Pɔ̀n Chɛ̀ Luu To-a La 21:12 - Ku̍o̍ Delee 1999

¹² Jɛ pò ìh kli̍hgbɛ̍ la i̍h iě nɛ-ɛ, mɔ̀-a mu̍ gbɛ̍n-ɛ, u̍h iě mɔ̀ klě jě-e. Nɛ̀ u̍h-a mu̍ mɔ̀ sàwi̍h sì la̍ gba̍ dě wɛɛ sà gbòᵻ sɔ̀n i̍, wɛ̀ u̍h iě mɔ̀ kasooᵻ i̍ po̍. Ǎn tìh-ɛ, u̍h-a mu̍ mɔ̀ dǒ blǔh baaᵻ ke kɔ̀mla̍ᵻ jǔ gba̍.

Pɔ̀n Chɛ̀ Luu To-a La 21:12 Iomraidhean Croise

Matio 22:6

Wɛ̀ duuh gbɛ̍n pòi̍nynuu̍ laa̍. Iě u̍h nu̍ u̍h kà i̍, wɛ̀ u̍h dbǎ u̍h.

Matio 24:8

Ìh kli̍hgbɛ̍ la i̍h wɔ̀ ka nynɔ̌-a kwlǐ-a tɛ̀n gbǐh ɔ̍ iě gbàɔ̀n sà-ɛ.

Pɔ̀n Chɛ̀ Luu To-a La 21:11

Wlù poɔ ɛ̀ ku̍-a wɔ̍n-ɛ ke, mɔ̌ ke wɛ̌ᵻá mu̍ tà kli̍hgbɛ̍ gbǎ, wɛ̀ slènai dɛ̍ᵻ ke wɔ̍n ku̍ jbaɛdih iě dě ja̍u̍n wlì sɔ.

Chɔɔn 15:20

Dɛ̍ ǐn sà-a dě mɔ̀ we̍-ɛ, ɛ̍ bo mɔ̀ iě wlùh we̍ nu̍. Na̍a̍, ‘Pòi̍ju-u ku̍ wɔ̍n ɔ̍-ɔ sìì ɔ̍ dlǔtu.’ Ka u̍h jě-ea ǐn klě-ɛ, nɛ̀ u̍h-a mu̍ mɔ̀ klě jě-e ke. Ka u̍h nu̍-a ǎn wlu̍-ɛ, nɛ̀ kǎ u̍h-a mu̍ mɔ̀-a wlu̍ nu̍ ke.

Chɔɔn 15:21

Jɛ ǎn tìh bo u̍h-a mu̍ mɔ̀ ìh kli̍hgbɛ̍ la jii̍ nu̍, dɛ̍nu̍ɛ, u̍h se̍ nyɔ̍ ɔ̀ dbo̍-a m-ɛ juo.

Nu̍-dɛ̍ᵻ 22:30

Jɛ nɛ̀ fledlǔ-a klaa-a pɔ̀n ɔ̍ iě dɛ̍ kɔn tìh Juu nyɔ̍-a po̍-a Pɔɔ tìh dlǔ gbe̍i̍n-ɛ juo. Sɔ̀n sɛ̀n-aɛ, iě ɔ̍ sà Pɔɔ jɔɔ bu̍hᵻ i̍, wɛ̀ ɔ̍ po̍ nyɔ̍ slǔh u̍h iě Nyɔsoa-a slaǎ sà nyɔ̍ klaaᵻ ke taɔ klaaᵻ kli̍hgbɛ̍ i̍ gbòe. Wɛ̀ ɔ̍ gba̍ Pɔɔ iě ɔ̍ nyna-ɛ ɔ̍ i̍ dǒ u̍h jǔ.

Nu̍-dɛ̍ᵻ 5:40

Wɛ̀ u̍h dǎ Jusu-a gba̍tòà laa̍ dě de̍ gbò, iě u̍h bla̍ u̍h. U̍h la̍a̍, “Mɔ̀-ɔ wlu-i dǒ Jusu-a nynɛ̌ kɛ̍n dɛ de o.” Wɛ̀ u̍h dǔ u̍h sɔ̍n kɛ̍n sà-a.

Nu̍-dɛ̍ᵻ 8:3

Sɔ Sɔɔ tè chɔchi̍h jii̍ nyni-ɛ gbɔ̀ wɛ̀ kleǐn. Nɛ̀ ɔ̍ sà nynɔ̌gbaɔᵻ ke jɔ̍gbauᵻ gbòᵻ i̍, wɛ̀ ɔ̍ blě u̍h i̍ klǎ-a ɔ̍ po̍ u̍h kasoo.

Nu̍-dɛ̍ᵻ 9:4

Iě ɔ̍ kà i̍ dǒ bloɔ̍. Dǒ ɔ̍ wɔ̌n-ɛ wlu̍ ɛ̍ la̍a̍ dě ɔ̍ we̍, “Sɔɔ, Sɔɔ, dɛ̍ kɔn mɔ̍ àn jě-e klě ɛ?”

1 Pitɛ 2:13

Mɔ̀ tù Joi-a tìh mɔ̀ iě tùn blě nyɔ̍ kli̍hgbɛ̍ dɛ̍ɛ̍ jě, ɛ̍ ke Bloa̍ Joi ke,

Wlɛfeleseɔn 2:10

Mɔ̀ bɔ̌ faɔn ple̍-ɛ dǒ jih kɔn jua̍i̍ mɔ̀-a ji̍-a sàɛ̀ la̍-a we̍. Kǔ-a mu̍ mɔ̀-a nyɔ̍ duuh kasoo po̍ wɛ̀ mɔ̀-a wlùh gbaɛ iě i̍ tɛ̀n-ɛ. Wɛ̀ mɔ̀ iě klě jě dǒ wǐh pùè di̍i̍. Pò ɛ̍ jɛ ja mɔ̀ dbǎ mu̍-ɛ, mɔ̀ blě wlùh gbaɛ, nɛ̀ ǎn mu̍ mɔ̀ feɛ-a blawɛ̌ tèè.