Pɔ̀n Chɛ̀ Luu To-a La 2:11 - Ku̍o̍ Delee 1999

¹¹ Mɔ̀-a Sèìe Nyɔ̍ Klai ɔ̀ nu̍-a Joi-ɛ, ɔ̍-ɔ bo ɔ̀ wlǔh sèàn dǒ Depe blǐ wlɔ̀.

Pɔ̀n Chɛ̀ Luu To-a La 2:11 Iomraidhean Croise

Matio 1:16

Jekɔ wlǔh-i Josɛ ɔ̀ nu̍-a Mɛle-a kɔan-ɛ. Mɛle bo ɔ̀ wlǔh-ia Jusu, ɔ̀ nu̍-a Nyɔsoa-a Chèɛ̀ Tba̍ju.

Matio 1:21

Ɔ̍ mu̍ jɔ̍gbau jǔ wlǔh-i, nɛ̀ ìn dǎɛ ɔ̍ Jusu, ɛ̍ gbɔ̀ nu̍ Nyɔsoa sèìe àɔ̀. Dɛ̍nu̍ɛ, ɔ̍ mu̍ ɔ̍ nyɔ̍ sèìe dě u̍h-a gblɛ̍n sɔ̀ɛ̀n di̍i̍.”

Matio 16:16

Wɛ̀ Samo Pitɛ la̍a̍, “Mɔ̀ Chèɛ̀ Tba̍ju, ɔ̀ nu̍-a kmɔ̌ nɛ Nyɔsoa-a Jǔ-ɛ.”

Matio 16:20

Wɛ̀ ɔ̍ nɛ̌ɛ ɔ̍ kòà wlu̍ dounᵻ i̍, u̍h-u je̍e nyɔ̍ dɔɔ wlùh sèàɛ̍ ka ɔ̍ nu̍-a Nyɔsoa-a Chèɛ̀ Tba̍ju-ɛ.

Pɔ̀n Chɛ̀ Luu To-a La 1:43

Dɛ̍ bo ɛ̀ sà-e ǎn jua̍a̍ wɛ̀ ǎn Joi de̍-a ji̍ nɔ̌ ǐn we̍ i̍ nala ɛ?

Pɔ̀n Chɛ̀ Luu To-a La 1:69

Ɔ̍ nyǐ àɔ̀ Sèìe Nyɔ̍ ɔ̀ blě-a gbǐh-ɛ wɛ̀, ɔ̀ nu̍-a ɔ̍ pòi̍ju Depe-a tloemlai-ɛ.

Pɔ̀n Chɛ̀ Luu To-a La 2:26

Iě Nyɔsoa-a Sùù sèàɛ̍ ɔ̍ wlùh, ɛ̍ la̍ ɔ̍ se̍ mɛ̌ mu̍ wɛ̀ ɔ̍ iě Joi-a Chèɛ̀ Tba̍ju jě.

Pɔ̀n Chɛ̀ Luu To-a La 2:4

Wɛ̀ Josɛ sɔ dě Kaladii dǒ Naaslɔɛ wlɔ̀ di̍i̍, iě ɔ̍ mu̍ Judia dǒ Bɛfleɛɛn wlɔ̀ di̍i̍. Bɛfleɛɛn wlɔ̀ bo ɛ̀ nu̍ blǔh baa Depe-a wlɔ̀, wɛ̀ Josɛ nu̍ Depe-a tloemlai. Ɛ̍ kɔn ɔ̍ mu̍-o u̍h iě ɔ̍-o slè-e.

Chɔɔn 1:41

Sàǐtòò dɛ̍ Andlu nu̍-aɛ, ɔ̍ pɔ̀n ɔ̍ de̍di̍i̍ Samo i̍ iě ɔ̍ sèàɛ̍ ɔ̍ wlùh. Ɔ̍ la̍a̍, “À jě Nyɔsoa-a Chèɛ̀ Tba̍ju wɛ̀.” (Ɔ̍ nynɛ̌ la ɛ̍ gbɔ̀ nu̍ Klai dě Klii wlu̍ di̍i̍.)

Chɔɔn 1:45

Felɔ pɔ̀n Natanio i̍, iě ɔ̍ la̍a̍ dě ɔ̍ we̍, “Ɔ̀ kɔn tìh Mose sà-a dě telě chlǐh-dɛ̍ di̍i̍ wɛ̀ Nyɔsoa-a tu̍owli po̍ nyɔ̍ sà-a ɔ̍ tìh i̍ ke-ɛ, à jě ɔ̍ wɛ̀. Josɛ-a jǔ Jusu bo, ɔ̍ sɔ dǒ Naaslɔɛ wlɔ̀ di̍i̍.”

Chɔɔn 11:27

Mata la̍a̍, “I̍i̍n Joi, ǐn po̍ ɛ̍ tìh chɛ̀ mɔ̀ bo ɔ̀ nu̍ Nyɔsoa-a Chèɛ̀ Tba̍ju, ɔ̀ nu̍-a ɔ̍ Jǔ ɔ̀ kɔn ɔ̀ iě-a nɔ̌ kmɔ̌ we̍ ji̍-ɛ.”

Chɔɔn 20:31

Ìh la i̍h chlǐh-ɛ, wɛ̀ mɔ̀ iě ɛ̍ tìh chɛ̀ po̍ ka Jusu nu̍-a Nyɔsoa-a Jǔ ɔ̀ nu̍-a ɔ̍ Chèɛ̀ Tba̍ju-ɛ. Nɛ̀ wlùh gbaɛ blě-ɛ bo ɛ̀ mu̍ mɔ̀ feɛ nyǐ dǒ ɔ̍ nynɛ̌ kɛ̍n.

Chɔɔn 4:25

Iě nynɔ̌ la̍a̍ dě ɔ̍ we̍, “Ǐn juo i̍h Nyɔsoa-a Chèɛ̀ Tba̍ju u̍h-a dǎɛ-a Klai-ɛ, ɔ̍ mu̍ ji̍. Ti̍ ɔ̍ mu̍-a ji̍-ɛ, ɔ̍ mu̍ à dɛ̍ᵻ kli̍hgbɛ̍ wlùh sèàɛ̍.”

Chɔɔn 4:42

Iě u̍h la̍a̍ dě nynɔ̌ laa̍ we̍, “Ɛ̍ se̍ àn wlu̍-a tìh à se̍ wlùh gbaɛ-ɛ blě dɛ o, jɛ à chɛ̀ wɔ̌n ɔ̍ wlu̍ wɛ̀, iě à juo dɛ̍ i̍ ka ɔ̍ nu̍-a kmɔ̌ la ɛ̍ Sèìe Nyɔ̍ chɛ̀ɛ̌chɛ̀-ɛ.”

Chɔɔn 6:69

À gbaɛ ìn wlùh wɛ̀, iě à juo ɛ̍ ka ìn nu̍-a Nɛi̍ Wɛ̀ Nyɔ̍ ìn sɔ-a dě Nyɔsoa we̍-ɛ.”

Chɔɔn 7:41

Duuh la̍a̍, “Ɔ̀ la Nyɔsoa-a Chèɛ̀ Tba̍ju bo.” Iě duuh la̍a̍, “Nɛ̀ dě Kaladii bloa̍ kɛ̍n bo Chèɛ̀ Tba̍ju-a mu̍-u sɔ ae?

Nu̍-dɛ̍ᵻ 10:36

Mɔ̀ juo tu̍owli ɔ̍ dbo̍-a dě Eslɔɛ nyɔ̍ we̍-ɛ, nyɔ̍-a wlùh i̍ tè-e pɔ̀n chɛ̀ la Jusu Klai ɔ̀ nu̍-a nyɔ̍ kli̍hgbɛ̍-a Joi-ɛ, dě ɔ̍ ja̍a̍ bo ɔ̍ jii wɛ̀ ɔ̍ bla̍ ɛ̍ we̍i̍.

Nu̍-dɛ̍ᵻ 13:23

Nyɔ̍ Sèìe Nyɔ̍ kɔn wlu̍ Nyɔsoa po̍-a tɔ̀ma̍a̍-a, dě jɔ̍gbau la ɔ̍ tloemlai nynɛ̌ bo ɔ̍ sà ɔ̍, iě ɔ̍ ja ɔ̍ Eslɔɛ nyɔ̍. Ɔ̍ bo ɔ̀ nu̍-a Jusu.

Nu̍-dɛ̍ᵻ 17:3

Nɛ̀ ɔ̍ sèàɛ̍ ɛ̍ we̍ i̍ iě ɔ̍ flɔn-ɛ ɛ̍ we̍i̍ ka Nyɔsoa-a Chèɛ̀ Tba̍ju la ɔ̍ kɔn ɔ̍ iě-a jua̍i̍ sàɛ̀ wɛ̀ ɔ̍ iě-ae wlǔh-ɛ. Wɛ̀ Pɔɔ la̍a̍, “Jusu la ɔ̀ kɔn tìh ǎn bla̍-a dě mɔ̀ we̍-ɛ, ɔ̍ bo ɔ̀ nu̍ Nyɔsoa-a Chèɛ̀ Tba̍ju.”

Nu̍-dɛ̍ᵻ 2:36

“Ɛ̍ tìh-ɛ, Eslɔɛ nyɔ̍ kli̍hgbɛ̍ kɔn u̍h iě ɛ̍ i̍ juo. Jusu ɔ̀ mɔ̀ kɔ̍-a dǒ gbàɛ̍ kɛ̍n i̍ tu̍ wlì-ɛ, ɔ̍ bo Nyɔsoa nu̍-a ka Joi ke Chèɛ̀ Tba̍ju we̍ i̍ wɛ̀.”

Nu̍-dɛ̍ᵻ 5:31

Iě Nyɔsoa dǔ ɔ̍ ja̍i̍ dǒ ɔ̍ di̍na̍ we̍, ɔ̍ iě Dlǔtu ke nyɔ̍ Sèìe Nyɔ̍ nu̍. Wɛ̀ ɔ̍ iě Eslɔɛ nyɔ̍ flɔna̍ nyǐ u̍h iě i̍ bǐi wɛ̀ u̍h-a gblɛ̍n sɔ̀ɛ̀n-a tìh iě i̍ tǎli-ɛ.

1 Kɔwlɛntiɔn 15:47

Sàǐtòò Adaun nui-ɛ blǔh nɔ̌ bloɔ̍, iě Adaun-a sɔɔ̌n naɛ sɔ dě ja̍i̍wlɔ̀.

Felepai 2:11

Nɛ̀ nyɔ̍ kli̍hgbɛ̍-a mu̍ ɛ̍-ɛ wɔ̌ɛn dǒ gbaɛ̍we̍ ka Jusu Klai nu̍-a u̍h-a Joi-ɛ, wɛ̀ ɛ̍ iě Baa Nyɔsoa tìhwe̍ po̍.

Felepai 3:8

Jɛ ɛ̍ se̍ ìh la nɛ due, dɛ̍ᵻ kli̍hgbɛ̍-a chɛ̀ bo ìh nu̍ ka pɔ̀ɔ̍pìe̍ dɛ̍ᵻ wɛ̀ dǒ ǐn we̍. Ǎn Joi Jusu Klai juo dɛ nɛ due ɛ̀ gbǎ ka dɛ̍kɛ̍n dǒ ǐn we̍. Ǐn tǎli dɛ̍ᵻ kli̍hgbɛ̍ i̍, iě ǎn dǎɛ ka ìh la dɛ̍ᵻ flu̍hᵻ, wɛ̀ iě Klai gba̍.

Kalase 2:6

Ka mɔ̀ wɔ̌n-a wɛ̀ Jusu Klai iě-a mɔ̀-a Joi nu̍-ɛ, nɛ̀ mɔ̀ nɛ kmɔ̌ dě ɔ̍ ja̍a̍.

1 Chɔɔn 4:14

À jě ɛ̍ iě à sèàɛ̍ nyɔ̍ɔ wlùh ka Baa Nyɔsoa dbo̍-a ɔ̍ Jǔ ɔ̍ iě-a kmɔ̌ la ɛ̍ Sèìe Nyɔ̍ nu̍-ɛ.

1 Chɔɔn 5:1

Nyɔ̍ jɔ po̍-a ɛ̍ tìh chɛ̀ ka Jusu nu̍-a Nyɔsoa-a Chèɛ̀ Tba̍ju-ɛ, nɛ̀ ɔ̍-ɔ Nyɔsoa-a jǔ. Nɛ̀ nyɔ̍ jɔ jbɛɛ-a baa-ɛ, nɛ̀ ɔ̍ jbɛɛ ɔ̍ jǔ wɛ̀ ke.