̍ mɔ̀-a chɛ̀-a nɛnɛ̌ wɛ̀ nyɔ̍-ɔ je̍e mɔ̀ i̍ boe. Dɛ̍nu̍ɛ, nyɔ̍ dɔu-a mu̍ dǒ ǎn nynɛ̌ kɛ̍n jii, u̍h iě ka nu̍, ‘Mɔ̍ bo ɔ̀ nu̍ Chèɛ̀ Tba̍ju. Bɔ̌ɛ-o ti̍ kɔǎn we̍ wɛ̀.’ Jɛ mɔ̀ bɔ̌ dǒ u̍h de̍e̍ gbǎ-a.

Pɔ̀n Chɛ̀ Luu To-a La 21:8 Iomraidhean Croise

Matio 24:11

Nɛ̀ Nyɔsoa-a tu̍owli po̍ nyɔ̍-a si̍h naɛ dɔu-a mu̍ mɔ̀ kɛ̍n wlǔh-i, u̍h iě nyɔ̍ dɔu i̍ boe.

Matio 3:2

Ɔ̍ la̍a̍, “Mɔ̀ bǐi i̍, mɔ̀ iě gblɛ̍n sɔ̀ɛ̀n kɛ̍n i̍ poe. Dɛ̍nu̍ɛ, Nyɔsoa-a kmɔ̌ wlu̍ i̍ kɔn ti̍ kɔǎn we̍ wɛ̀.”

Matio 4:17

Sɔ dǒ ti̍ laa̍ di̍i̍ Jusu tè tìh bla̍-a gbɔ̀, ɔ̍ la̍a̍, “Mɔ̀ bǐi i̍ mɔ̀ iě gblɛ̍n sɔ̀ɛ̀n nu̍-ɛ i̍ tǎli. Dɛ̍nu̍ɛ, Nyɔsoa-a kmɔ̌ wlu̍ i̍ kɔn ti̍ kɔǎn we̍ wɛ̀.”

Pɔ̀n Chɛ̀ Luu To-a La 17:23

U̍h-a mu̍ ka dǎ dě mɔ̀ we̍, ‘Gbɛ̀n-e, ɔ̍-ɔ nɛ-a de̍à,’ àe̍e̍ ‘Ɔ̍-ɔ la da̍a.’ Jɛ nɛ̀ mɔ̀ bɔ̌ dǒ u̍h de̍e̍ gbǎ la̍-a mu̍-ɛ.

Pɔ̀n Chɛ̀ Luu To-a La 21:7

Wɛ̀ Jusu-a kòà tèle ɔ̍ i̍, u̍h la̍a̍, “Dlǔtu, ti̍we̍ ìh la i̍h-a mu̍ nɛ ɛ? Nɛ̀ pò i̍h ja la̍ nɛ mu̍-ɛ, nɛ̀ dɛ̍ bo ɛ̀ mu̍ juola nu̍ à iě i̍ juo ɛ?”

Pɔ̀n Chɛ̀ Luu To-a La 21:9

Mɔ̀-a mu̍ tu̍h-a fɔ̀n-ɛ ke klě jě-ɛa pɔ̀n wɔ̌n, jɛ faɔn bɔ̌ mɔ̀ nu̍-ɛ. Dɛ̍nu̍ɛ, ìh la i̍h kɔn i̍h iě nɛ sàǐtòò. Jɛ nɛ̀ ti̍-a dlǔ i̍ chlà-a se̍ i̍ kɔǎɛn ke̍.”

Chɔɔn 5:43

Dǒ ǐn Baa-a nynɛ̌ kɛ̍n bo ǐn jii, iě mɔ̀-ɔ gbɛ̍n ǎn tìh i̍. Jɛ pò nyɔ̍ dɔɔ jii dǒ ɔ̍ chɛ̀-a nynɛ̌ kɛ̍n-ɛ, nɛ̀ ɔ̍ kɔn tìh bo mɔ̀-a mu̍ i̍ gbɛ̍n.

Chɔɔn 8:24

Ɛ̍ kɔn ǐn sèàɛ̍ mɔ̀ wlùh na̍ mɔ̀-a mu̍ dě mɔ̀-a gblɛ̍n sɔ̀ɛ̀n di̍i̍ mɛ̌-ɛ. Ka mɔ̀ se̍-a ɛ̍ tìh chɛ̀ po̍ ka ‘Mɔ̍ bo ɔ̀ nu̍-a Ɔ̍-ɛ,’ nɛ̀ mɔ̀-a mu̍ mɛ̌ dě mɔ̀-a gblɛ̍n sɔ̀ɛ̀n di̍i̍.”

Chɔɔn 8:28

Wɛ̀ Jusu la̍a̍, “Pò mɔ̀ pèle Nyi̍ɔ̍-a Jǔ ja̍i̍ dǒ tu̍ wlì-ɛ, nɛ̀ mɔ̀-a mu̍ ɛ̍ juo ka ‘Mɔ̍ bo ɔ̀ nu̍-a Ɔ̍-ɛ.’ Nɛ̌ nu̍ dɛ̍ dǒ ǎn chɛ̀-a gbǐh we̍, jɛ dɛ̍ ǐn Baa poe-a ǐn nǎ-ɛ, ɛ̍ bo ǎn bla̍.

1 Kɔwlɛntiɔn 6:9

Mɔ̀ juo ɛ̍, ka nyɔ̍ ùh se̍-a i̍ slɛ̌-ɛ, u̍h se̍-a dě Nyɔsoa-a kmɔ̌ wlu̍ i̍ kɔn-ɛ di̍i̍ nyni̍ mu̍-ɛ. Mɔ̀ bɔ̌ mɔ̀-a chɛ̀ i̍ boe-ɛ, gbǎn nu̍ nyɔ̍ ke, kwɛ̍i̍n gbo̍ᵻ wɛɛ sà nyɔ̍ ke, nynɛ̌à nu̍ nyɔ̍ ke, tba̍ɛ kɛ̍n i̍ nu̍ nyɔ̍ ke,

Ɛfɛsɔ 5:6

Bɔ̌ wɔ̌n-ɛ nyɔ̍ bɔ̌ mɔ̀ i̍ boe-ɛ dǒ si̍h tmɔ̌-ɛ we̍. Dɛ̍ᵻ sɔ̀nᵻ la bo ìh-a mu̍ ɛ̍ nu̍ wɛ̀ Nyɔsoa iě nyɔ̍ ùh se̍-a ɔ̍ wlu̍ nu̍-ɛ jlu̍h-u gbǎ-ɛ.

2 Tɛsoloniɔn 2:3

Mɔ̀ bɔ̌ wɔ̌n-ɛ nyɔ̍ bɔ̌ mɔ̀ i̍ boe-ɛ dǒ dɛ̍-o-dɛ̍ we̍. Dɛ̍nu̍ɛ, pò weɛ̍ laa̍ ɛ̍ iě ji̍-ɛ, nɛ̀ Nyɔsoa kɛ̍n i̍ poe-ɛa mu̍ nɛ, wɛ̀ Nyɔ̍ Sɔ̀n iě à kɛ̍n wlǔh-i. Ɔ̍ tìh chɛn i̍ wɛ̀ ɔ̍ iě-e gbɔ̀lɔ-ɛ.

2 Timote 3:13

Nɛ̀ dɛ̍ᵻ sɔ̀nᵻ nyɔ̍ ke de̍ sì nyɔ̍-a mu̍ dě de̍i̍ gbǎ. U̍h-a boe nyɔ̍ɔ i̍, iě u̍h-a boe u̍h-a chɛ̀ i̍ ke.

1 Chɔɔn 4:1

Ǎn tìh kma nyɔ̍, mɔ̀ bɔ̌ nyɔ̍ kli̍hgbɛ̍ ùh la̍ ùh blě-a Nyɔsoa-a Sùù-ɛ wlùh gbaɛ. Mɔ̀ tɛ̀n u̍h-u pò u̍h sɔ dě Nyɔsoa we̍-ɛ. Dɛ̍nu̍ɛ, Nyɔsoa-a tu̍owli po̍ nyɔ̍-a si̍h naɛ dɔu-a sì la̍ blǔh we̍.

2 Chɔɔn 1:7

Nyɔ̍ i̍ boe nyɔ̍ dɔu-a sì la̍ blǔh we̍. Ka Jusu Klai ji̍-a dě nyi̍ɔ̍tu di̍i̍-ɛ, nyɔ̍ ùh se̍-a ɛ̍ tìh i̍ wɔ̌ɛn-ɛ, nɛ̀ nyɔ̍ i̍ boe nyɔ̍ ke Klai-a nyɛ̌-nyɔ̍ bo.

Wlɛfeleseɔn 1:3

Nyɔ̍ ùh-a slè-a dɛ̍ ɛ̀ chlǐh-dɛ̍ la ɛ̍ sà-a ìh-a nɛ-a ke jih-a mu̍-a nɛ dě nya̍-ɛ, nɛ̀ u̍h nmɔ i̍. Nɛ̀ dɛ̍ᵻ ìh nɛ-a dě ɛ̍ di̍i̍ pò nyɔ̍ wɔ̌n i̍h, wɛ̀ u̍h iě i̍h i̍ gbɛ̍n-ɛ, nɛ̀ u̍h nmɔ i̍. Dɛ̍nu̍ɛ, ti̍ ìh la i̍h-a mu̍-a nɛ-ɛ, ɛ̍ kɔǎn we̍ wɛ̀.

Wlɛfeleseɔn 12:9

Wɛ̀ wɔ̍n ku̍ dɔ̍sɛ laa̍ ɛ̍ poe-ɛ sɔ̀n. Tɛin tɛin sɛ̍ bo, iě ɛ̍ nynɛ̌ nu̍ Kǔ ke Setɔn. Ɛ̍ bo ɛ̀ nu̍ kmɔ̌ kli̍hgbɛ̍ i̍ boe nyɔ̍. Ɛ̍ poe-ɛ sɔ̀n nɔ̌ bloɔ̍, ɛ̍ ke ɛ̍ ǐnchɔ̀ kli̍hgbɛ̍ ke.