Pɔ̀n Chɛ̀ Luu To-a La 17:1 - Ku̍o̍ Delee 1999

¹ Wɛ̀ Jusu la̍a̍ dě ɔ̍ kòà we̍, “Dɛ̍ᵻ ìh-a nui-a nyɔ̍ gblɛ̍n sɔ̀ɛ̀n-ɛ, i̍h-a mu̍ nɛ. Jɛ nyɔ̍ ɔ̀ kɔn ja̍a̍ i̍h-a jii-a, chlě dǒ ɔ̍ we̍.

Pɔ̀n Chɛ̀ Luu To-a La 17:1 Iomraidhean Croise

Matio 16:23

Wɛ̀ Jusu fèàɛ̀, iě ɔ̍ la̍a̍, “Pitɛ, mɔ̀ Setɔn, sɔ da̍a ǐn jua̍a̍ i̍. Àn ka̍n ǎn wìè. Ìn se̍ Nyɔsoa wlùh blě, kmɔ̌ nyɔ̍-a wlùh bo ìn blě.”

Matio 18:7

Chlě dǒ kmɔ̌ la we̍, dɛ̍nu̍ɛ, dě ɛ̍ di̍i̍ bo dɛ̍ᵻá jii wɛ̀ i̍h-a fèàɛ̀ nyɔ̍-a wlùh dě gblɛ̍n sɔ̀ɛ̀n we̍. Ìh la i̍h-a nɛ-ɛa chɛ̀ gbɔ̀gbɔ̀, jɛ nyɔ̍ ɔ̀ kɔn ja̍a̍ i̍h-a jii-a, chlě dǒ ɔ̍ we̍.

Pɔ̀n Chɛ̀ Luu To-a La 16:31

Eblaɛɛn la̍a̍ dě ɔ̍ we̍, ‘Pò u̍h se̍ Mose ke Nyɔsoa-a tu̍owli po̍ nyɔ̍-a wlu̍ dounᵻ tù-ɛ, nɛ̀ pò nyɔ̍-a jɛ wlǔh-eɛ, ɛ̍ se̍ u̍h-a dlǔ jli̍-i mu̍ ke sǔh.’ ”

Wloma 14:13

Nɛ̀ɛ̍, mɔ̀ à kǎ à ba̍ᵻ tìh pùn tù-ɛ nɛ. Jɛ dɛ̍ à iě-a nu̍-ɛ, mɔ̀ à po̍ slɛ̌ wɛ̀ à-a je̍e à de̍di̍i̍ tàmlain poe, àe̍e̍ à-a je̍e ɛ̍ nu̍ ɔ̍-ɔ je̍e gblɛ̍n sɔ̀ɛ̀n nu̍.

Wloma 16:17

Ǐn de̍di̍i̍ᵻ, ǐn gbɛ̍n mɔ̀-a bu̍hᵻ i̍, nyɔ̍ ùh-a nui-a nyɔ̍ gblɛ̍n sɔ̀ɛ̀n wɛ̀ u̍h-a che̍ɛ̍ɛn-a nyɔ̍ i̍-ɛ, mɔ̀ nu̍ u̍h-a nɛnɛ̌ o. Ùh faɛn-a dɛ̍ ɛ̀ mɔ̀-a nǎ poe nyɔ̍ poe-a mɔ̀ nǎ-a, nɛ̀ mɔ̀ sà u̍h sɔ̍n-ɔ i̍.

1 Kɔwlɛntiɔn 10:32

Juu nyɔ̍ o, se̍ Juu o, Nyɔsoa-a chɔchi̍h-a nyɔ̍ o, bɔ̌ u̍h-a nyɔ̍ gblɛ̍n sɔ̀ɛ̀n nui-ɛ.

1 Kɔwlɛntiɔn 11:19

I̍i̍n, mɔ̀-a gblɛ̍n nɔ̀ɔ̍, i̍h kɔn i̍h iě-e sèàɛ̍ wɛ̀ ɛ̍ iě nyɔ̍ ùh nu̍-a Nyɔsoa nyɔ̍ chɛ̀ɛ̌chɛ̀ dě mɔ̀ nynɛ̌-ɛ to.

1 Kɔwlɛntiɔn 8:13

Ɛ̍ tìh-ɛ, nmi̍ɛ̍ ǎn di̍-aɛ, pò ɛ̍ ja ǐn de̍di̍i̍ i̍ kà mu̍ dě gblɛ̍n sɔ̀ɛ̀n di̍i̍-ɛ, nɛ̀ ǐn se̍ ɛ̍ di̍ mu̍ dɛ kleǐnklein, wɛ̀ nɛ̌ je̍e ǐn de̍di̍i̍ i̍ kà dě gblɛ̍n sɔ̀ɛ̀n di̍i̍.

1 Timote 4:1

Nyɔsoa-a Sùù sà ɛ̍-ɛ te̍gbe̍i̍n ka nyɔ̍ duuh-a mu̍-a wlùh gbaɛ kɛ̍n i̍ poe dě nya̍-ɛ, wɛ̀ u̍h iě kǔ sùù ìh-a boe-a nyɔ̍ i̍-ɛ dounᵻ we̍ po̍, u̍h iě i̍h-a nǎ po̍ wlu̍ de̍e̍ gbǎ.

Wlɛfeleseɔn 2:14

Jɛ ǐn blě mɔ̀-a kɔ̌ɛ nynɛ̌ wei. Mɔ̀ blě nyɔ̍ duuh dě mɔ̀ we̍ u̍h gbǎ dǒ Belɛm-a nǎ po̍ wlu̍ de̍e̍. Belɛm po̍ Bela nǎ ɔ̍ iě ɛ̍ nu̍ Eslɔɛ nyɔ̍ iě gblɛ̍n sɔ̀ɛ̀n nu̍, u̍h iě di̍-dɛ̍ᵻ ìh sà-ɛa slaǎ dǒ kwɛ̍i̍n gbo̍ᵻ we̍-ɛ di̍ wɛ̀ u̍h iě gbǎn nu̍ dɛ̍-ɛ gbǎ.

Wlɛfeleseɔn 2:20

Jɛ ɛ̀ la bo ɛ̀ nu̍ mɔ̀-a kɔ̌ɛ nynɛ̌ ǐn blě. Nynɔ̌ la ɔ̀ kɔn nynɛ̌ nu̍-a Jɛsebeɔ-ɛ, ɔ̍ bo ɔ̀ dǎɛ-a ɔ̍ chɛ̀ Nyɔsoa-a tu̍owli po̍ nyɔ̍. Ɔ̍ po̍ ǎn pòi̍nynuu̍ nǎ ɔ̍ boe u̍h i̍ iě u̍h-a nu̍ gbǎn u̍h-a di̍ di̍-dɛ̍ᵻ ìh sà-ɛa slaǎ dǒ kwɛ̍i̍n gbo̍ᵻ we̍-ɛ. Wɛ̀ mɔ̀ se̍ ɔ̍ bɔ̌ i̍ po̍ dǒ i̍h we̍.