Pɔ̀n Chɛ̀ Luu To-a La 2:25 - Ku̍o̍ Delee 1999

²⁵ Dǒ ti̍ laa̍ di̍i̍-ɛ, nɛ̀ jɔ̍gbau due nɛ dǒ Juluslɛn, ɔ̍ nynɛ̌ nu̍ Simiɔ. Ɔ̍ gblɛ̍n nmɔ jii̍ iě ɔ̍ nu̍ Nyɔsoa nyɔ̍. Iě Nyɔsoa-a Sùù nɛ ɔ̍ we̍. Nɛ̀ ɔ̍ fuo Eslɔɛ nyɔ̍-a pǔh-u ti̍.

Pɔ̀n Chɛ̀ Luu To-a La 2:25 Iomraidhean Croise

Pɔ̀n Chɛ̀ Maɛ To-a La 15:43

jɔ̍gbau due u̍h-a dǎɛ-a Josɛ-ɛ ji̍-i, ɔ̍ sɔ dǒ Awlematia wlɔ̀ di̍i̍. Ɔ̍ nu̍ nyɔ̍ klaa ke dě taɔ pa̍ dɛ di̍i̍. Wɛ̀ ɔ̍ chɛ̀ ɔ̍ fuo Nyɔsoa-a kmɔ̌ wlu̍ i̍ kɔn-ɛa wìè dɛ ke. Ɔ̍ bo ɔ̀ bɛ̌ wlì i̍ wɛ̀ ɔ̍ mu̍ dě Pale we̍, iě ɔ̍ jbǎ Jusu-a kǔ.

Pɔ̀n Chɛ̀ Luu To-a La 1:41

Ilesebɛ wɔ̌n-a Mɛle-a ɔ̍ nyinɔ̍ i̍ sà wlu̍-ɛ, jǔpliɛ nɛ-a dě ɔ̍ di̍i̍-ɛ, sɔ ɔ̍ buǒ mu̍-o ja̍i̍ sǔh, iě Nyɔsoa-a Sùù jǐi Ilesebɛ-ɛ i̍.

Pɔ̀n Chɛ̀ Luu To-a La 1:6

U̍h nɛ-a sɔɔ̌n-ɛ, u̍h-a nu̍-dɛ̍ slɛ̌ i̍ dě Nyɔsoa jlǐh. U̍h-a tè-o Joi-a telě kli̍hgbɛ̍ i̍.

Pɔ̀n Chɛ̀ Luu To-a La 1:67

Iě Nyɔsoa-a Sùù jǐi Chɔɔn baa Sɛɛkewlaɛɔ i̍, wɛ̀ ɔ̍ po̍ Nyɔsoa-a tu̍owli, ɔ̍ la̍a̍,

Pɔ̀n Chɛ̀ Luu To-a La 2:38

Dǒ ti̍-a taǐn laa̍ di̍i̍ bo ɔ̍ ji̍-i iě ɔ̍ po̍ Nyɔsoa tlɔ̌. Wɛ̀ ɔ̍ bla̍ tìh dǒ jǔpliɛ laa̍ ɔ̍ dɛ we̍ dě nyɔ̍ kli̍hgbɛ̍ ùh-a pɔ̀n-a ti̍ Nyɔsoa-a mu̍-a Juluslɛn sèìe-ɛ jě-ɛ i̍-ɛ we̍.

Pɔ̀n Chɛ̀ Luu To-a La 23:51

Ɔ̍ se̍ Juu nyɔ̍-a tìh i̍ chɛ̍n-ɛ ke u̍h-a nu̍-dɛ̍ we̍ wɔ̌ɛn. Dɛ̍nu̍ɛ, ɔ̍ gbɛ̀n-e wìè-i ɔ̍ iě Nyɔsoa-a kmɔ̌ wlu̍ i̍ kɔn la̍ jě.

Nu̍-dɛ̍ᵻ 10:2

Ɔ̍ sìì Nyɔsoa dɛ we̍, wɛ̀ ɔ̍ ke ɔ̍ chɛ̌ kli̍hgbɛ̍-a ple̍ Nyɔsoa-a faɔn. Ɔ̍ nmɔ-a wlùh dǒ nyɔ̍ɔ we̍-ɛ, ɛ̍ se̍ dɛ̍ka nɛ. Iě ɔ̍-ɔ fɔ-ɛ Nyɔsoa ba̍le-ɛ we̍ i̍.

Nu̍-dɛ̍ᵻ 10:22

U̍h la̍a̍, “Chape Kɔleniɔ bo ɔ̀ dbo̍ àɔ̀. Ɔ̍ nmɔ gblɛ̍n-ɛ, iě ɔ̍ ple̍ Nyɔsoa-a faɔn. Ɛ̍ tìh-ɛ, Juu nyɔ̍ kli̍hgbɛ̍-a jě ɔ̍ dɛ̍ɛ̍. Wɛ̀ Nyɔsoa-a ǐnchɔ̀ sèàɛ̍ ɔ̍ wlùh ɔ̍ iě ìn dǎ dě ɔ̍ blǐ gbò, dɛ̍ ìn blě-a ìè-a sà-a, ɔ̍ iě ɛ̍ dounᵻ we̍ po̍.”

Nu̍-dɛ̍ᵻ 2:5

Ɛ̍ ti̍ laa̍ nɛ̀ Juu-a Nyɔsoa nyɔ̍ ùh tǐn-a dǒ Juluslɛn-ɛ, bloa̍ kli̍hgbɛ̍ nɛ-a da̍a ja̍u̍n la sɔ̀n-ɛ bo u̍h sɔ kɛ̍n i̍.

Nu̍-dɛ̍ᵻ 24:16

Ɛ̍ kɔn ǎn po̍-e gbǐh ti̍ kli̍hgbɛ̍ we̍, wɛ̀ nɛ̌ je̍e dɛ̍ nu̍ ɛ̍ je̍e ǎn wlùh-u kǎ dǒ Nyɔsoa ke wlɔ̀ nyi̍ɔ̍ we̍.

2 Pitɛ 1:21

Dɛ̍nu̍ɛ, nyɔ̍-ɔ tè-o i̍ tèè wɛ̀ ɔ̍-ɔ po̍ Nyɔsoa-a tu̍owli, jɛ nyɔ̍ Nyɔsoa-a Sùù dǔ-a i̍-ɛ, ɔ̍-ɔ bo ɔ̀ po̍ Nyɔsoa-a tu̍owli.