Pɔ̀n Chɛ̀ Luu To-a La 2:10 - Ku̍o̍ Delee 1999

¹⁰ Wɛ̀ ǐnchɔ̀-a chɛ̀ la̍a̍, “Mɔ̀ bɔ̌ faɔn ple̍-ɛ. Ǐn ja mɔ̀ pɔ̀n chɛ̀ ɛ̀ mu̍-a nyɔ̍ kli̍hgbɛ̍ mɔna̍-a po̍-ɛ.

Pɔ̀n Chɛ̀ Luu To-a La 2:10 Iomraidhean Croise

Matio 14:27

Jɛ Jusu tèwe ɔ̍ wlu, ɔ̍ la̍a̍, “Mɔ̀ dbǎ ku̍, mɔ̍ bo, mɔ̀ bɔ̌ faɔn ple̍-ɛ.”

Matio 28:18

Wɛ̀ Jusu klɛɛn dǒ u̍h we̍ iě ɔ̍ la̍a̍, “Gbǐh kli̍hgbɛ̍ nɛ-a dě ja̍i̍wlɔ̀-ɛ ke jih nɛ-a nɔ̌ bloɔ̍-ɛ, i̍h nyǐ-ɛ m wɛ̀.

Matio 28:5

Wɛ̀ Nyɔsoa-a ǐnchɔ̀ la̍a̍ dě nynɔ̌gbaɔᵻ laa̍ we̍, “Mɔ̀ bɔ̌ faɔn ple̍-ɛ, ǐn juo ɛ̍ Jusu ɔ̀ u̍h kɔ̍-a dǒ gbàɛ̍ kɛ̍n i̍ tu̍ wlì-ɛ, ɔ̍-ɔ bo mɔ̀-a pɔ̀n i̍.

Pɔ̀n Chɛ̀ Maɛ To-a La 1:15

Ɔ̍ la̍a̍, “Nyɔsoa-a kmɔ̌ wlu̍ i̍ kɔn-ɛ ti̍ kɔǎn we̍ wɛ̀. Mɔ̀ bǐi i̍, mɔ̀ iě pɔ̀n chɛ̀ la tìh chɛ̀ po̍.”

Pɔ̀n Chɛ̀ Maɛ To-a La 16:15

Wɛ̀ ɔ̍ la̍a̍ dě u̍h we̍, “Mɔ̀ mu̍, mɔ̀ ple̍ kmɔ̌ la we̍, mɔ̀ iě pɔ̀n chɛ̀ la ɛ̍ tìh we̍i̍ bla̍ dě nyɔ̍ kli̍hgbɛ̍ we̍.

Pɔ̀n Chɛ̀ Luu To-a La 1:13

Jɛ Joi-a ǐnchɔ̀ la̍a̍ dě ɔ̍ we̍, “Sɛɛkewlaɛɔ, bɔ̌ faɔn ple̍-ɛ. Nyɔsoa wɔ̌n àn ba̍le wlu̍ wɛ̀. Àn nynɔ̌ Ilesebɛ-a mu̍ jɔ̍gbau jǔ wlǔh-i dǒ ìn we̍, nɛ̀ ìn dǎɛ ɔ̍ Chɔɔn.

Pɔ̀n Chɛ̀ Luu To-a La 1:19

Wɛ̀ Joi-a ǐnchɔ̀ sà ɔ̍ wlu̍ pɔ̀n we̍, ɛ̍ la̍a̍, “Mɔ̍ Keblɛ, ǐn nyna i̍ dǒ Nyɔsoa jǔ. Ɔ̍ dbo̍ m iě wlu dě ìn we̍, iě ìn pɔ̀n chɛ̀ la wlùh sèàɛ̍.

Pɔ̀n Chɛ̀ Luu To-a La 1:30

Iě Nyɔsoa-a ǐnchɔ̀ la̍a̍, “Bɔ̌ faɔn ple̍-ɛ, dɛ̍nu̍ɛ, àn tè-e Nyɔsoa-a wlùh i̍.

Pɔ̀n Chɛ̀ Luu To-a La 2:11

Mɔ̀-a Sèìe Nyɔ̍ Klai ɔ̀ nu̍-a Joi-ɛ, ɔ̍-ɔ bo ɔ̀ wlǔh sèàn dǒ Depe blǐ wlɔ̀.

Pɔ̀n Chɛ̀ Luu To-a La 24:47

Wɛ̀ gblɛ̍n sɔ̀ɛ̀n-a tìh i̍ tǎli-ɛ ke i̍ bǐi-ɛa tìh iě bla̍-ɛ bloa̍ kli̍hgbɛ̍ kɛ̍n i̍ dǒ ɔ̍ nynɛ̌ kɛ̍n. Dǒ Juluslɛn bo ɛ̍ mu̍ gbɔ̀ tè-ɛ.

Pɔ̀n Chɛ̀ Luu To-a La 8:1

Ɛ̍ se̍-o wlè wɛ̀ Jusu na tùgbàwlɔ̀ᵻ ke wlɔ̀ᵻ plìh di̍i̍ i̍. Wɛ̀ ɔ̍ bla̍ pɔ̀n chɛ̀ dǒ Nyɔsoa-a kmɔ̌ wlu̍ i̍ kɔn dɛ we̍. Nɛ̀ ɔ̍ ke ɔ̍ kòà-a pùè jɔ̌ sɔɔ̌n

Nu̍-dɛ̍ᵻ 13:32

Pɔ̀n chɛ̀ à sèàɛ̍-a ka mɔ̀ wlùh-ɛ, dě à baaᵻ we̍ bo Nyɔsoa poe ɛ̍ wlu̍ tɔ̀ma̍a̍.

Wloma 10:15

Nɛ̀ pò nyɔ̍ se̍ dbo̍-eɛɛ, nɛ̀ ka tìh-a chɛ̀-ɛ mu̍ bla̍-ɛ nu̍ ɛ? Ɛ̍ kɔn Nyɔsoa-a wlu̍ la̍a̍, “Nyɔ̍ ùh-a bla̍-a pɔ̀n chɛ̀ la-ɛ, ɛ̍ po̍ nyɔ̍gbei mɔna̍-a dǒ u̍h-a ji̍-ɛ we̍.”

Ɛfɛsɔ 3:8

Kǎ ɛ̍ nɛ gbɛɛ, mɔ̍ Nyɔsoa nyɔ̍ kli̍hgbɛ̍-a konynǐ. Jɛ Nyɔsoa tè-e ǐn dbo̍ la kwa̍ iě pɔ̀ìě klaa ɛ̀ Klai-a nyǐ-a nyɔ̍-ɛ, ɛ̍ tìh we̍i̍ bla̍ dě ùh se̍-a Juu nyɔ̍-ɛ we̍.

Kalase 1:23

Jɛ nɛ̀ mɔ̀ kɔn mɔ̀ iě wlùh gbaɛ dluwe̍ i̍ gba̍, mɔ̀ iě gbǐh blě, mɔ̀ iě dě tu̍ i̍ ku̍ dǒ pɔ̀n chɛ̀ mɔ̀ wɔ̌n-aɛ pùn. Ɛ̍ bo ɛ̀ nu̍ wlì tè dɛ̍, mɔ̀ bɔ̌ dǒ ɛ̍ de̍e̍ sɔ-ɛ. Pɔ̀n chɛ̀ la ɛ̍ kɔn tìh bo ɛ̀ bla̍-ɛa dě kmɔ̌ nyɔ̍ kli̍hgbɛ̍ we̍. Mɔ̍ Pɔɔ la, ɛ̍ kɔn pòi̍ju bo ǐn nu̍.