Pɔ̀n Chɛ̀ Luu To-a La 17:2 - Ku̍o̍ Delee 1999

² Ɛ̍ mu̍ i̍ blaɛ u̍h iě ɔ̍ dui-sɔɔ̌ dɔ̍ i̍ sa̍n-ɛ wɛ̀ u̍h iě ɔ̍ dě jbǒ kɛ̍n po̍, ɛ̍ sìì ɔ̍ iě ɛ̍ nu̍ wɛ̀ ùh plìh la u̍h iě fèàɛ̀ dě gblɛ̍n sɔ̀ɛ̀n we̍.

Pɔ̀n Chɛ̀ Luu To-a La 17:2 Iomraidhean Croise

Matio 17:27

Jɛ à-a je̍e dɛ̍ nu̍ ɛ̍-ɛ je̍e nyɔ̍ wɔ̍i̍n nyaɛ. Ɛ̍ tìh-ɛ, mu̍ ìè kɔɛ̍n po̍ dě pɛ̍nu̍ klaa kɛ̍n. Smìɛ̍ àn mu̍-a sà sàǐtòò-ɛ, nɛ̀ ìn gbɛ̀n dě ɛ̍ wɔ̍ɔ̍n wliɛ̍ àn mu̍-ae jě-ɛ, ɛ̍ mu̍ ìn ke ǐn ke à taa̍sìh pɛ̌ɛ wɛ̀. Nɛ̀ ìn gba̍ ɛ̍ u̍h, à nàɛ̀ taa̍sìh bo.”

Matio 18:10

Jusu la̍a̍, “Mɔ̀ nu̍ nɛnɛ̌ ùh plìh la mɔ̀-ɔ je̍e u̍h-a nyɔ̍ due jlǐhɛ̍ dlǔ bla̍. Bɔ̌ ǐn sèàɛ̍ mɔ̀ wlùh, dɛ̍nu̍ɛ, u̍h-a Nyɔsoa-a ǐnchɔ̀ nɛ-a dě ja̍i̍wlɔ̀-ɛ, i̍h ke ǐn Baa-a jiěe te̍e̍ deě. [

Matio 18:14

Kǎ ɛ̍ nu̍ nɛ-ɛ ke, mɔ̀ Baa nɛ-a dě ja̍i̍wlɔ̀-ɛ, ɔ̍ se̍ pɔ̀n ùh plìh la u̍h-a due iě kwlǎ sie.”

Matio 26:24

Nyi̍ɔ̍-a Jǔ-a mu̍ mɛ̌ dǒ ka Nyɔsoa-a wlu̍ dǎ-a we̍. Jɛ nyɔ̍ ɔ̀ sà-a ɔ̍ kwlǎ-a, chlě dǒ ɔ̍ we̍. Nyɔ̍ laa̍ pò ɔ̍ se̍ wlǔh de-ɛ, nɛ̀ ɛ̍ nmɔ jii̍ de dǒ ɔ̍ we̍.”

Pɔ̀n Chɛ̀ Maɛ To-a La 9:42

“Jɛ ùh plìh la ùh gbaɛ-a ǐn wlùh-ɛ, nyɔ̍-o-nyɔ̍ ɔ̀ mu̍-a u̍h-a wlùh fèàɛ̀ dě gblɛ̍n sɔ̀ɛ̀n we̍-ɛ, nɛ̀ ɛ̍ mu̍ i̍ blaɛ u̍h iě nyɔ̍ kaɛn laa̍ dui-sɔɔ̌ dɔ̍ i̍ sa̍n-ɛ, wɛ̀ u̍h iě ɔ̍ jbǒ kɛ̍n po̍.

Chɔɔn 21:15

U̍h wɔ̀-a dɛ̍ di̍-ɛɛ, wɛ̀ Jusu la̍a̍ dě Samo Pitɛ we̍, “Chɔɔn-a jǔ Samo, ìn jbɛɛ m ɛ̍ sìì juh la ae?” Ɔ̍ la̍a̍, “I̍i̍n, Joi, ìn juo i̍h ka ǐn jbɛɛ-a m̀-ɛ.” Jusu la̍a̍, “Gbɛ̀n dǒ ǎn blawɛ̌ᵻ we̍ i̍ o.”

1 Kɔwlɛntiɔn 9:15

Jih ǐn blaɛ-a i̍ de iě-a nu̍-ɛ, nɛ̌ se̍a i̍h-a dɛ̍ nu̍. Ǐn se̍ mɔ̀ chlǐh-dɛ̍ la we̍ chlǐh mɔ̀ iě i̍h-a dɛ̍-o-dɛ̍ nu̍ dǒ ǐn we̍. Ɛ̍ nmɔ jii̍ iě mɛ̌ duedɛ ɛ̍ sìì dɛ̍ mu̍-a ǐn bu̍hᵻ wlù i̍ poe-ɛ, wɛ̀ nyɔ̍ dɔɔ iě ɛ̍ ǐn kwa̍a̍ sà.

1 Kɔwlɛntiɔn 9:22

Pò ǐn jɛɛ gbǐh-a mɛ̌-nyɔ̍-ɛ, nɛ̀ ǐn nu̍ ǎn chɛ̀ gbǐh-a mɛ̌-nyɔ̍ we̍i̍. Wɛ̀ ɛ̍ iě kmɔ̌ nɛ u̍h-a wlùh iě fèàɛ̀ dě Klai we̍. Ǎn nu̍ dɛ̍ᵻ kli̍hgbɛ̍ ǐn kɔn iě-a nu̍-ɛ, wɛ̀ ɛ̍ iě kmɔ̌ nɛ iě nyɔ̍ duuh pǔh-i gbɔ̀gbɔ̀.