Pɔ̀n Chɛ̀ Luu To-a La 19:12 - Ku̍o̍ Delee 1999

¹² Ɛ̍ tìh-ɛ, Jusu la̍a̍, “Jɔ̍gbau due ɔ̀ sɔ-a dě blǔh baa-a chɛǐ-ɛ bo ɔ̀ mu̍ dakɔ̍ de̍e̍ u̍h iě ɔ̍-e blǔh baa we̍i̍ nu̍, wɛ̀ ɔ̍ iě de̍ ji̍.

Pɔ̀n Chɛ̀ Luu To-a La 19:12 Iomraidhean Croise

Matio 21:38

Jɛ klè i̍ gbɛ̍n nyɔ̍ jě-a jǔ laa̍-ɛ, iě u̍h la̍a̍, ‘Ɔ̍ tèwlìɛ̍ bo ɔ̀ ji̍-a dě de̍à. Mɔ̀ ji̍ à iě ɔ̍ dbǎ, nɛ̀ kɔn-dɛ̍ᵻ la i̍h-a mu̍ à i̍ wɛ̀ɛ̀.’

Matio 28:18

Wɛ̀ Jusu klɛɛn dǒ u̍h we̍ iě ɔ̍ la̍a̍, “Gbǐh kli̍hgbɛ̍ nɛ-a dě ja̍i̍wlɔ̀-ɛ ke jih nɛ-a nɔ̌ bloɔ̍-ɛ, i̍h nyǐ-ɛ m wɛ̀.

Pɔ̀n Chɛ̀ Maɛ To-a La 12:1

Wɛ̀ Jusu wlu dě u̍h we̍ dě nɛnǎᵻ di̍i̍. Ɔ̍ la̍a̍, “Jɔ̍gbau due bo ɔ̀ nu̍ tlo-dɛ̍ᵻá klè ɔ̍ iě nmɔ̍ nu̍. Wɛ̀ ɔ̍ sìì ɛ̍ gbàɛ̍gbà de̍e̍ i̍, iě ɔ̍ blǔ biě dǒ sɔɔ̌ kɛ̍n nmɔ̍ iě-e i̍ tè. Wɛ̀ ɔ̍ nu̍ gbàsla dǒ klè jlǐhɛ̍ tù-ɛ we̍. Ɔ̍ wɔ̌an dihwa̍a̍ mu̍ tìh-ɛ, wɛ̀ ɔ̍ si̍e̍ klè laa̍ dě klè i̍ gbɛ̍n nyɔ̍ kwa̍a̍.

Pɔ̀n Chɛ̀ Maɛ To-a La 16:19

Ti̍ Joi Jusu wɔ̀-a ɔ̍ kòà we̍ wlu-ɛɛ, wɛ̀ ɔ̍ gba̍-ɛ dě ja̍i̍wlɔ̀. Iě ɔ̍ tè i̍ dǒ Nyɔsoa-a di̍na̍ we̍.

Pɔ̀n Chɛ̀ Luu To-a La 20:9

Wɛ̀ Jusu po̍ nɛnǎ la dě nyɔ̍gbei we̍. Ɔ̍ la̍a̍, “Jɔ̍gbau due bo ɔ̀ nu̍ tlo-dɛ̍ᵻá klè. Wɛ̀ ɔ̍ siee ɛ̍ klè i̍ gbɛ̍n nyɔ̍, iě ɔ̍ mu̍ dihwa̍a̍ wlè la̍.

Pɔ̀n Chɛ̀ Luu To-a La 24:51

Ɔ̍ nɛ dǒ u̍h nǐ wɔ̍n sà-ɛ la̍ wɛ̀ ɔ̍ sɔ dǒ u̍h we̍. Iě ɔ̍ gba̍-ɛ dě ja̍i̍wlɔ̀.

Chɔɔn 18:37

Pale la̍a̍, “Iě nɛ̀ mɔ̀ blǔh baa lě.” Jusu la̍a̍, “Nàa̍, mɔ̍ blǔh baa. Ɛ̍ kɔn tìh ǐn wlǔh iě ǐn ji̍ da̍a kmɔ̌ la we̍, wɛ̀ iě tìh-a taǐn-a sàànsi̍i̍h nu̍. Nyɔ̍ juh kɔn-a dǒ tìh-a taǐn we̍-ɛ, u̍h bo ùh-a wɔ̌n ǎn wlu̍-i i̍.”

Nu̍-dɛ̍ᵻ 17:31

Dɛ̍nu̍ɛ, ɔ̍ chɛ̍n weɛ̍ wɛ̀ ɔ̍ iě kmɔ̌-a tìh wlu̍ kɛ̍n po̍ i̍ slɛ̌-ɛ ka dě nyɔ̍ ɔ̍ tba̍-a chèɛ̀-ɛ ja̍a̍. Ɔ̍ flɔn-ɛ ɛ̍ we̍i̍ dě nyɔ̍gbei we̍, ɛ̍ kɔn nyɔ̍ ɔ̍ tba̍-a chèɛ̀-ɛ ɔ̍ mɛ̌-aɛ, wɛ̀ ɔ̍ sà ɔ̍-e.”

1 Kɔwlɛntiɔn 15:25

Dɛ̍nu̍ɛ, Klai kɔn ɔ̍ iě Blǔh Baa nu̍ te̍e̍ wɛ̀ Nyɔsoa iě ɔ̍ nyɛ̌-nyɔ̍ kli̍hgbɛ̍ dě ɔ̍ bu̍h sɔ̀n po̍.

Iblu 9:28

Ka ɛ̍ nɛ ke, Klai nu̍ ɔ̍ chɛ̀ slaǎ sà-ɛa due, wɛ̀ ɔ̍ iě nyɔ̍ dɔu-a gblɛ̍n sɔ̀ɛ̀n-a tìh dǒ ɔ̍ chɛ̀ dlǔ i̍ tè. Jɛ ɔ̍ mu̍-a ka ji̍ dode̍-ɛ, ɔ̍ se̍ gblɛ̍n sɔ̀ɛ̀n-a tìh we̍ ji̍. Jɛ ɔ̍ ji̍-i ɔ̍ iě nyɔ̍ ùh gbàɛ̀-a ɔ̍ tìh-ɛ pǔh-i.

1 Pitɛ 3:22

Jusu Klai ɔ̀ mu̍-a dě ja̍i̍wlɔ̀ dǒ Nyɔsoa-a di̍na̍ we̍-ɛ, Nyɔsoa-a ǐnchɔ̀ ke tùn blě-ɛ ke gbǐh kli̍hgbɛ̍ nɛ dǒ ɔ̍ sɔ̀n.

Wlɛfeleseɔn 1:7

Mɔ̀ tù ɛ̍ jlǐhɛ̍ ɔ̍ mu̍ dě nǐgbanᵻ kɛ̍n naɛ blě ɔ̍ iě ji̍. Wɛ̀ nyɔ̍ kli̍hgbɛ̍ iě ɔ̍ jě, ɛ̍ ke juh dbǎ ɔ̍-ɛ ke. Nɛ̀ nyɔ̍ kli̍hgbɛ̍ nɛ-a nɔ̌ kmɔ̌-ɛ, u̍h-a mu̍ sùàɛ̀n pa̍ ɔ̍ tìh. Kǎ ɛ̍-ɛ nɛ.