Pɔ̀n Chɛ̀ Luu To-a La 16:16 - Ku̍o̍ Delee 1999

¹⁶ “Mose-a telě ke Nyɔsoa-a tu̍owli po̍ nyɔ̍-a chlǐh-dɛ̍ᵻ nɛ-ɛ se̍e̍, wɛ̀ Chɔɔn ɔ̀ po̍-a nyɔ̍ nǐ dlǔ-ɛ dǔ wlǔh-ɛ. Sɔ dǒ ti̍ laa̍ di̍i̍-ɛ, pɔ̀n chɛ̀ ɛ̀ kɔn-a dǒ Nyɔsoa-a kmɔ̌ wlu̍ i̍ kɔn-ɛ we̍-ɛ, ɛ̍ dǔ-a bla̍-ɛɛ bo ɛ̍ blě-a. Wɛ̀ nyɔ̍ kli̍hgbɛ̍-a fɔ̀n dɛ̍ we̍ u̍h iě dě ɛ̍ di̍i̍ gbǎ.

Pɔ̀n Chɛ̀ Luu To-a La 16:16 Iomraidhean Croise

Matio 10:7

Pò mɔ̀ mu̍-ɛ, mɔ̀ po̍ tu̍owli la. Nɛ̀ mɔ̀ la̍a̍, ‘Nyɔsoa-a kmɔ̌ wlu̍ i̍ kɔn ti̍ kɔǎn we̍ wɛ̀.’

Matio 15:11

Dɛ̍ ɛ̀ mu̍-a dě nyɔ̍ wɔ̍ɔ̍n-ɛ, ɛ̍-ɛ nyni nyɔ̍ dě Nyɔsoa jlǐh i̍. Jɛ dɛ̍ ɛ̀ sɔ-a dě wɔ̍ɔ̍n-ɛ, ɛ̍ bo ɛ̀ nyni nyɔ̍ dě Nyɔsoa jlǐh i̍.”

Matio 21:32

Dɛ̍nu̍ɛ, Chɔɔn ɔ̀ po̍-a nyɔ̍ nǐ dlǔ-ɛ ji̍ nɔ̌ mɔ̀ we̍ ɔ̍ iě mɔ̀ wìè slɛ̌ i̍ toe, iě mɔ̀ se̍ ɔ̍ tìh chɛ̀ po̍. Jɛ taa̍sìh sà nyɔ̍ ke kàìà nynɔ̌gbaɔᵻ nɔ̀ɔ̍, u̍h po̍ ɔ̍ wlu̍ tìh chɛ̀. Mɔ̀ jě-a dɛ̍-a chɛ̀ la u̍h nu̍-aɛ, ɛ̍ se̍ mɔ̀-a wlùh fèàɛ̀ mɔ̀ iě ɔ̍ tìh chɛ̀ po̍ ke.”

Matio 3:2

Ɔ̍ la̍a̍, “Mɔ̀ bǐi i̍, mɔ̀ iě gblɛ̍n sɔ̀ɛ̀n kɛ̍n i̍ poe. Dɛ̍nu̍ɛ, Nyɔsoa-a kmɔ̌ wlu̍ i̍ kɔn ti̍ kɔǎn we̍ wɛ̀.”

Matio 4:17

Sɔ dǒ ti̍ laa̍ di̍i̍ Jusu tè tìh bla̍-a gbɔ̀, ɔ̍ la̍a̍, “Mɔ̀ bǐi i̍ mɔ̀ iě gblɛ̍n sɔ̀ɛ̀n nu̍-ɛ i̍ tǎli. Dɛ̍nu̍ɛ, Nyɔsoa-a kmɔ̌ wlu̍ i̍ kɔn ti̍ kɔǎn we̍ wɛ̀.”

Matio 4:23

Wɛ̀ Jusu na Kaladii bloa̍ kli̍hgbɛ̍ we̍, ɔ̍ po̍ nyɔ̍ nǎ dě Juu nyɔ̍-a wɛɛ sà gbòᵻ sɔ̀n-i. Iě ɔ̍ bla̍ pɔ̀n chɛ̀-a tìh dǒ Nyɔsoa-a kmɔ̌ wlu̍ i̍ kɔn dɛ we̍. Wɛ̀ ɔ̍ bɔ̌-ɛ nyɔ̍gbei-a poa-dɛ̍ᵻ ke wɛ̌ᵻ kli̍hgbɛ̍.

Pɔ̀n Chɛ̀ Maɛ To-a La 1:14

Ti̍ u̍h po̍-a Chɔɔn kasoo-ɛ, dǒ ti̍ laa̍ di̍i̍ bo Jusu mu̍-i Kaladii fɔɔ, iě ɔ̍ bla̍ Nyɔsoa-a pɔ̀n chɛ̀-a tìh we̍i̍.

Pɔ̀n Chɛ̀ Maɛ To-a La 1:45

Jɛ ɔ̍ mu̍-aɛ, iě ɔ̍ sèàɛ̍ nyɔ̍ kli̍hgbɛ̍ wlùh, iě pɔ̀n laa̍ ɛ̍ sɛ̍ i̍. Sɔ ɛ̍ nu̍ ɛ̍ Jusu-u nyɛ-ɛ ɔ̍ chɛ̀ i̍ dɛ wlɔ̀ᵻ di̍i̍ i̍. Jɛ nɛ̀ tà nɛ̌-a i̍-ɛ bo ɔ̍ nɛ la̍ sǔh. Nɛ̀ kǎ nyɔ̍gbei-a sɔ di̍i̍h i̍ u̍h-a mu̍ dě ɔ̍ we̍.

Pɔ̀n Chɛ̀ Luu To-a La 10:11

‘Mɔ̀-a wlɔ̀-a blǔh-a chɛ̀ nɛ-a à bu̍hᵻ i̍-ɛ bo à gbàbo-a, wɛ̀ mɔ̀ iě ɛ̍ i̍ jě. Jɛ mɔ̀ bɔ̌ mǎle-ɛ ka Nyɔsoa-a kmɔ̌ wlu̍ i̍ kɔn-ɛ nɛ-a mɔ̀ i̍ wɛ̀-ɛ.’

Pɔ̀n Chɛ̀ Luu To-a La 10:9

Nɛ̀ mɔ̀ pǔh-i poa-nyɔ̍ nɛ-a dǒ wlɔ̀ laa̍ di̍i̍-ɛ. Nɛ̀ mɔ̀ la̍a̍ dě wlɔ̀ nyɔ̍ kli̍hgbɛ̍ we̍, ‘Nyɔsoa-a kmɔ̌ wlu̍ i̍ kɔn-ɛ nɛ mɔ̀ i̍ wɛ̀.’

Pɔ̀n Chɛ̀ Luu To-a La 16:29

Jɛ Eblaɛɛn la̍a̍, ‘U̍h blě Mose ke Nyɔsoa-a tu̍owli po̍ nyɔ̍ dě u̍h we̍. U̍h kɔn wlu̍ bo u̍h iě dounᵻ tù.’

Pɔ̀n Chɛ̀ Luu To-a La 16:31

Eblaɛɛn la̍a̍ dě ɔ̍ we̍, ‘Pò u̍h se̍ Mose ke Nyɔsoa-a tu̍owli po̍ nyɔ̍-a wlu̍ dounᵻ tù-ɛ, nɛ̀ pò nyɔ̍-a jɛ wlǔh-eɛ, ɛ̍ se̍ u̍h-a dlǔ jli̍-i mu̍ ke sǔh.’ ”

Pɔ̀n Chɛ̀ Luu To-a La 9:2

Wɛ̀ ɔ̍ dbo̍ u̍h u̍h iě Nyɔsoa-a kmɔ̌ wlu̍ i̍ kɔn tìh bla̍, wɛ̀ u̍h iě wɛ̌ᵻ nyɔ̍ pǔh-i.

Chɔɔn 1:45

Felɔ pɔ̀n Natanio i̍, iě ɔ̍ la̍a̍ dě ɔ̍ we̍, “Ɔ̀ kɔn tìh Mose sà-a dě telě chlǐh-dɛ̍ di̍i̍ wɛ̀ Nyɔsoa-a tu̍owli po̍ nyɔ̍ sà-a ɔ̍ tìh i̍ ke-ɛ, à jě ɔ̍ wɛ̀. Josɛ-a jǔ Jusu bo, ɔ̍ sɔ dǒ Naaslɔɛ wlɔ̀ di̍i̍.”

Chɔɔn 11:48

Pò à gbɛ̀n ɔ̍ ja̍ wɛ̀ ɔ̍ iě ɛ̀ la dluwe̍ i̍ gba̍-ɛ, nɛ̀ nyɔ̍ kli̍hgbɛ̍-a mu̍ ɔ̍ wlùh gbaɛ. Nɛ̀ ɛ̍ mu̍ Wloma nyɔ̍ ja u̍h iě à Nyɔsoa-a slaǎ sà gbò ke à bloa̍ jii̍ nyni-i.”

Chɔɔn 12:19

Nɛ̀ Fɛlesii nyɔ̍-a sǔh-a nu̍, “Mɔ̀ gbɛ̀n-e, à-a jě-o jua̍a̍ dɛ. Blǔh kli̍hgbɛ̍ wɔ̀ dǒ ɔ̍ de̍e̍ wɛ̀ o.”

Chɔɔn 5:4

Dɛ̍nu̍ɛ, Joi-a ǐnchɔ̀-a ji̍ dǒ dle-e wloo laa̍ kɛ̍n sɔ̀ngbɛ̀jɛ̀ iě ɛ̍ sèke nǐ i̍. Nɛ̀ pò ɛ̍ sèke i̍-ɛ, nyɔ̍ sàǐtòò ɔ̀ mu̍-a dǒ ɛ̍ kɛ̍n gbǎ-ɛ, wɛ̌ tu̍ ɛ̀ nɛ-a dǒ ɔ̍ pùn-ɛ, nɛ̀ dǒ ɛ̍ nyna ɛ̍ bɔ̌.]

Nu̍-dɛ̍ᵻ 3:18

Jɛ ɛ̀ Nyɔsoa sà-a dě ɔ̍ tu̍owli po̍ nyɔ̍ kli̍hgbɛ̍ ja̍a̍ tɛin-ɛ, ɛ̍ gbǎ chɛ̀-ɛ wɛ̀. Ɔ̍ la̍ ɔ̍ Chèɛ̀ Tba̍ju-a mu̍ jua̍i̍ sàɛ̀.