Pɔ̀n Chɛ̀ Luu To-a La 20:5 - Ku̍o̍ Delee 1999

⁵ Sɔ u̍h-a sǔh-a pu̍e̍e la̍ ɛ̍ wɔ̍ɔ̍n i̍ sǔh. U̍h la̍a̍, “Pò à la̍a̍, ‘Nyɔsoa bo-ɛ,’ nɛ̀ ɔ̍ mu̍ ka dǎ, ‘Dɛ̍nu̍ mɔ̀ se̍ ɔ̍ tìh chɛ̀ po̍ la̍ ɛ?’

Pɔ̀n Chɛ̀ Luu To-a La 20:5 Iomraidhean Croise

Matio 16:7

Iě u̍h-a sǔh-a pu̍e̍e wlùh i̍, u̍h la̍a̍, “Nɛ̀ à se̍ blèe̍ ja dɛbo ɛ̍ kɔn ɔ̍ bla̍ dɛ̍ la kɔ̌ɔ-a.”

Matio 21:25

Nyɔ̍ bo ɔ̀ nyǐ Chɔɔn tùn wɛ̀ ɔ̍ po̍ nyɔ̍ nǐ dlǔ ɛ? Nyɔsoa bo ɛɛ, àe̍e̍ wlɔ̀ nyi̍ɔ̍ bo ae?” Wɛ̀ u̍h-a sǔh-a pu̍e̍e ɛ̍ wɔ̍ɔ̍n i̍. U̍h la̍a̍, “Pò à la̍a̍, ‘Nyɔsoa bo-ɛ,’ nɛ̀ ɔ̍ mu̍ ka nu̍, ‘Dɛ̍nu̍ mɔ̀ se̍ ɔ̍ tìh chɛ̀ po̍ la̍ ɛ?’

Pɔ̀n Chɛ̀ Luu To-a La 20:4

nyɔ̍ bo ɔ̀ nyǐ Chɔɔn tùn ke wɛ̀ ɔ̍ po̍ nyɔ̍ nǐ dlǔ ɛ? Nyɔsoa bo ɛɛ, àe̍e̍ wlɔ̀ nyi̍ɔ̍ bo ae?”

Pɔ̀n Chɛ̀ Luu To-a La 20:6

Iě pò à la̍a̍, ‘Wlɔ̀ nyi̍ɔ̍ bo-ɛ,’ nɛ̀ nyɔ̍ kli̍hgbɛ̍-a mu̍ à sɔɔ̌ᵻ i̍ tbaɛ. Dɛ̍nu̍ɛ, u̍h juo ɛ̍ kleǐn ka Chɔɔn nu̍-a Nyɔsoa-a tu̍owli po̍ nyɔ̍-ɛ.”

Chɔɔn 1:30

Ɔ̀ la ɔ̍ kɔn tìh bo ǐn bla̍, wɛ̀ na̍a̍, ‘Ɔ̀ mu̍-a ǐn kɛ̍n i̍ ji̍-ɛ, ɔ̍ ku̍ wɔ̍n ɔ̍ sìì m̀. Dɛ̍nu̍ɛ, ɔ̍ nɛ kmɔ̌ sasǎ wɛ̀ ǐn dǔ wlǔh-ɛ.’

Chɔɔn 1:34

Wɛ̀ ǐn jě ɛ̍ nɛ la̍, iě ǐn nu̍ ɔ̍ sàànsi̍i̍h, na̍ ɔ̀ la Nyɔsoa-a Jǔ bo.”

Chɔɔn 3:26

Wɛ̀ u̍h mu̍ dě Chɔɔn we̍, iě u̍h la̍a̍, “Dlǔtu, jɔ̍gbau ɔ̀ ke ìn nɛ-a dě Jɔɔdɛn nǐ-a fɔ̌ dɛɛ we̍, ɔ̀ kɔn sàànsi̍i̍h ìn nu̍-aɛ, ɔ̍ po̍ la̍ nyɔ̍ nǐ dlǔ de̍à. Iě nyɔ̍ kli̍hgbɛ̍-a mu̍ dě ɔ̍ we̍.”

Chɔɔn 3:36

Nyɔ̍ jɔ gbaɛ-a Jǔ la wlùh-ɛ, nɛ̀ ɔ̍ blě kmɔ̌ sie feɛ. Jɛ nyɔ̍ jɔ se̍-a Jǔ la ɔ̍ wlu̍ nu̍-ɛ, ɔ̍ se̍ feɛ jě mu̍. Jɛ nɛ̀ Nyɔsoa-a mu̍ ɔ̍ kàn gbɛ̍n.

Nu̍-dɛ̍ᵻ 13:25

Ti̍ Chɔɔn-a mu̍-a la̍ ɔ̍ dbo̍ i̍ wɔ̀-ɛ, iě ɔ̍ la̍a̍, ‘Mɔ̀ jajeɛ̍ mɔ̍ nyɔ̍we̍ ɛ? Ǐn se̍ jɔ mɔ̀-a fuo-a kɛ̍ɛ̍n-ɛ, jɛ ɔ̍ mu̍ ǐn kɛ̍n i̍ ji̍. Ɔ̍ bu̍hdih-a chɛ̀ bo ǐn se̍ i̍ blaɛ iě pɔ̀ni.’