Pɔ̀n Chɛ̀ Luu To-a La 16:11 - Ku̍o̍ Delee 1999

¹¹ Pò mɔ̀ se̍ gba̍n gbɛ̍n dǒ kmɔ̌-a pàn-dɛ̍ᵻ we̍-ɛ, nɛ̀ ka nyɔ̍-a mu̍ mɔ̀ pàn-dɛ̍ᵻá chɛ̀ naɛ kwa̍ tèè-ɛ nu̍ ɛ?

Pɔ̀n Chɛ̀ Luu To-a La 16:11 Iomraidhean Croise

Matio 6:24

Ɔ̍ la̍a̍, “Mɔ̀-a chɛ̀ juo ɛ̍-ɛ, nyɔ̍ due se̍ dlǔtuᵻ sɔɔ̌n jǔ dbee-ɛ bɛ̌ɛ. Nɛ̀ ɔ̍ mu̍ due faɛn, wɛ̀ ɔ̍ iě due-e jbɛɛ. Nɛ̀ ɔ̍ mu̍ due we̍ fòè ɔ̍ iě-o due i̍ si̍e̍. Kǎ ɛ̍ nɛ, mɔ̀ se̍ wlǐ-i jbɛɛ-ɛ ke Nyɔsoa wɛɛ sà-a tàdùè nui-ɛ bɛ̌ɛ.

Pɔ̀n Chɛ̀ Luu To-a La 12:33

Mɔ̀ ple̍ mɔ̀-a kɔn-dɛ̍ᵻ mɔ̀ iě i̍h nyɔ̍gbà nyɔ̍ nyǐ. Pɔsɛ̍ ɛ̀ se̍a sɔ̀n la̍ kɔn-ɛ, mɔ̀ pɔ̀n ɛ̍ i̍ dǒ mɔ̀-a chɛ̀ we̍. Nɛ̀ mɔ̀ tè mɔ̀-a pàn-dɛ̍ᵻ i̍ dě ja̍i̍wlɔ̀, tà i̍h se̍a i̍ wɛ̀ mu̍-ɛ. Dɛ̍nu̍ɛ, jlǐ-nyɔ̍ se̍-e mu̍-ɛ bɛ̌ɛ, iě dǐkàsè se̍ i̍h-i gbɔ̀lɔ-ɛ bɛ̌ɛ ke.

Pɔ̀n Chɛ̀ Luu To-a La 16:12

Nɛ̀ pò mɔ̀ se̍ gba̍n gbɛ̍n dǒ nyɔ̍ dɔɔ-a dɛ̍ we̍-ɛ, nɛ̀ nyɔ̍we̍-a mu̍ mɔ̀ dɛ̍ nyǐ mɔ̀-a chɛ̀ iě kɔn ɛ?

Pɔ̀n Chɛ̀ Luu To-a La 16:9

“Ǎn sèàɛ̍ mɔ̀ wlùh, kmɔ̌ we̍ pàn-dɛ̍ᵻ mɔ̀ blě-aɛ, mɔ̀ gbɛ̍n-ɛ i̍h ba̍ᵻ dǒ mɔ̀-a chɛ̀ we̍. Wɛ̀ pò i̍h wɛ̀ i̍-ɛ, iě Nyɔsoa iě mɔ̀-a tìh i̍ gbɛ̍n ke dě ɔ̍ kmɔ̌ sie tèla̍ di̍i̍.

Pɔ̀n Chɛ̀ Luu To-a La 18:22

Jusu wɔ̌n-a wlu̍ la-ɛ, iě ɔ̍ la̍a̍ dě ɔ̍ we̍, “Dɛ̍ due gbài̍ bo ìn se̍ nu̍ ke. Mu̍ ìè àn kɔn-dɛ̍ᵻ kli̍hgbɛ̍ ple̍, ìè i̍h-a wlǐ nyɔ̍gbà nyɔ̍ jii̍ gblè, nɛ̀ àn mu̍ pàn dě ja̍i̍wlɔ̀. Nɛ̀ ìn ji̍ ìè dǒ ǐn de̍e̍ gbǎ.”

Ɛfɛsɔ 3:8

Kǎ ɛ̍ nɛ gbɛɛ, mɔ̍ Nyɔsoa nyɔ̍ kli̍hgbɛ̍-a konynǐ. Jɛ Nyɔsoa tè-e ǐn dbo̍ la kwa̍ iě pɔ̀ìě klaa ɛ̀ Klai-a nyǐ-a nyɔ̍-ɛ, ɛ̍ tìh we̍i̍ bla̍ dě ùh se̍-a Juu nyɔ̍-ɛ we̍.

Chiin 2:5

Ǎn tìh kma de̍di̍i̍ᵻ, mɔ̀ tba̍ dounᵻ i̍. Da̍a kmɔ̌ la we̍-ɛ, nyɔ̍gbà nyɔ̍ bo Nyɔsoa tba̍ chèɛ̀ ùh iě pàn dě wlùh gbaɛ di̍i̍. Ɔ̍ kmɔ̌ wlu̍ i̍ kɔn-ɛ kɔn wlu̍ ɔ̍ po̍-a tɔ̀ma̍a̍ dǒ nyɔ̍ ùh kma-a ɔ̍ tìh-ɛ we̍-ɛ, u̍h-a mu̍ ɛ̍ fɔ̌ kɔn ke.

Wlɛfeleseɔn 3:18

Ɛ̍ tìh-ɛ, ǎn tù mɔ̀ slɛ̌n mɔ̀ iě kòo̍ wlihwlǐh tɛ̀n nɔ̌ ǐn we̍, wɛ̀ mɔ̀ iě pàn. Mɔ̀ tɛ̀n jlii̍ plǔᵻ ke mɔ̀ iě-e pa̍. Wɛ̀ mɔ̀ iě dɛ̍ jǔ wlǎ, tɛ̀n-ɛ je̍e mɔ̀ nu̍. Mɔ̀ tɛ̀n kwɛ̍i̍n mɔ̀ iě jlǐh i̍ po̍, wɛ̀ mɔ̀ iě i̍ jě.