Pɔ̀n Chɛ̀ Luu To-a La 2:34 - Ku̍o̍ Delee 1999

³⁴ Iě Simiɔ sà-ɛ u̍h nǐ wɔ̍n. Wɛ̀ ɔ̍ la̍a̍ dě jǔ de̍ Mɛle we̍, “Jǔ la ɔ̍ tìh nyɔ̍ dɔu-a mu̍-u gbɔ̀lɔ-ɛ, iě nyɔ̍ dɔu iě sèìe-ɛ nɔ̌ Eslɔɛ. Ɔ̍ mu̍ juola ɛ̀ sɔ-a dě Nyɔsoa we̍-ɛ nu̍ nyɔ̍ dɔu iě ɔ̍ chla tba̍.

Pɔ̀n Chɛ̀ Luu To-a La 2:34 Iomraidhean Croise

Matio 11:19

Nyi̍ɔ̍-a Jǔ ji̍-aɛ, iě ɔ̍ di̍ dɛ̍ wɛ̀ ɔ̍ nǎ. Iě u̍h la̍a̍, ‘Ɔ̍ nyni wɔ̍i̍n iě ɔ̍ sìèè ɔ̍ chɛ̀ nmɔ̍ wlì. Gbɛ̀n-e, ɔ̍ ke taa̍sìh sà nyɔ̍ ke gblɛ̍n sɔ̀ɛ̀n nyɔ̍ jbɛɛ.’ Jɛ Nyɔsoa-a flɔ̍nwlùh-a flɔn-ɛ ɛ̍ chɛ̀ we̍ i̍ dǒ ɛ̍ nu̍-dɛ̍ we̍.”

Matio 12:46

Jusu nɛ dǒ nyɔ̍ tlùgbei̍ laa̍ we̍ wlu la̍ sǔh, iě ɔ̍ de̍ ke ɔ̍ de̍di̍i̍ᵻ ji̍ u̍h nyna i̍ dě sɔ̀n u̍h-a pɔ̀n ɔ̍ we̍ wlu-ɛ i̍.

Matio 21:44

Nɛ̀ nyɔ̍ ɔ̀ mu̍-a i̍ kà dǒ sɔɔ̌ la kɛ̍n-ɛ, nɛ̀ ɔ̍ mu̍ ja̍ i̍ chlà-ɛ. Jɛ nyɔ̍ ɔ̀ sɔɔ̌-a chɛ̀-a mu̍-a kɛ̍n gbǎ-ɛ, nɛ̀ ɔ̍ mu̍ i̍ waɛ.]”

Matio 27:63

U̍h la̍a̍, “Nyɔ̍ klaa, si̍h tmɔ̌-dɛ̍ laa̍ ti̍ ɔ̍ nɛ-a kmɔ̌-ɛ, ɔ̍ la̍ pò ɔ̍ mɛ̌-ɛ, wǐh ta̍a̍n sì-ɛ, nɛ̀ ɔ̍ mu̍-e wlǔh dode̍. I̍h bo ìh sǐ dǒ à wlì i̍, ɛ̍ kɔn à ji̍ nɔ̌ ìn we̍,

Pɔ̀n Chɛ̀ Luu To-a La 2:35

Ɔ̍ mu̍ u̍h-a wlùh i̍ naɛ dɛ̍ᵻ gbaɛ̍we̍ tè. Nɛ̀ àn pɔluh-a mu̍ wàànwààn nu̍ dǒ wɔɛ we̍, ka nmǎ-a plàn chlɛ̀n-a chɛ̍n dɛ̍ i̍-ɛ.”

Chɔɔn 3:20

Nyɔ̍-o-nyɔ̍ ɔ̀ nu̍-a dɛ̍ᵻ sɔ̀nᵻɛ́, nɛ̀ ɔ̍ faɛn sɔ̀npli, nɛ̀ ɔ̍-ɔ ji̍ dǒ sɔ̀npli we̍. Dɛ̍nu̍ɛ, nɛ̀ ɔ̍ dɛ̍ᵻ sɔ̀nᵻá mu̍ kɛ̍n nyɛ.

Chɔɔn 5:18

Ɛ̍-ɛ bo ɛ̀ po̍ Juu nyɔ̍-a nyɔ̍ klaaᵻá jlu̍h dě de̍i̍ u̍h iě ɔ̍ dbǎ. Dɛ̍nu̍ɛ, ɔ̍ se̍ wlè-weɛ̍ nɛ due-a telě wa̍ dɛ, jɛ ɔ̍ dǎɛ Nyɔsoa ɔ̍ kɔn-ɔ Baa, nɛ̀ ɔ̍ po̍ la̍ ɔ̍ chɛ̀ Nyɔsoa we̍ bo.

Nu̍-dɛ̍ᵻ 13:45

Jɛ ti̍ Juu nyɔ̍ jě-a nyɔ̍ tlùgbei̍ laa̍-ɛ, sɔ ɛ̍ po̍ u̍h wlɛ̀n di̍i̍. Iě u̍h-a po̍ Pɔɔ-a wlu̍ pàwe̍i̍, u̍h-a chlèe ɔ̍.

Nu̍-dɛ̍ᵻ 17:6

Jɛ u̍h se̍-a Pɔɔ ke Sale jě-ɛ, wɛ̀ u̍h gbɛ̍n Jeesɛn, u̍h blě ɔ̍ ke de̍di̍i̍ᵻ duuh i̍ klǎ-a, iě u̍h gba̍ u̍h dě wlɔ̀-a wlu̍ kwa̍ blě nyɔ̍ jǔ. Nɛ̀ u̍h-a wǐi i̍, u̍h la̍a̍, “Nyɔ̍ la ùh-a tba̍-a kmɔ̌ la jii̍ wlù-ɛ, u̍h bo ùh ji̍ da̍a à we̍ wlɔ̀ wɛ̀,

Nu̍-dɛ̍ᵻ 24:5

Jɔ̍gbau la à juo ɛ̍-ɛ, kanɛa nyɔ̍ bo, ɛ̍ kɔn à gbɛ̍n ɔ̍. Ɔ̍ sà wě ja̍a̍ i̍ dě Juu nyɔ̍ nynɛ̌ da̍a kmɔ̌ kli̍hgbɛ̍ la we̍, iě ɔ̍ nu̍ fààmlà dě Naaslɔɛ nyɔ̍-a gbɔ̀ù di̍i̍.

Nu̍-dɛ̍ᵻ 28:22

Jɛ à pɔ̀n à iě nàɛ̀ flɔ̍nwlùh juo, dɛ̍nu̍ɛ, à juo ɛ̍-ɛ gbɔ̀ù la ìn nɛ-a dě di̍i̍-ɛ, u̍h-a bla̍ ɛ̍ tìh pùn i̍ tà kli̍hgbɛ̍.”

Nu̍-dɛ̍ᵻ 4:26

Blǔh baaᵻ nɛ-a nɔ̌ bloɔ̍-ɛ, u̍h po̍ u̍h-a chɛ̀ gba̍a̍, iě nyɔ̍-a wlu̍ kwa̍ blě nyɔ̍-a gbòe i̍, u̍h iě Joi ke ɔ̍ Chèɛ̀ Tba̍ju bu̍hᵻ tbaɛ.’

Nu̍-dɛ̍ᵻ 6:7

Sɔ Nyɔsoa-a wlu̍ sɛ̍ i̍, wɛ̀ Jusu-a kòà nɛ-a dǒ Juluslɛn wlɔ̀-ɛ, iě u̍h gboǎɛ kɛ̍n i̍ dɛ̍blɔ. Wɛ̀ Nyɔsoa-a slaǎ sà nyɔ̍ dɔu gbaɛ Jusu wlùh.

Wloma 9:32

Dɛ̍nu̍ ɛ̍ se̍ u̍h i̍ slɛ̌-ɛ ɛ? U̍h se̍ i̍ slɛ̌-ɛ i̍ pɔ̀n dě wlùh gbaɛ di̍i̍, jɛ u̍h-a chɛ̀-a nu̍-dɛ̍ᵻ bo u̍h tba̍ wlùh i̍. Sɔ nɛ̀ nyɔ̍ gbèle sɔɔ̌ bo u̍h gbèle.

1 Kɔwlɛntiɔn 1:23

Jɛ àɔ̀ nɔ̀ɔ̍, à bla̍ Klai-a dǒ tu̍ wlì kɔ̍-ɛ tìh, wɛ̀ Juu nyɔ̍-a dǎɛ ɛ̍ nyɔ̍ tàmlain poe dɛ̍. Iě ɛ̍ wɔ̀ se̍o̍nɛ dǒ ùh se̍-a Juu-ɛ we̍.

Iblu 7:1

Mɛokeslɛ la, blǔh baa bo dǒ Selɛn wlɔ̀ we̍, wɛ̀ ɔ̍ nu̍ slaǎ sà nyɔ̍ dǒ Sìì Nyɔ̍ Wɔ̍n Nyɔsoa we̍. Ti̍ Eblaɛɛn-a sɔ-a tu̍h we̍ tà ɔ̍ dbǎ-ɛa blǔh baaᵻ nyìɛ̍-ɛ, Mɛokeslɛ laa̍ bo ɔ̀ jǎɛ ɔ̍ i̍, wɛ̀ ɔ̍ sà-ɛ Eblaɛɛn nǐ wɔ̍n.

Iblu 7:7

Ɛ̍ nɔ̀ɔ̍, tìh-a taǐn bo, nyɔ̍ ɔ̀ nyǐ-a nyɔ̍ pɔ̀ìě-ɛ, nɛ̀ ɔ̍-ɔ bo ɔ̀ ku̍ wɔ̍n dǒ nyɔ̍ ɔ̍ nyǐ-a pɔ̀ìě-ɛ kɛ̍n.

1 Pitɛ 4:14

Pò u̍h po̍ mɔ̀ wlu̍ pùn mɔ̀-a Klai de̍e̍ gbǎ tìh-ɛ, nɛ̀ mɔ̀ nmɔ i̍. Dɛ̍nu̍ɛ, tìh-a i̍ bɛ̌-ɛ Sùù ɛ̀ kɔn-a dǒ Nyɔsoa we̍-ɛ, nɛ̀ ɛ̍ nɛ mɔ̀ kɛ̍n.