Pɔ̀n Chɛ̀ Luu To-a La 18:9 - Ku̍o̍ Delee 1999

⁹ Jusu po̍ nɛnǎ la ke dě nyɔ̍ ùh gbaɛ-a u̍h-a chɛ̀ wlùh ka u̍h nu̍-a i̍ slɛ̌-nyɔ̍ wɛ̀ u̍h-u jě-a nyɔ̍ duuh dɛ̍ɛ̍ we̍.

Pɔ̀n Chɛ̀ Luu To-a La 18:9 Iomraidhean Croise

Pɔ̀n Chɛ̀ Luu To-a La 10:29

Jɛ ɔ̍ pɔ̀n ɔ̍ iě ɛ̍ to ka ɔ̍ slɛ̌-a i̍-ɛ. Iě ɔ̍ la̍a̍ dě Jusu we̍, “Nyɔ̍we̍ bo ɔ̀ nu̍ ǐn pònyɔ̍ ɛ?”

Pɔ̀n Chɛ̀ Luu To-a La 15:2

Wɛ̀ Fɛlesii nyɔ̍ ke telě nǎ poe nyɔ̍-a wlu̍ i̍ wɔ̍ɔ̍n i̍. U̍h la̍a̍, “Jɔ̍gbau la ɔ̍ ke gblɛ̍n sɔ̀ɛ̀n nyɔ̍-a nɛ̍aɛ we̍, wɛ̀ ɔ̍ ke u̍h-a di̍-i dɛ̍ tàdùè wa.”

Pɔ̀n Chɛ̀ Luu To-a La 16:15

Jɛ Jusu la̍a̍ dě u̍h we̍, “Mɔ̀ɔ̍ bo ùh-a dǎɛ mɔ̀-a chɛ̀ i̍ slɛ̌-nyɔ̍ dǒ nyɔ̍ɔ jlǐhwai. Jɛ Nyɔsoa juo mɔ̀-a wlùh. Dɛ̍nu̍ɛ, dɛ̍ ɛ̀ gbǎ-a dɛ̍kɛ̍n kaa̍ dě nyɔ̍ jlǐh-ɛ, ɛ̍ se̍ dɛ̍wɛ-a chɛ̀ wɔ̀ dě Nyɔsoa nɔ̀ɔ̍ jlǐh.

Pɔ̀n Chɛ̀ Luu To-a La 18:11

Fɛlesii jǔ nyna i̍ iě ɔ̍ ba̍le dǒ ɔ̍ chɛ̀ we̍. Ɔ̍ la̍a̍, ‘Nyɔsoa, ǐn po̍ ìn tlɔ̌ wɛ̀ ǐn se̍ nyɔ̍ duuh ùh nu̍-a klǎn kɔn nyɔ̍ ke, telě wa̍ nyɔ̍ ke, nynɛ̌à nu̍ nyɔ̍-ɛ wɔ̀. Wɛ̀ ǐn se̍ taa̍sìh sà jǔ-a chɛ̀ la wɔ̀, nɛ̀ ǐn po̍ ìn tlɔ̌.

Pɔ̀n Chɛ̀ Luu To-a La 19:7

Nyɔ̍ kli̍hgbɛ̍ jě-a dɛ̍ la-ɛ, iě u̍h-a wlu-i wɔ̍ɔ̍n i̍. U̍h la̍a̍, “Jɔ̍gbau la, ɔ̍ mu̍ gblɛ̍n sɔ̀ɛ̀n nyɔ̍ blǐ koe la̍ wa.”

Pɔ̀n Chɛ̀ Luu To-a La 7:39

Fɛlesii jǔ ɔ̀ dǎ-a Jusu dɛ̍ di̍ la̍-ɛ, ɔ̍ gbɛ̀n-a nynɔ̌-a nu̍-dɛ̍ ja̍-ɛ, iě ɔ̍ la̍a̍ dě ɔ̍ chɛ̀ di̍i̍, “Pò jɔ̍gbau la ɔ̍ tù Nyɔsoa-a tu̍owli po̍ nyɔ̍ de chɛ̀ɛ̌chɛ̀-ɛ, nɛ̀ nynɔ̌ la ɔ̀ tǔh-a ɔ̍ i̍-ɛ, ka ɔ̍ nu̍-a gblɛ̍n sɔ̀ɛ̀n nyɔ̍-ɛ, nɛ̀ ɔ̍ mu̍-o dɛ̍ i̍ juo de.”

Chɔɔn 8:48

Wɛ̀ nyɔ̍ laa̍ u̍h sà Jusu-a wlu̍ pɔ̀n we̍, u̍h la̍a̍, “Pò à la̍ mɔ̀ Sɛmewlea jǔ iě jeědih nɛ dǒ ìn de̍e̍-ɛ, nɛ̀ à sì ɛ̍ i̍ ae?”

Chɔɔn 9:28

Wɛ̀ u̍h chlèe ɔ̍, iě u̍h la̍a̍, “Mɔ̀ bo ɔ̀ iě ɔ̍ kòà nu̍ sǔh, àɔ̀ nɔ̀ɔ̍, àɔ̀ Mose-a kòà.

Chɔɔn 9:34

Wɛ̀ u̍h la̍a̍, “Mɔ̀ jɔ wlǔh-ia dě gblɛ̍n sɔ̀ɛ̀n di̍i̍-ɛ, mɔ̀ bo ɔ̀ pɔ̀n à nǎ po̍-ɛ i̍ ae?” Iě u̍h sà ɔ̍ dě wɛɛ sà gbò sɔ̀n, u̍h po̍ ɔ̍ sɔ̀n.

Nu̍-dɛ̍ᵻ 22:21

Wɛ̀ Joi la̍a̍, ‘Mu̍, dɛ̍nu̍ɛ, ǎn mu̍ ìn tà tɔ̀ɔ̀n dbo̍ dě ùh se̍-a Juu nyɔ̍-ɛ we̍.’ ”

Wloma 10:3

Ka Nyɔsoa-a nu̍-a nyɔ̍ i̍ slɛ̌-ɛ, u̍h se̍ ɛ̍ dɛ-ɛ i̍ wɔ̌n. U̍h-a fɔ̀n dɛ̍ we̍ u̍h iě u̍h-a chɛ̀ naɛ gbɔ̀ tè. U̍h se̍ u̍h-a chɛ̀ wlù ja dǒ ka Nyɔsoa-a nu̍-a nyɔ̍ i̍ slɛ̌-ɛ we̍.

Wloma 14:10

Mɔ̀-a nyɔ̍ se̍ kɔn ɔ̍ iě ɔ̍ de̍di̍i̍ tìh pùn tù, àe̍e̍ ɔ̍ iě ɔ̍ pàwe̍i̍ po̍. Dɛ̍nu̍ɛ, à kli̍hgbɛ̍ à mu̍ i̍ nyna dǒ Nyɔsoa-a sàwi̍h sì gbalǎ jǔ.

Wloma 14:3

Nɛ̀ ɔ̀ di̍-a dɛ̍-o-dɛ̍-ɛ, ɔ̍ bɔ̌ jɔ se̍-a ɛ̍ nu̍-ɛ pàwe̍i̍ po̍-ɛ. Jɔ ɔ̀-ɔ di̍-a dɛ̍-o-dɛ̍-ɛ, ɔ̍ bɔ̌ jɔ di̍-a dɛ̍-o-dɛ̍-ɛ tìh pùn tù-ɛ. Dɛ̍nu̍ɛ, Nyɔsoa gbɛ̍n ɔ̍ tìh i̍ wɛ̀.

Wloma 7:9

Ti̍ telě se̍-a nɛ-ɛ, nɛ̀ ǐn tè kmɔ̌ i̍ de. Jɛ telě po̍ dɛ ji̍-a sǔh-ɛ, sɔ gblɛ̍n sɔ̀ɛ̀n-a gbǐh wlǔh tà iě ǐn mɛ̌.