Pɔ̀n Chɛ̀ Luu To-a La 2:51 - Ku̍o̍ Delee 1999

⁵¹ Wɛ̀ ɔ̍ ke u̍h mu̍ de̍ dǒ Naaslɔɛ wlɔ̀ di̍i̍. Ɔ̍ nu̍ u̍h-a wlu̍ ma̍u̍. Wɛ̀ ɔ̍ de̍ blě-e ìh kli̍hgbɛ̍ la dǒ wlùh kɛ̍n.

Pɔ̀n Chɛ̀ Luu To-a La 2:51 Iomraidhean Croise

Matio 12:46

Jusu nɛ dǒ nyɔ̍ tlùgbei̍ laa̍ we̍ wlu la̍ sǔh, iě ɔ̍ de̍ ke ɔ̍ de̍di̍i̍ᵻ ji̍ u̍h nyna i̍ dě sɔ̀n u̍h-a pɔ̀n ɔ̍ we̍ wlu-ɛ i̍.

Matio 3:15

Jɛ Jusu la̍a̍, “Kaka la̍ kǎ ɛ̍ iě nɛ. Dɛ̍nu̍ɛ, pò à nu̍ la̍a̍n-ɛ, nɛ̀ dɛ̍ᵻ kli̍hgbɛ̍ Nyɔsoa-a pɔ̀n-a bo à nu̍-a.” Wɛ̀ Chɔɔn dǔ wɔ̌n-ɛ.

Pɔ̀n Chɛ̀ Maɛ To-a La 1:9

Dǒ ti̍ laa̍ di̍i̍ bo Jusu sɔ-ɛ dǒ Naaslɔɛ wlɔ̀ di̍i̍ dě Kaladii fɔɔ, wɛ̀ ɔ̍ ji̍. Iě Chɔɔn po̍ ɔ̍ nǐ dlǔ dǒ Jɔɔdɛn nǐ kɛ̍n.

Pɔ̀n Chɛ̀ Maɛ To-a La 6:3

Ɛ̍ se̍ Mɛle-a jǔ ɔ̀ nu̍-a kɔ̍-nyɔ̍, ɔ̀ kɔn de̍di̍i̍ᵻ nu̍-a Chiin ke, Josɛ ke, Juda ke Samo-ɛ ae? Ɔ̀ kɔn de̍di̍i̍ᵻ nynɔ̌gbaɔᵻ tǐn-a da̍a à we̍-ɛ, ɛ̍ se̍ ɔ̍ mɔ ae?” Sɔ u̍h se̍ ɔ̍ jě-ɛ jbǎ.

Pɔ̀n Chɛ̀ Luu To-a La 18:37

Wɛ̀ u̍h sèàɛ̍ ɔ̍ wlùh, u̍h la̍a̍, “Jusu ɔ̀ sɔ-a dǒ Naaslɔɛ wlɔ̀ di̍i̍-ɛ bo ɔ̀ sì.”

Pɔ̀n Chɛ̀ Luu To-a La 2:19

Ìh kli̍hgbɛ̍ u̍h bla̍-aɛ, Mɛle gbɛ̍n-ɛ i̍h dounᵻ i̍, iě ɔ̍ naɛ i̍h-a tìh-a wlùh i̍.

Pɔ̀n Chɛ̀ Luu To-a La 2:39

Josɛ ke Mɛle wɔ̀-a dɛ̍ᵻ kli̍hgbɛ̍ Joi-a telě dǎ-aɛ nu̍-ɛ, wɛ̀ u̍h mu̍ dǒ de̍ Kaladii bloa̍ kɛ̍n dǒ u̍h-a chɛ̀-a Naaslɔɛ wlɔ̀ di̍i̍.

Pɔ̀n Chɛ̀ Luu To-a La 4:16

Wɛ̀ Jusu mu̍ dě Naaslɔɛ wlɔ̀ di̍i̍, tà ɔ̍ ku̍-iaɛ. Iě ɔ̍ mu̍ dě Juu nyɔ̍-a wɛɛ sà gbò sɔ̀n dǒ u̍h-a wlè-weɛ̍ di̍i̍, ka ɔ̍ nu̍-a se̍e̍-ɛ. Wɛ̀ ɔ̍ nyna i̍ ɔ̍ iě Nyɔsoa-a wlu̍ slè.

Pɔ̀n Chɛ̀ Luu To-a La 4:23

Iě ɔ̍ la̍a̍ dě u̍h we̍, “Ǐn juo i̍h kleǐn ka mɔ̀-a mu̍-a ka ǐn nɛnǎ i̍ poe wɛ̀ mɔ̀ iě-a ka dǎ-ɛ, ‘Kwɛ̍i̍n nyɔ̍, pǔh-i àn chɛ̀.’ Dɛ̍ᵻ mɔ̀ wɔ̌n-a ǐn nu̍-a dě Kepanium wlɔ̀ di̍i̍-ɛ, mɔ̀-a mu̍ ǐn wlùh sèàɛ̍ iě i̍h nu̍ ke da̍a ǎn chɛ̀-a wlɔ̀ di̍i̍.

Ɛfɛsɔ 5:21

Mɔ̀ tù Klai dɛ̍ɛ̍ jě tìh mɔ̀ iě mɔ̀-a chɛ̀ wlù ja dě mɔ̀-a chɛ̀ nynɛ̌.

1 Pitɛ 2:21

Ɛ̍ kɔn tìh bo Nyɔsoa dǎ mɔ̀, dɛ̍nu̍ɛ, Klai-a chɛ̀ sàɛ̀ jua̍i̍ ke dǒ mɔ̀ we̍. Mɔ̀ɔ̍ bo ùh nu̍ ɔ̍ blaiɛ̍ ɔ̍ si̍e̍ mɔ̀ iě-e ɔ̍ wɔ̀ɔ̀ i̍ sà.