Pɔ̀n Chɛ̀ Luu To-a La 16:2 - Ku̍o̍ Delee 1999

² Wɛ̀ ɔ̍ dǎ ɔ̍, iě ɔ̍ la̍a̍ dě ɔ̍ we̍, ‘Ka ɛ̍ nu̍ wɛ̀ ǎn wɔ̌n ìh kaɛn la dǒ ìn pùn ɛ? Ìn se̍ dǒ ǎn kɔn-dɛ̍ᵻ we̍ i̍ gbɛ̀n mu̍ dɛ. Ɛ̍ tìh-ɛ, sà ǎn kɔn-dɛ̍ᵻ kli̍hgbɛ̍-a dǐfluhᵻ ìn blě-aɛ kwlǎ.’

Pɔ̀n Chɛ̀ Luu To-a La 16:2 Iomraidhean Croise

Matio 12:36

“Jɛ bɔ̌ ǐn sèàɛ̍ mɔ̀ wlùh, ti̍ ɛ̍ mu̍-a sàwi̍h sì ti̍ nu̍ dǒ Nyɔsoa jǔ-ɛ, nyɔ̍ kli̍hgbɛ̍-a mu̍ tìh we̍ i̍ sèàɛ̍ dǒ se̍o̍nɛ kli̍hgbɛ̍ u̍h bla̍-a we̍.

Matio 20:8

“Ti̍ ɛ̍ nu̍-a wìe̍we̍ wɛ̀-ɛ, wɛ̀ ɔ̍ sèàɛ̍ ɔ̍ klè we̍ i̍ gbɛ̀n nyɔ̍ wlùh, ɔ̍ la̍a̍, ‘Dǎ dbo̍ nu̍ nyɔ̍ laa̍ ìè u̍h pɛ̌ɛ. Nyɔ̍ ùh ǐn bɔ̌ɛ-a dǔ-ɛɛ, u̍h bo ìè pɛ̌ɛ sàǐtòò wɛ̀ ìè sàǐtòò nyɔ̍ pɛ̌ɛ-ɛ dǔ.’

Pɔ̀n Chɛ̀ Luu To-a La 12:20

Jɛ Nyɔsoa la̍a̍ dě ɔ̍ we̍, ‘Bo-nyɔ̍, wìɔ̍ wlù la, àn feɛ-a mu̍ ìn kwa̍a̍ sà-ɛ. Nɛ̀ dɛ̍ᵻ ìn po̍-a gba̍a̍ dǒ àn chɛ̀ we̍-ɛ, nyɔ̍ mu̍ i̍h kɔn ɛ?’

Pɔ̀n Chɛ̀ Luu To-a La 12:42

Wɛ̀ Joi la̍a̍, “Nyɔ̍we̍ bo ɔ̀ nu̍ wlì tè pòi̍ju wɛ̀ ɔ̀ flɔn di̍i̍ ɛ? Ɔ̍ kɔn kwa̍a̍ bo ɔ̍ dlǔtu si̍e̍ ɔ̍ gbò, wɛ̀ ɔ̍ iě ɔ̍ ba̍ᵻ pòi̍nynuu̍ di̍-dɛ̍ nyǐ pò ti̍ blaɛ i̍-ɛ.

Pɔ̀n Chɛ̀ Luu To-a La 16:1

Jusu la̍a̍ dě ɔ̍ kòà we̍, “Pàn-jɔ̍gbau due bo ɔ̀ blě ɔ̍ pòi̍ju ɔ̀ gbɛ̀n-a dǒ ɔ̍ kɔn-dɛ̍ᵻ we̍ i̍-ɛ. Wɛ̀ nyɔ̍ po̍ ɔ̍ kunǎ ka ɔ̍ pòi̍ju-a gbɔ̀lɔ-a ɔ̍ kɔn-dɛ̍ᵻɛ́.

Pɔ̀n Chɛ̀ Luu To-a La 16:3

Wɛ̀ pòi̍ju la̍a̍ dě ɔ̍ chɛ̀ we̍, ‘Ka ǎn dlǔtu-a sà-a la̍ ǐn dbo̍ la kɛ̍n-ɛ, nɛ̀ ka iě nu̍-ɛ wèè? Mɔ̍ɔ wɔ̍ ǐn se̍ kmu wɛ̀ iě blǔ-u dbo̍ nu̍, iě mɔ̍ɔ ǎn ple̍ tɛ̀n ke iě nyɔ̍ we̍ slɔ̀.

Wloma 14:12

Ɛ̍ tìh-ɛ, à jɔ-ɛ ɔ̍ mu̍ ɔ̍ chɛ̀-a tìh we̍ i̍ sèàɛ̍ dǒ Nyɔsoa we̍.

1 Kɔwlɛntiɔn 1:11

Kloe-a chɛ̌ bo ùh po̍ ǐn kunǎ ka mɔ̀-a sǔh-a sà-a wɔ̍ɔ̍n i̍-ɛ.

1 Kɔwlɛntiɔn 4:2

Dɛ̍ due ɛ̀ pòi̍nynuu̍ kaɛn la u̍h iě-a nu̍-ɛ, ɛ̍ nu̍ u̍h-a dlǔtu iě u̍h wlì tè.

1 Kɔwlɛntiɔn 4:5

Ɛ̍ tìh-ɛ, bɔ̌ nyɔ̍ tìh pùn jě-ɛ te̍e̍ wɛ̀ ti̍ iě nyni̍. Chlì Joi-a ji̍-ɛ we̍ i̍. Ɔ̍-ɔ bo ɔ̀ mu̍ dɛ̍ᵻ ìh sìle-a dě kwile-ɛ nɔ̌ sɔ̀npli we̍ ja, wɛ̀ ɔ̍ iě dɛ̍ᵻ nɛ-a dě nyɔ̍ wlùh di̍i̍-ɛ gbɔ̀ i̍ sà. Nɛ̀ ka jɔ-a nu̍-dɛ̍ nɛ-aɛ, kǎ Nyɔsoa-a mu̍ ɔ̍ tìhwe̍ po̍-ɛ nu̍.

2 Kɔwlɛntiɔn 5:10

Dɛ̍nu̍ɛ, à kli̍hgbɛ̍ à kɔn à iě dǒ Klai-a taɔ gbalǎ jǔ i̍ nyna. Jɔ-ɛ, ɔ̍ mu̍ dɛ̍ jě dǒ dɛ̍ chɛ̀ àe̍e̍ dɛ̍ sɔ̀n ɔ̍ nu̍-a nɔ̌ kmɔ̌-ɛ we̍.

1 Timote 4:14

Sùù-a nyǐ-dɛ̍ ɛ̀ Nyɔsoa nyǐ-a m̀ dǒ ɔ̍ tu̍owli po̍ nyɔ̍-a wlu̍ kɛ̍n ti̍ chɔchi̍h-a nyɔ̍ klaaᵻ tè-a ìn sɔ̍n dlǔ-ɛ, bɔ̌ ɛ̍ gbɔ̀jlɔ̍kɔ̍ɔ̍ i̍ po̍-ɛ.

1 Timote 5:24

Nyɔ̍ duuh-a gblɛ̍n sɔ̀ɛ̀n-a tè gbaɛ̍we̍, wɛ̀ i̍h-a mu̍ u̍h jǔ dě sàwi̍h sì la̍-a. Wɛ̀ nyɔ̍ duuh naɛ-a wlǔh dě nya̍.

1 Pitɛ 4:10

Mɔ̀ kli̍hgbɛ̍ Nyɔsoa nyǐ mɔ̀ nyǐ-dɛ̍ᵻá gbɔ̍ᵻ gbɔ̍ᵻ. Ka mɔ̀ jě-a i̍h wɛ̀-ɛ, mɔ̀ nui i̍h dɛ̍ chɛ̀ dǒ nyɔ̍ duuh we̍.

1 Pitɛ 4:5

Jɛ Nyɔsoa ɔ̀ jě-a ti̍ wɛ̀ ɔ̀ iě-a mɛ̌-nyɔ̍ ke kmɔ̌ nɛ nyɔ̍-a taɔ pa̍-ɛ, u̍h-a mu̍ u̍h-a chɛ̀-a tìh we̍ i̍ sèàɛ̍ dě ɔ̍ we̍.

Wlɛfeleseɔn 20:12

Wɛ̀ ǐn jě mɛ̌-nyɔ̍ kli̍hgbɛ̍, nɛ̀ u̍h nynaɛ i̍ dǒ nynɛ̌ gbalǎ jǔ. Nɛ̀ feɛ chlǐh-dɛ̍ ke chlǐh-dɛ̍ᵻ diih pɔ̀ni-ɛ wɔ̍i̍n. Nyɔsoa pa̍ mɛ̌-nyɔ̍-a taɔ dǒ dɛ̍ᵻ u̍h nu̍-aɛ we̍, ka i̍h nu̍-a chlǐh-ɛ dě chlǐh-dɛ̍ᵻ laa̍ di̍i̍-ɛ.