Pɔ̀n Chɛ̀ Luu To-a La 19:9 - Ku̍o̍ Delee 1999

⁹ Wɛ̀ Jusu la̍a̍ dě ɔ̍ we̍, “Jɔ̍gbau la, ka ɔ̍ nu̍-a Eblaɛɛn-a jǔ ke-ɛ, pǔh-ɛ pa̍ nɔ̌ ɔ̍ blǐ gbò sèàn.

Pɔ̀n Chɛ̀ Luu To-a La 19:9 Iomraidhean Croise

Pɔ̀n Chɛ̀ Luu To-a La 13:16

Nɛ̀ɛ̍, Eblaɛɛn-a jǔ nynɔ̌gbaɔ la ɔ̀ Setɔn po̍-a gbèèɛ̀ dǒ sɔ̀nᵻá pùè jɔ̌ mɛ̀ta̍a̍n di̍i̍-ɛ, ɔ̍ bɔ̌ dě gbèèɛ̀ la di̍i̍ sɔ-ɛ dǒ wlè-weɛ̍ di̍i̍ ae?”

Pɔ̀n Chɛ̀ Luu To-a La 13:30

Nɛ̀ nyɔ̍ ùh wɔ̀-a ka de̍-ɛ, u̍h-a mu̍ nya̍ wɔ̀, wɛ̀ ùh wɔ̀-a nya̍-ɛ, u̍h iě de̍ wɔ̀.”

Pɔ̀n Chɛ̀ Luu To-a La 16:24

Wɛ̀ ɔ̍ we̍le, ɔ̍ la̍a̍, ‘Baa Eblaɛɛn, jě ǐn wɔɛ lě. Dbo̍ Laaslɔɛ ɔ̍ iě ɔ̍ chèɛ̀-a mlǎ dě nǐ we̍ gba̍, wɛ̀ ɔ̍ iě ɛ̍ dǒ ǎn mɛɔ kɛ̍n tǒ-e wɛ̀ iě flɛ̀n i̍ wlǎ. Dɛ̍nu̍ɛ, ǎn sàɛ̀ jua̍i̍ kaa̍ nɔ̌ nɛ̍ la di̍i̍.’

Pɔ̀n Chɛ̀ Luu To-a La 16:30

Wɛ̀ pàn-nyɔ̍ laa̍ ɔ̍ la̍a̍, ‘Iěe, baa Eblaɛɛn, pò ɛ̍ tù nyɔ̍ wlǔh-e wɛ̀ ɔ̍ iě dě u̍h we̍ mu̍-ɛ, nɛ̀ u̍h-a mu̍ u̍h-a gblɛ̍n sɔ̀ɛ̀n kɛ̍n i̍ poe.’

Pɔ̀n Chɛ̀ Luu To-a La 2:30

Dɛ̍nu̍ɛ, ǐn tba̍ nyɔ̍ ɔ̀ mu̍-a àn nyɔ̍ sèìe-ɛ jlǐhɛ̍ wɛ̀,

Pɔ̀n Chɛ̀ Luu To-a La 3:8

Mɔ̀ nu̍ dɛ̍ᵻ i̍h iě ɛ̍ to ka mɔ̀ poe-a gblɛ̍n sɔ̀ɛ̀n kɛ̍n i̍ wɛ̀-ɛ. Mɔ̀ bɔ̌ ka nu̍, ‘Àɔ̀ Eblaɛɛn-a nynuu̍, nɛ̀ Nyɔsoa se̍ à kàn gbɛ̍n mu̍,’ ɛ̍ nɔ̀ɔ̍, mɔ̀ bɔ̌ ɛ̍ dě di̍i̍ i̍ po̍-ɛ, dɛ̍nu̍ɛ, Nyɔsoa bɛ̌ɛ sɔɔ̌ᵻ la Eblaɛɛn-a nynuu̍ we̍i̍ nu̍-ɛ. Ɛ̍ kɔn ǎn sèàɛ̍ mɔ̀ wlùh,

Wloma 4:16

Nɛ̀ɛ̍, tɔ̀ma̍a̍ wlu̍ la ɛ̍ tba̍ dǒ wlùh gbaɛ kɛ̍n i̍, wɛ̀ ɛ̍ iě dě Nyɔsoa-a blɛ nɛ-ɛ di̍i̍ jii. Tɔ̀ma̍a̍ wlu̍ la ɛ̍ kɔn dǒ Eblaɛɛn-a tloemlai kli̍hgbɛ̍ we̍. Ɛ̍ se̍ dǒ telě dɛ̍ɛ̍ jě nyɔ̍ nɛ due we̍ ɛ̍ se̍ kɔn, jɛ nyɔ̍ ùh gbaɛ-ɛa Klai wlùh ka Eblaɛɛn-ɛ, ɛ̍ kɔn dǒ u̍h we̍ ke. Dɛ̍nu̍ɛ, ɔ̍ bo ɔ̀ nu̍ àɔ̀ kli̍hgbɛ̍ à baa.

Kelesea 3:14

Ɔ̍ pùhbɔ à kɛ̍ɛ̍n iě pɔ̀ìě Nyɔsoa-a mu̍-a Eblaɛɛn nyǐ-ɛ, wɛ̀ ɛ̍ iě ùh se̍-a Juu nyɔ̍-ɛ we̍ ji̍ ke dě ɔ̍ ja̍a̍. Wɛ̀ à iě Sùù kɔn wlu̍ Nyɔsoa po̍-a tɔ̀ma̍a̍-a jě dě wlùh gbaɛ di̍i̍.

Kelesea 3:29

Pò mɔ̀ kɔn dǒ Klai we̍-ɛ, nɛ̀ mɔ̀ɔ̍ Eblaɛɛn-a tloemlai, nɛ̀ mɔ̀-a mu̍ dɛ̍ ɛ̀ kɔn wlu̍ Nyɔsoa po̍-a tɔ̀ma̍a̍-a jě.

Kelesea 3:7

Nɛ̀ mɔ̀ blě wlùh la̍ sǔh ka nyɔ̍ ùh blě-a wlùh gbaɛ-ɛ, nɛ̀ u̍h-u bo ùh nu̍-a Eblaɛɛn-a tloemlai-ɛ.

1 Pitɛ 2:10

Sàǐtòò-ɛ, nɛ̀ mɔ̀ se̍ Nyɔsoa-a nyɔ̍, jɛ kaka la̍, mɔ̀ɔ̍ ɔ̍ nyɔ̍ wɛ̀. Sàǐtòò-ɛ, nɛ̀ mɔ̀ɔ̍ jě Nyɔsoa-a wɔɛ kɔn-ɛ de, jɛ kaka la̍ mɔ̀-a jě ɛ̍ la̍-ɛ.