Pɔ̀n Chɛ̀ Luu To-a La 16:6 - Ku̍o̍ Delee 1999

⁶ Ɔ̍ la̍a̍, ‘Chlǎn bi̍ᵻá kmɛ mɛ̀ta̍a̍n (800) bo ǐn blě.’ Wɛ̀ pòi̍ju la̍a̍ dě ɔ̍ we̍, ‘Dǔ àn gba̍-a dǐfluh. Tè i̍ iě kmɛ nyìɛ̍ (400) chlǐh suei̍ dǒ ɛ̍ kɛ̍n.’

Pɔ̀n Chɛ̀ Luu To-a La 16:6 Iomraidhean Croise

Matio 20:8

“Ti̍ ɛ̍ nu̍-a wìe̍we̍ wɛ̀-ɛ, wɛ̀ ɔ̍ sèàɛ̍ ɔ̍ klè we̍ i̍ gbɛ̀n nyɔ̍ wlùh, ɔ̍ la̍a̍, ‘Dǎ dbo̍ nu̍ nyɔ̍ laa̍ ìè u̍h pɛ̌ɛ. Nyɔ̍ ùh ǐn bɔ̌ɛ-a dǔ-ɛɛ, u̍h bo ìè pɛ̌ɛ sàǐtòò wɛ̀ ìè sàǐtòò nyɔ̍ pɛ̌ɛ-ɛ dǔ.’

Pɔ̀n Chɛ̀ Luu To-a La 16:12

Nɛ̀ pò mɔ̀ se̍ gba̍n gbɛ̍n dǒ nyɔ̍ dɔɔ-a dɛ̍ we̍-ɛ, nɛ̀ nyɔ̍we̍-a mu̍ mɔ̀ dɛ̍ nyǐ mɔ̀-a chɛ̀ iě kɔn ɛ?

Pɔ̀n Chɛ̀ Luu To-a La 16:5

Wɛ̀ ɔ̍ nyɔ̍ ùh blě-a ɔ̍ dlǔtu-a gba̍ᵻɛ́, iě ɔ̍ dǎ u̍h-a due due. Ɔ̍ la̍a̍ dě sàǐtòò nyɔ̍ ɔ̍ dǎ-aɛ we̍, ‘Dɛ̍ tìèwe̍-a gba̍ ìn blě dǒ ǎn dlǔtu we̍ ɛ?’

Pɔ̀n Chɛ̀ Luu To-a La 16:7

Wɛ̀ ɔ̍ dǎ dɔɔ, ɔ̍ la̍a̍ dě ɔ̍ we̍, ‘Dɛ̍ tìèwe̍-a gba̍ ìn blě ɛ?’ Ɔ̍ la̍a̍, ‘Kwǐ kɛnɛ̌ᵻá bɔlɔᵻá kmɛ ta̍a̍n (300).’ Wɛ̀ pòi̍ju la̍a̍ dě ɔ̍ we̍, ‘Dǔ àn gba̍-a dǐfluh ìè kmɛ sɔɔ̌n kwela nyìɛ̍ (240) chlǐh dǒ ɛ̍ kɛ̍n.’

Pɔ̀n Chɛ̀ Luu To-a La 16:9

“Ǎn sèàɛ̍ mɔ̀ wlùh, kmɔ̌ we̍ pàn-dɛ̍ᵻ mɔ̀ blě-aɛ, mɔ̀ gbɛ̍n-ɛ i̍h ba̍ᵻ dǒ mɔ̀-a chɛ̀ we̍. Wɛ̀ pò i̍h wɛ̀ i̍-ɛ, iě Nyɔsoa iě mɔ̀-a tìh i̍ gbɛ̍n ke dě ɔ̍ kmɔ̌ sie tèla̍ di̍i̍.

Chɔɔn 2:6

Nɛ̀ tee̍ᵻ u̍h nui-a sɔɔ̌ᵻɛ́, i̍h-a mɛ̀o̍ nyna-o i̍. I̍h bo Juu nyɔ̍-a po̍ nǐ di̍i̍ wɛ̀ u̍h-a dle i̍ u̍h iě dě Nyɔsoa jlǐh i̍ nmɔ. I̍h-a jɛ-ɛ, nɛ̀ nǐ bi̍ᵻá kwela sɔɔ̌n ke kwela ta̍a̍n bo ìh-a pa̍ dě ɛ̍ di̍i̍.

Taitɔ 2:10

Nɛ̀ u̍h bɔ̌ u̍h we̍ jlǐ-ɛ. Jɛ u̍h-a nyɔ̍ chɛ̀ nu̍-ɛ ke wlu̍ kɛ̍n i̍ gbɛ̍n-ɛ bo u̍h iě to ti̍ kli̍hgbɛ̍ we̍. Nɛ̀ɛ̍, Nyɔsoa ɔ̀ sèìe-a àɔ̀-ɛ, nǎ po̍-ɛ ɛ̀ tba̍-a dǒ ɔ̍ pùn i̍-ɛ, nɛ̀ u̍h-a mu̍ ɛ̍ nynɛ̌ kɛ̍n po̍ dǒ u̍h-a nu̍-dɛ̍ᵻ kli̍hgbɛ̍ we̍.